[align=center]هذه قصيدة للشاعر الكبير /بندر بن سرور

اتمنى تعجبكم
وابي اللي يمر يرد لا هنتو[/align]

[poem=font="Simplified Arabic,7,white,normal,normal" bkcolor="coral" bkimage="backgrounds/26.gif" border="none,4,gray" type=0 line=1 align=center use=ex num="0,black"]
يالله يا جال الأمور المهمة=تجلى وهق قلب برى حال راعيه

البر دجته و البحر رحت يمّه=أدرج سبب حظ على الله مساعيه

يوم إن ولد اللاش رزقه على امه=رزقي على اللي ميّت القشع يحييه

ماني وانا بندر ببياع دمه=يقطعك يا بيّاع دمّه و مهفيه

اللي يبيّع لابسات الأزمه=ثور يبي بيض العماهيج تغنيه

يزعل ليا جت ليلة الدول يمّه=يرضى بسوق المال بأخيه و أبيه

خطو البخيل اللي يكبّر معمه=يقرا الكتاب و واجب الله مخليه

أما هرج له في رفيقه بنمّه=والا عطا و أمه تضيّع هقاويه

يا مل قلب كل ما مات همّه=دارت دواليب الدهر لين تحييه

فرّاق شمل الناس عيّا يلمه=وقتن يشيب الراس من شاية فيه

أحدن ينام و حط راسه بكمه=و أحد تخم النوم عينه و تخطيه

و أحدن يحاول بالردى بنت عمه= و أحدن يحاول ستر عذرا عوانيه

تخالف الأنظار شرقن و يمّه= كلٍ هدف رايه من الناس مرضيه

أنشدك ياللي كل شي تتمه=تقرا الكتاب وكل فرض تصليّه

ويش القليب اللي عميق مجمّه=ما سرّ غرسه ماه عطشى سوانيه

سم السبب يا عارفن عنه سمه=سم السبب يا عارفه قبل اسميه [/poem]


[align=center]
وسلامتكم ياويلان[/align]