[align=center][align=center]ترحيبيه بعودة صاحب السمو الملكي

الأمير/سلطان بن عبدالعزيز

الى ارض الوطن سالمآ معاف[/align]

[/align]
[poem=font="Simplified Arabic,4,green,normal,normal" bkcolor="transparent" bkimage="backgrounds/4.gif" border="solid,4,gray" type=0 line=0 align=center use=ex num="0,black"]
حل السعد والكـل منّـا استسـرّا=وعاد الفرح لقلوبنا عقب الاحـزان
الحمـد للمعبـود جهـرآ وسـرّا=ربٍ علـى خلقـه رحيـمٍ ومنـان
اللي رفع عن سيـدي كـل ضـرّا=وحقق رجانا يوم ندعـوه بأيمـان
سلامتك ياميـر مـن كـل شـرّا=يحفظك ربي من صواديف الأزمان
عمرك طويل وفـي ذراك انتـذرّا=يـدوم عـزك ياسلايـل كحيـلان
في شوفـة محيّـاك كـلٍ يسـرّا=وتسعد بك قلوبٍ لها الوقت مازان
بقلوبنا غالـي ولـو كنـت بـرّا=غالي ياخو نوره وفيك السعد بـان
ويلان مامن عـن غلاكـم مفـرّا=نفخراليا قلنـا المعازيـب ويـلان
شيخٍ على كسب النفايـل مضـرّا=تـدوم ياسلطـان للمجـد عنـوان
مـدّة يمينـك لاعطـت مـاتـدرّا=عطاك للمسلم وصل كل الأوطـان
القاف زانـت صوغتـه واستمـرّا=تطرب حروفه دامها بمدح سلطـان
تنطق علـى مـدح العزيزيـن درّا=للي لهـم بقلوبنـا بالغـلا شـان
بقلوبنـا سلطـان يملـك مـقـرّا=وفي دمنا يجري غـلاه وبالأبـدان
ياحـي منهـو شامـخٍ مـاتـورّا=والحمل لامنه بـرك لـه بليهـان
وجه السعد والخير منـه ايتحـرّا=له وقفةٍ يفرح بهـا كـل انسـان
مثـل المـزون بغيثهـا لااستـدرّا=يوم استهلت يرتوي كـل ضميـان
لاجـاه مضهـود الزمـن ماتبـرّا=يبشر بعزّه من لفى طيـر حـوران
صافي النوايا مايجي منـه ضـرّا=ويقابل السيّه بعفـوه والأحسـان
ولـي عهـد وبالدفـاع استقـرّا=حامي حماها يوم حـزّات الأكـوان
سقم المعـادي لااستهـان وتجـرّا=ليثٍ تهابه باللقـاء كـل عـدوان
حل السعد والكـل منّـا استسـرّا=وعاد الفرح في عودة الليث سلطان [/poem]

[align=center]الاطرق بن بدر الهذال[/align]