السلام عليكم ورحمة الله وبركاته

غبي ومتخلف منافق وكذاب,,,,,كلها صفاتك يازعيم الرخامه

والله لولا الخوف من رب الكتاب,,,,,لادعي عليك الين يوم القيامه

بس الوعد قدام لاصارت حساب,,,,,عند الذي مافوق هامته هامه

مثلك ذليل لو رقى رأس مرقاب,,, يبقى صغير وعيب حتى احترامه

يومي حضنتك بين جفني والاهداب,,,,وخليت لك قدر ومكان وزعامه

تخطي علي وارضيك واقول احباب,,,,مافيه داعي للزعل والملامه

وتعود الكره وتخطي بلا اسباب,,,,(وكل ماخطيت اعاتبك بأبتسامه)

لكن خلاص ارحل ترا خاطري طاب,,,,كلش ولاتقرب حدود الكرامه

ماعاد باقي بيننا حساب وعتاب,,,,خلاص ابعد دام بعدك سلامه

لكن قبل لاتروح عندي لك اسهاب,,,, وببسطه لك ياعديم الفهامه

اذا نويت تحب وتختار احباب,,,,عليك باللي يناسبك بالمقامه

لالا تناظر فوق وتكسر ارقاب,,,,وتختار لك قامه ماهي بأي قامه

احلم على قدك ولايوم ترتاب,,,,انك سليل خبولها والهتامه

والا انا بنت شيوخ وفهود وذياب,,,,اللي الطيب بناصيتهم علامه

ماعاد تغريني سواليف واعجاب,,,,وقت الجهل عدى وزاحت غمامه

وسوالفك اللي بها ليلنا ذاب,,,,يومك تقول انك امير الوسامه

ودايم تقول انك على الدوم ماتهاب,,,,جامع كرم واخلاق معها شهامه

وشلون تمشي وكل مافيك ينعاب,,,,مايصدقك لااهل العقل ولاالغشامه

لانك غبي مختلف منافق وكذاب,,,,وماخذ على الجهال اعلا علامه