تويت
[align=center]
إن صار زود المال بيديـن الانـذال
حنّـا مـن المعـروف تنـدا يدينـا
وان كانهم شرهوا على طيب الافعال
حنّـا وردنـا جمامهـا وارتويـنـا
وان فكّروا للجـود يمشـون رحّـال
حنّـا قبـل يمشـون يّمـه خطينـا
يا ما لبسنا للشـرف كـل سربـال
وعلـى البسيطـة للفضيلـة مشينـا
في دوحة العربا لنا مجـد وظـلال
وحنّـا علـى در المكـارم غذينـا
لو نجمع اللي فات منـا مـن المـال
إن كـان شيدنـا القصـور وبنينـا
نعطي ولا نتبـع عطانـا بالاقـوال
ونبذل ونسكـت كننـا مـا عطينـا
وان باعوا الشيمـة بدينـار وريـال
حنـا دخلنـا سوقهـا واشتريـنـا
نطلع لها لو هي على روس الاقـذال
لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال
إلـي نساهـا غيرنـا مـا نسيـنـا
أسـود سـادات ٍ تسجـل للاشبـال
فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال
حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال
لـو سـال دم دفوفنـا مـا شكينـا
نخـاف يلقـى سدنـا كـل ختّـال
ويبنـي هزيـلات المعانـي علينـا
الليل يا خالـد علـى والـدك طـال
وهنّيـت نـاس ٍ بالكـرا نايميـنـا
يا عز راسي شفت ما خبـث البـال
شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال
فطّـر خشـوم مهجرعـات الحنينـا
أدير قـالات ٍ عريضـات وطـوال
قـالات خـلـنّ المخـفـىّ يبيـنـا
منهن رزين العقـل بالوقـت يهتـال
بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال
نصبـر ونسكـت كننـا غايبيـنـا
النـاس بالأيـام راحـل ونّــزال
وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال
عالـم خفـايـا نـيـة الحاقديـنـا
ما اترك طريق العدل في كل الاحوال
لـو يرحـل المـريـخ للفرقديـنـا
كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من مناطق مختلفه من ادباء وشعراء,كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة.
له عدد من القصائد يفاخر بها منها قوله..
الله مـن هـم بروحـي سهجـهـا
بخا في ضميري في كنين الحشا لاج
احـر مـن نـار توقـد وهجهـا
منها خطر روحي على سلك ديبـاج
وعين عسى المولى يعجـل فرجهـا
يفوح ناظرهـا كمـا عيـن هـداج
استرسلت للدمـع مسمـار هجهـا
غيظ يكظ عبارهـا مثـل الامـواج
كـم واحـد لـه غايـة ماهرجهـا
يكنها لـو هـو للادنيـن محتـاج
يخاف من عوجـا طـوال عوجهـا
هرجت قفا يركض بها كل هـراج
يقضب عليك المخطية من حججهـا
حلو نباه وقلبه ابيض مـن الصـاج
الله خلـق دنيـا وسـاع فججـهـا
وعن ما يريب القلب لك كم منهـاج
والرجل وان شطت لياليـك سجهـا
عسـى تواليهـا بتشـر بالافـراج
اما قصيدته الثانية التي لاقت شهرة واسعة وصدى طيبا وتغنى بها اخيرا فنان العرب محمد عبده
وأداها بلحن جميل ،، القصيدة لها معانيها جزلة وتصويرها .
فيقول شاعرنا/
يقـول مـن عـدا علـى راس عـالـي
رجـم طويـل يدهلـه كـل قـرنـاس
فـي راس مرجـوم عسيـر المنـالـي
تلعب بـه الاريـاح مـع كـل نسنـاس
فـي مهمـة قفـر مـن النـاس خالـي
يشتاق له مـن حـس بالقلـب هوجـاس
قعـدت فـي راسـه وحـيـد لحـالـي
براس الطويـل ملابقـه تقـل حـراس
متذكـر فـي مرقـبـي وش غـدالـي
وضعقت بالكفيـن يـاس علـى يـاس
اخــذت اعــد ايامـهـا والليـالـي
دنيـا تقلـب مـا عرفنـا لهـا قيـاس
كـم فرقـت مـا بيـن غالـي وغالـي
لوشفت منهـا ربـح ترجـع للافـلاس
يقطعـك دنيـا مـا لهـا اول وتـالـي
لو اضحكت للغبـن تقـرع بالاجـراس
