[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياضحكة الـورع مـدري ويـن شايفهـا = ان كان ماني بـواهم ضحكة ( فلانه )

غمـازتـه.. شفٌـتـه.. تشـبـه شفايـفـهـا = واعيونـه عيونهـا يضـحـك ونعسـانـه

والله ياضـحـكـتـه عــجــزت اطـوفـهــا = واللي شغلني معه من جملـة اخوانـه

وقـفـت والـنـفـس مـابــدٌت حسايـفـهـا = ضيـعـت وقـتـي مـعـه كـلــه علـشـانـه

ابنـشـدهـوالـبـشـر تـتــبــع ولايـفــهــا = يلعـب طـرف بالملاهـي بيـن ورعانـه

وصديـت والعـيـن ماتنـسـى وصايـفـه = (هاذيـك) نفسـي عليهـا حيـل شفقـانـه

يانـفـسـي يـالـلـي تحلـفـنـي واحلٌـفـهـا = حاولت اشكـك وهـي ماهيـب غلطانـه

تـقـول هـالـورع والله مـــن خلايـفـهـا = واقــول ربــي خلقـنـا اشباهـسبـحـانـه

هاذيـك راحــت وانــا مانـيـب عايفـهـا = حـكـم المـقٌـدر وكــلٍ راح فــي شـأنــه

خبـري بهـا يـوم جاهـا مــن طوايفـهـا الـلـي خـذاهــا ويـتـبـع سـلــم جـدانــه

ماشافتـه لا .. وهـو ماهـوب عارفهـا = ماشاوروهـا أبــد ماكنـهـا إنسـانـه !!

رااااحت وانا بالشقـى كنـي مناصفهـا = يـامـل قـلـبٍ شـكـى هـمــه وحـرمـانـه

ولليـوم قلبـي يـردد لــي ( سوالفـهـا ) = هذيـك نفسـي عليهـا حيـل شفقـانـه ..[/poem]