[align=center]هذه القصيدة رد على الشاعر علي بن حمري الحبابي القحطاني
عندما وصف اهل الشمال( بالفقع ) حيث سأله مقدم برنامج (نجوم الساحة ) ان هناك من يقول الجنوب مافيه شعراء فقال ان الجنوب مافيها فقع الفقع بالشمال
ويقصد ان اهل الشمال مثل الفقع وهذا كان رد شاعرنا عليه
[/align]
[line][/line]
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الفقع واجد لا بغيتـه شمالـي=والطيط في غير الشمال ابكثافة
ظلمت حظك ياعريب الخوالي=اخطيت في حق الرجال بلقافـة
اهل الشمال مروضين الرجالي=وشلون تاصفهم (فقع)ياحسافـة
اهل الشمال معقديـن الحبالـي=لا ثارت الهيات كلـن يخافـة
اهل الشمال اللي تشيل الثقالـي=يومن وليد اللاش شال الخفافـة
اهل الشمال امبهرين الدلالـي=سفرة عشا الضيفان تاخذ مسافة
اهل الشمال اللي ذرا كل جالي=عون الصديق وعوق للي خلافة
فيها العنوز اسيادكم ياحلالـي=اهل الكرم والجود واهل الخلافة
وفيها الطنايا اميليـن العقالـي=شمر تذيق الضد ضيم وكسافـة
وفيها بني خالد ونعـم العيالـي=الطيب فيهم ذنب حل اقترافـة
وفيها بلي شّم الجبال العوالـي=وبني عطية يجزلون الضيافـة
ابا اعتذر للي نسيـت ابمقالـي=كل القبايل نعـم مابـه كلافـة
مافجّرو يوم الفتن والضلالـي =يوم البشر كلن يلاقـي حتافـه
صحيح لوانا ضعيفيـن مالـي=لكن هوامير الكرم والحصافـة
والله لولا حشمت اهل الفعالـي=اهل النسب قحطان ليعوف قافه
ويعوف قول الشعر باول وتالي=ويحرّم التلفاز هي والصحافـة
لااذوقه سم ٍ يشوفـه زلالـي=واشوّفه غربال ما يـوم شافـة
اشوفني بالهـرج زاد انفعالـي=ابا اوجز المعني واليم قطافـة
ابا اختصر ماعاد فيها مجالـي=الهرج بيّتن واضح ٍ من غلافـه
اكبر فخر للي سكن بالشمالـي=واكبر دليل انا على النقص آفة
مليكنا من عـم ّ والا خوالـي=يرجع شمال الدار باخر مطافه [/poem]
[line][/line]
[align=center]جمال الدهمشي [/align]