[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
ما جبلت إلا على طيب وكرامـه=ولا عشقت من الزمان إلا الزعامه
ومن يفكر يجرح أحساسي بيبطـي=ما لقى شفه ولا يـا صـل مرامـه
راسي ألامـس بـه نجـوم الثريـا=فطرةِ تبقـى الـى يـوم القيامـه
يشهد الله مـا كسبنـا إلا الجمالـه=ويعلم الله ما كرهنـا إلا الرخامـه
في مقابيل الزمان وفـي سلوفـه=يوم صكات الرمك دون الجهامـه
الوفـا منـا وفيـنـا والأصـالـه=وأحمد الله هامةِ من فـوق هامـه
وأنت ياللي ما ورى حبك محبـه=لاتحسـب الليـل يستـرك بظلامـه
انتبـه لا يطلـع الصبـح وترانـي=ويل قلبـك مـن تغليـه وزمامـه
لا تحسب أنك تبي تحكم شعـوري=حيلـةِ عميـا وقافيـهـا نـدامـه
خل صـدك ينفعـك يـا هملالـي=و أعرف أني ما بلحقـك الملامـه
من سمع قولك على أول ما عرفتك=قال أبو الطيب وحكمة أبو دلامه
تدري أن الحب لا من قـل ضيًـه=أصغر من الحَب في فـم الحمامـه
سامح الله كل جـرحِ وكـل صـده=وسامح الله كل ضحكـه وأبتسامـه
وألا أنا ما عاد فيني مـن مجامـل=أعتبرها حبل في رقبـة النعامـه
عزتي من دون شكري وأمتناني=والرحيل أخير من قتـل الكرامـه [/poem]