[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="double,6,seagreen" type=1 line=0 align=center use=ex num="0,black"]
يالفارس اللي ماتهاب الميادين =وذي عادة الفارس ليا طـب ميداان

الشعر بندق والمعاني نياشين =والقصد واضح والهدف رمي نيشان

الطيب هقوه للرجال الوفيين =والصدق قوله كنه الصبح لابان

دام الهقاوي والمبأدي مظامين =أصدح بصوتك ياسلايل كحيلان

الشرق الاوسط يرتجف بالسلاطين =أن قلت وايل ؟ ردد الكون ويلان

جينا من أقصانا لصوتك ملبين =( ياالوايلي ) ماتطلبه يحصل الآن

حنا هل الفزعه حرار الشياهين =وأهل الحميا لاغشى الجو دخان

من أقصى المدينه للعراق لفلسطين =ومن دار زايد لابن ثاني لنجران

ومن أقصى الشمال لارض المنامه ليبرين =ومن الكويت لنجد بسنان وعنان

اللي تريده ياحمد مستعدين =ناطى عـدوك بالقدم يابليهان

ماهمنا لو العدو دولة الصين =حنا كسرنا عرش كسرى وهامان

يشهد لنا التاريخ أول وهالحين =أبشر بفزعه شأنها بالعرب شان

والمعذره توي قريت التلاحين =وجتني كذا فزعه على شكل قيفان

والا الشعر حنا هله قلهم وين =ماني معدد والزمن شاهد أعـيان [/poem]