المستريـح اللـي مـن العقـل خـالـي
مـا هـو بلجـات الهواجيـس عطـاس
ماهـوب مثلـي مشكـلاتـه جـلالـي
ازريـت اسجلهـن بحبـر وقـرطـاس
حملـي ثقـيـل وشايـلـة باحتمـالـي
واصبر على مر الليالي والليالي والاتعاس
وارسـي كمـا ترسـي رواس الجبالـي
ولا يشتكـي ضلـع عليـه القـدم داس
يابجـاد شـب الـنـار وادن الـدلالـي
واحمس لنا يابجـاد مـا يقعـد الـراس
ودقـه بنـجـر ياظـريـف العيـالـي
يجذب لنا ربـع علـى اكـوار جـلاس
وزلـه الـى منـه رقـد كـل سـالـي
وخلـه يفـوح وقنـن الهيـل بقـيـاس
وصبـه ومــده ياكـريـم السبـالـي
يبعـد همومـي يـوم اشمـه بالانفـاس
فنجـال يغـدي مـا تصـور ببـالـي
وروابع تضرب بها اخمـاس واسـداس
لاخـاب ظنـي بالرفـيـق المـوالـي
مالـي مشاريـه علـى نايـد الـنـاس
لعـل قصـر مـا يجيـلـه ظـلالـي
ينهـد مـن عـال مبانـيـه للـسـاس
لاصـار مـا هـو مدهـل للرجـالـي
وملجا لمن هو يشكـي الضيـم والبـاس
بحسنـاك يامنشـي حقـوق الخيـالـي
ياخالـق اجنـاس ويامغنـي اجـنـاس
تجعـل مقـره دارس العـهـد بـالـي
صحصـاح دوِّ دارس مابـه اونــاس
البـوم فـي تالـي هـدامـه يـلالـي
جزاك ياقصـر الخنـا وكـر الادنـاس
مـتـى تـربـع دارنــا والمغـالـي
وتخضر فياض عقب مـا هيـب يبـاس
نشـوف فيهـا الديـدحـان متـوالـي
مثل الرعاف بخصر مدقـوق الالعـاس
ونثيـر علـى البيـدا سـوات الزوالـي
يشرق حماره شرقـة الصبـغ بالكـاس
وتكبـر دفـوف معبسـات الشمـارلـي
ويبني عليهـن الشحـم مثـل الاطعـاس
قصيده نادره للشاعر الكبير المرحوم محمد الأحمد السديري
كتبت هذه القصيده سنه 1377 للهجره ..
سلمى تقول ان المـوده غرابيـل
وانا على سلمى عليـل الضمايـر
سلمى تقول الحب ويلٍ بثر ويـل
وانا حشاي بجايـر الحـب فايـر
وسلمى لها بقصى الضماير مداهيل
وعندي لسلمى بالمـوده سرايـر
اسأل عليها كل مـا يقبـل الليـل
والصبح اوصي يمها كـل طايـر
الحب في قلبي صبغ صبغة النيـل
بين المحاني صايب الحب جايـر
وياما توجَّد والضمايـر مغاليـل
وياما على سلمى عطيت البشايـر
طفلٍ سلب عقلي بسـودٍ مضاليـل
منها قلوب اهـل المـوده عثايـر
ورموش سودٍ ما تكحل من الميـل
سواه خـلاق البحـر والجزايـر
دارٍ لسلمى ما تجيهـا المراسيـل
دارٍ لقلبـي فـي حماهـا ذخايـر
ارسل لها من ناحـلات المراميـل
مـا يصلنـه ناقـلات المجايـر
اطلب لها من رايح المزن بالسيـل
منـه الزبيـدي نابـتٍ بالمحايـر
قصيدة قل لي هلا
قل لي هلا وآقول صبحك بالخيـر
وقل مرحبا واقول يا روح روحي
يابـو ثمـان ٍ بالمبيسـم مغاتيـر
أغليك وانت اللي تسبب جروحـي
جاوبت من فرقاك خلج ٍ على ضير
وناديت باسمك والمخاليق توحـي
حيثك هواي من البنـي الغناديـر
وليا عذلني واحد ٍ قلت ما اوحـي
أغليك ما طاوعت عذال ومشيـر
وحيات من مشى السفينة بنوحـي
قلبي على لاماك يكفخ كما الطيـر
ما عادلت روعات قلبي فروحـي
ورجلي تزيد المشي يمك بتصخير
ولا تعدت يـم غيـرك شبوحـي
وهموم قلبي منك ورد ومصاديـر
كّـن عبراتـي ودمعـي يفوحـي
وش جابني لولا ان هذي مقاديـر
الا انها كتبـت بلوحـك ولوحـي
قصيدة سيل ٍ حدر
شى بقلبى يـا مـلا حايـرن فيـة
شىء تحير ابـة العقـول الفهامـى
مخفيـة بفـوادى ولا ودى ابـديـة
وادور الخيـرات شرقـن وشامـى
احترت بة ما شفـت شـى يحاليـة
واليوم ابنشـد عنـة مانـى بكامـى
سيل حدر مـع وادى غيـر واديـة
مـدرى حـلال مـاة والا حرامـى
كانة حلال جايزن شـرب صافيـة
