[align=center]رثاء وتعزية بالشيخ / صالح الأمعط العواجي رحمه الله[/align][poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علماً لفاني كدر البال تكدير = والعين يا مشكاي تذرف هميله
حزت لفاني فتر الحال تفتير= أثر على حـالي وحالي هزيله
علماً يـدمر مهجت القلب تدمير = والنار شبت بالضمائر شعيله
وقلت الخبر وشلون عساه يصير = وقالوا وكاد ولا يبيله دليله
وحل الأجل معاد فيها معاذير = قالوا توفى اليوم شيخ القبيلة
قالوا توفى الشيخ قبل أمس بعصير = وحان القدر اليوم وأعلن رحيله
وفجوا اللحد وحطوا عليه الدوامير = وكبوا عليه من الحصى والنثيله
ياعين هلي عبرة الحزن تغزير = ابكى على شيخا فعوله جليله
ابكي عليه وكبي الدمع تكرير = والى صفا صافيك هاتي حثيله
يا حيف يا شيخاً يقود الطوابير = نسل الشيوخ اللي تجيب النفيله
الله ينور وحشة القبر تنوير = وعساه بالجنات أول نزيله
والله يفكه جور منكر وناكير = ويثبته قبل سؤاله وقيله
مرحوم يا نسل الشيوخ المغاوير = يا ناطح القالات راع الجميله
قاد القبيلة للشرف والتفاخير = وقبله هله راس الفخر واصليله
شيخان من يوم الليالي مدابير = ما شيخته ما بين يوماً وليله
صميدعي وإن صار بالوقت تغير = الصعب يدرك حلته ويعبيله
تبكيه رملاِ واليتامى المقاصير = وكم طاعناً بالسن شيخاً بكيله
عز الله إنه دايماً يبذل الخير = وعلى العطاء يمناه ما هي بخيله
أنا احمد المعبود عقّب مناعير = لو راح منهم شيخ ياتي مثيله
طلال للزمات ما فيه تقصير = حر عديم وماكره بالطويله
يا مدبرً ذالكون بأحسن تدابير = تجبر عزاهم وكل شراً تزيله
لو ينفدي نفداه بالروح والغير = وأرواحنا من دون صالح بديله[/poem]
[align=center]
الشاعر
زايد محمد مسيب الخمشي العنزي
محافظة القريات[/align]


[align=center]واننا نشكر الشاعر على مشاعره النبيله ونشكر الاخ الفاضل / مشوح سعيد العنزي على تزويد منتدى الويلان بهذه القصيده[/align]