[poem=font="simplified arabic,5,black,bold,normal" bkcolor="transparent" bkimage="backgrounds/13.gif" border="none,4,gray" type=0 line=0 align=center use=ex num="0,black"]
أبد ماجيت اباركلك ولـكن جيت ابا وصيك =على اللي ناويـ (ن) تدخل بها الليله معذبتي
ترا لولا الضروف اللي عطتك وحدت محاكيك =قسم بالله ماتدخل عليها لو على رقبتي
ولكن ان النصيب اقوى ولا ادري ويش اسوي فيك =نعم صارت معزبتك ولا صارت معزبتي
كذا شاءت بنا الاقدار تحرمني لجل تعطيك = كذا لازم عشان تفوز انت وانا اخسر بتجربتي
تراها غاليــــه جـــدا وتكفـــى والله يخلييـــــك =تدللـــها وتدلعهــا وتنسيهــا مصـــاحبتــي
انـــا مـــن كثر ماغليها احــــس اني بديت اغليـــك =ولاتسأل بأيــة حق والا وش مناسبتي
لانــك لو بتسألني بتسمع شـــئ مايرضيــك لذا ياخـــوي لاتســـأل ولاتسمع لأجوبتـــي
ابيــك تحطها فـي داخل عيونـك وبين ايديك=وهـي دلوعـه اعتادت على كثرت مداعبتــي
فداعبها شوي شوي حتى تشتهي طـاريك =وشـاغبها الين تقـول بطـل مـن مشاغبتـي
واذا مــالها خلقــك ولاتضحــك ولاتسليـــك =تحملـــها واسـألها ياعمــري ليــه عصبتــي؟
وبالـــك اسمـع انك يـوم تضربها وهـي تشكيـك=مايحتـاج اوريلك بفـن الضــرب موهبتـــي
صحيــح انـك بتملكـها ومعك العقــد بالتمليك =وانا عارف حــدود الله ومن حقـــك معــاقبتــي
ولــــكن قلــها المجنـــون وصانــي وهــو يعنيك =يقول انــه بينتظرك لو شيــب وشيبتـــي
وانا مجنونها اللي مانســاها وانــت مايمديــك =تغطــي ذكرياتي في هواها وربـع تجربتي
احــس انـي تماديت بكلامـي والغضـب حـاديك =ولو انك في مكاني ماتفكـر فـي محاسبتي
كفـاك انـي تركـت اشغالي الليله عشـان اجيك=دخلت القاعه برجلي ولاادري ويش عاقبتي
وانا ماجيت اخرب عرسك الليله ولا أأذيك =انا جيتك عشان اخاطبك وانت تسمع مخاطبتي
توصى و انتبـه واحرص عليها والله يهنيــك =ترا كل الكــلام اللي طلع من ضيقـي وكبتــي
لــكن ماقدرت اني اقوله وانت مايخفيك =اخـــاف اني اذا قلتـــه تقـــووم وتقطــــع رقبتـــي [/poem]