[poem=font="simplified arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=1 line=0 align=center use=ex num="0,black"]
هذي قصية له في احد جماعته العزيزين عليه



يابن سمـاح انكرتنـي يامحبوبـي =خليتنـي واقفيـت للـربـع ذولاك
وانا صديق ٍ لك ولانـي لسوبـي =وان شفت صدات الجفا منك مشناك
ياصار عنـدي ماهفالـك وجوبـي =وسني وقم سنك ومربـاي مربـاك
مايمشي الاقـدام غيـر القلوبـي =ومن ماشتهى لو تفتح الباب ماجاك
كان ماتبي المسيار منت مغصوبـي =وان جيتني يالهيلعي قلـت حيـاك
مابيك تغفر لـي سوابـق ذنوبـي =ولابيك تعطيني من اطراف دنيـاك
والله لو ماملك غير بشتي وثوبـي =اني عزيز النفس مثلك وشـرواك
جاني خبرك انك حسنت الشنوبـي =وحطيت لك لحيه وبالجيب مسواك
لانتـا شمالـي ولانتـا جنـوبـي =عجزت لاميـز مذاهبـك والقـاك
خابرك يوم انك ظحوك ٍ عجوبـي =قبل بياض الشيب ياشـع ملحّـاك
يوم انت عوق ٍ للهنوف النصوبـي =اللي تروقـب بالوعيـده تحـراك
ذكرتنـي سنـة ربيـع الخبوبـي =يـوم البكـار يداحمنـك بمفـلاك
يوم انت بطراف العرب لك ذهوبي =وضح ٍ تبي تقفي بهن مع رعاياك
البكره اللـي ماضـرت للركوبـي =ترجح بممشاها على صوب ممشاك
لو شفت مفلاهن خلـي ٍ تهوبـي =صفقت باليمنى على كف يسـراك
يامسندي سكـر نسيـم الهبوبـي =يوم انتهى عند الغناديـر طريـاك
شمسك عصير وهورفت للغروبـي =واللي تخبره بـاول العمـر خـلاك
وليا احتريت احتر عليـم الغيوبـي =لاتحتري يرجـع زمـان ٍ تعـداك
لو سالت الشعبان سيـل ٍسحوبـي =ماظنتي يرجـع مثـل وقتنـا ذاك
الله يفكك مـن عكـاش الدروبـي =ومن البناشـر والمطبـات ياقـاك
وعساك ماتسكن ببيتـك عزوبـي =والله يخلي لـك ذلولـك ومعـزاك [/poem]