[align=center]إخواني الكرام / أعضاء ومتصفحي منتديات منتديات الويلان

السلام عليكم ورحمة الله وبركاته

إنتشرت في العديد من المنتديات هذه القصيدة المعبرة من دون أن ينتشر اسم قائلها

فلله دره وصح لسانه وسلم نبضه وبنانه على هذه القصيدة ووفقه الله ويقول فيها : [/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]




ثوب الزمن قامـت تزيـد شقوقـه=ولا لقينـا مـن يخـيـط فتـوقـه
نجيبـهـا مـنّـا وتقـفـي مـنّـا=لا هـي بمطـروده ولا ملحـوقـه
علـة وريـد مـا عرفـت دواهـا=مـن صابتـه بتضيمـه وبتعوقـه
عشنا وشفنا فـي الزمـان التالـي=شـي يتـلّ القلـب مـن معلوقـه
كـل علـى ليـلاه قـام يغـنـي=ويجر فـي راس الجبـل طاروقـه
شرايحـك يـا مجتمعنـا واجــد=مشحونـه ومنخولـه ومسحـوقـه
والموت وضعك يالشباب الطايـش=أرقابـكـم بالعولـمـه مشنـوقـه
يجرفكـم التيـار لآخـر صيحـه=والغرب جتْكـم طاقتـه مطبوقـه
تفكيركم في الموضـة المرفوضـه=والطرد والترقيـم ماشـيٍ سوقـه
والبنز راعي الجنـز قـام يحوفـه=مطفـوق يطـرد صيـدةٍ مطفوقـه
والسن الأزرق ميـزةٍ فـي طيـره=طيـرٍ يهـده مـا يفـك سبـوقـه
يهد فـي ( قـزاز ) وإلا ( زارا )=محميتـيـن وعـالـم مرمـوقـه
والصدر فاتـح والجفنشـي فايـح=والمشكله من تحتـه ومـن فوقـه
تبرمـدو يـا شـلـة البـرمـودا=وأشنابكـم وذقونـكـم محلـوقـه
واللي سواكم يمكـن أشلـى منكـم=وإلا بْركتهـم مثلـكـم ممحـوقـه
لأن السهر طول الدهـر مذهبهـم=وهروجهـم مقصوصـةٍ ملزوقـه
مركـى وملبـورو ودش وشاهـي=وإختـر قنـاة وتابـع الممشوقـه
فتنـة دريـم وفاتـنـة روتـانـا=إقرأ الشريـط وغـازل المنتوقـه
وإنقز مـع نقـزات هيفـا وهبـي=وإرقص مـع الطقاقـه المطقوقـه
ضيعك يالفاهـي حـلال الساهـي=قـدام عينـه خزنـتـه مبيـوقـه
أقـرب مثـل بولنـد جتـه الدنيـا=كيف أشغل العالـم بـذا الغرنوقـه
وغيره وغيـره رايـح فـي يدهـا=قـدم لجمهـور الغنـج معشوقـه
وراحت علوم أهل السهر في الرحله=ولا عاشت رجال تضيـع حقوقـه
ما دام هي من شاشـة فـي شاشـه=شاشـات الأسهـم سلعـةٍ مفروقـه
بيع وشرى والرزق مـن عنـد الله=حتـى لـو إن التوصيـه موثوقـه
يالبورصيّـه بورصتكـم بـرْصـا=وكـم بورصـيٍ جبهتـه مفلوقـه
نصف الدراهم في اللجين وسابـك=ونصفٍ بقى في الرايد وصندوقـه
والسوق خضّر والوجيـه تخضّـر=وإن حمّـر فكـم خـدةٍ مصفوقـه
نـاسٍ يوصيهـا نديـم الشـاشـه=وناس تسوق ومـا هـي بمسيوقـه
ونـاس تسيـر بطقهـا وإلحقـهـا=هز النخل يمكـن تطيـح عذوقـه
هـذي شرايـح مجتمعنـا الحالـي=كـلٍ يـدور مـا يناسـب ذوقــه [/poem]