[align=center]ثمان سنين لا شاكي ولا حاكي ولا فضاح

ثمان سنين عراها مزاحي في شتاء جدي



ثمان سنين لا صابر ولا ساكت ولا مرتاح

ثمان سنين عن ستين يا وارث دما جدي



أدرجها وأقول الله يعين اللي شبابه راح

مع أني عارف وش تالية ما تزرعه يدي



أشيل من الهموم جبال لو ما شفتني نواح

أكابر وأتصنع وأتجاهل ما وقف ضدي



أنا يا أبوي وأن زاد الكلام وقلت الأرباح

سجنت الروح في سجن الصدر لين أنكشف سدي



نخيت الدمع بس الدمع ما طاع الضعيف وطاح

وأنا محتاج أسيل في دموعي صرخة قدي



تعاتبني ولا تدري يا أبوي أن العتب ذباح

تعاتبني وأنا ما جيت في أمري ولا ودي



ثمان سنين ضاعت من حياتي والسنين أرواح

ثمان أرواح ماتت في عيوني وأخلفت عدي





عبدالله ناصر العتيبي[/align]