القناعة كنز ..والعقـل فانـوس الضريـر
والتغابـي حيلـة اللـي زمانـه يحقـره


والرجل لا صار عاصي ترى ما فيه خيـر
ان حكابـي بحقـره وان نفعنـي بشكـره


والخيال اكبر من الحلـم والواقـع مريـر
يا بـري حـال المعنـا وحزنـه وقهـره


ودي أكابر على الجرح والحـزن الكبيـر
اللي لو استصغره طيـش حزنـي كبـره


كبر حزني عقب توديعـة الليـل الأخيـر
كبر دمعات اليتيـم فـزوايـا المقبـرة !!


أتقوى بالصبر والحـزن سيـف شطيـر
والجفا ما هـو سنافـي ولا فيـه ثمـرة


ليتني ما كنـت أحـب بقناعـات الفقيـر
وابتسامات الحيـاوي وضحـك المبـزرة


وليت ما عندي أحاسيس وشعور وضمير !
وليتني مبكي علـى الماضـي ولا اتذكـره


الحنيـن يكبّـر الحـب لـو انـه صغيـر
والخيانة تقتل الحب وتقـص ظهـره ..!


صاحبي ما نيب ميت مـن الأحزان..ميـر
رتب اجروحي غلا وبعثـر اللـي تبعثـره


واقتل إحساس القصـاد وغلفهـا بحريـر
واجبر أحلامي قبل جـور دمعـك يكسـره



الغني اللـي مـن اجـروح خلانـه فقيـر
والفقير اللي ما عنده عيال ولا مـره ..!