وش حللة يـا مفسريـن الحلامـى
هاتـوا تفاصيلـة وهاتـوا معانيـة
نبى الدليـل اللـى عليـة الكلامـى
نبى دليلـن يفهـم الـدرب ماشيـة
يمشى بـة التايـة بليـل الظلامـى
يمشى بة التايـة ويقـدى مواطيـة
ويشرب قراح الما لياصار ضامـى
لا شك هجسى يـوم خـلا مماشيـة
انـة حـرام ومنـة زود الاثامـى
احرم مـن الزقـوم مـرة وحاليـة
وشربة على الضامى يزيد الهيامـى
اللـة مـن قلـب همومـة تقزيـة
تـدك بـة مثـل الجـراد التهامـى
من ما جرى قامـت تتلـة مشاحيـة
تل الرشا من فوق هـدف المقامـى
روابـع قامـت تصيبـة وتخطيـة
شاف الهوايل واختـلاف الاسامـى
ما يسمع الداعى اليـا قـام يدعيـة
يعوم فى بحـر مـن الهـم طامـى
مـا ينتبـة للـى بصوتـة يناديـة
يزيـد همـة يـوم كلـن ينـامـى
يشوف وقتـن مـا عرفنـا تواليـة
وقت يشّيـب منـة ابـن الفطامـى
هـذا زمانـن كاثـرات بـلاويـة
الغيـم يقلـب فيـة عـج وكتامـى
يا بعد شرب الما على كبـد راجيـة
ما سيل الغبـرا زعـوج الجهامـى
انبيك يا من كلمـة الحـق ترضيـة
اعطيك ما ينفعـك وافهـم كلامـى
قصـرن يذلـك لا تقابـل مبانيـة
خلة عسى شامـخ طويلـة هدامـى
خلة عسى ما صاب اغاديـر يفنيـة
يـودع منازلـة الطويلـة رجامـى
لـوزان مدخالـة وطالـت حواميـة
شيّد علـى الخيبـة قليـل الرحابـى
وحـى يوريـك المذلـة وتغلـيـة
أنا أشهد أنك ميـت القلـب عامـى
مـن لا يـودك لا تـودة وترجيـة
ارفع مقامـك يـا عزيـز المقامـى
ارفع مقامك عـن عـدوك وتوذيـة
ويلحقك من تركت رفيقـك ملامـى
حـق الرفيـق وواجبـة لا تخليـة
يلزمـك مثـل الوالديـن الحشامـى
اختر عزيز الجار والحـق يعطيـة
شبل على هرجـن يقولـة يحامـى
ما دك بة عـرج المذلـة وطاريـة
يسبق على فعـل الفضيلـة شمامـى
ومن قارب الاجرب بالامراض يعدية
عدواة تسطـى باللحـم والعظامـى
درب السلامـة بيناتـن مماشـيـة
ودرب العطب يرث عليك اللكامـى
ابعد وقلبـك نـازح البعـد يشفيـة
وتلقى عن الـدار البغيضـة مقامـى
دارن بدار وداعـى الـذل عاصيـة
ولا تقبـل الذلـة نفـوس الكرامـى
الـذل مـوت حايمـات ضواميـة
ادخل على منزل فروض الصيامـى
عن مقعـد بالـذل عينـك تراعيـة
الموت عند الـذل امـان وسلامـى
يرضى المذلة من تـردت هقاويـة
والذل يجفل منـة قلـب العصامـى
والعبد لة رب عـن النـاس يغنيـة
ولولاة ما صاب الهدف كل رامـى
قصيده للشاعره ريمـــه بنت الامير محمد بن أحمد السديري (رحمه الله ) وهي ترثي والدها وتقول :
ياقبر ضم ابوي ياقبر بالهـون
اللي سكن فيني وهو فيك ساكن
بكت له اقلوب وعميت له اعيون
وتشفّقت لامـاه كـل الاماكـن
بعده حياتي ما لها طعم او لون
والعمر من عقبه مخيف وداكن
ياقبر هانوا بعده إللي يموتـون
ولا قلت انا يمكن ولا قلت لاكن
من القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه/
ياقلبي اللي من هوى البيض معتاذ
واليوم اشوف الوجد والشوق بـذه
حسبي على اللي للمواصيل جـذاذ
حبل الوصل من بيننا البعـد جـذه
يسقي منـازل ليـن العـود رذاذ
يلقى بها ظبـي الطعاميـس لـذه
الصاحب اللي عن هوى القلب مالاذ
لا قلت دوك القلـب يازيـن غـذّه
ولانيب من هرجه كثيـر وهـذاذّ
ماشاف فـي ليلـه نهـاره يهـذّه
عساك تأتي لي يابـو زيـد نفـاذ
قلب تحذى الشور ياخـوك حـذه
وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال
أسهر طوال الليل واغضي على الحاذ
وعن الصديق القلب مـا فيـه شـذه
شكواك خلت بسـرة القلـب تخـاذ
و لا عاد في قلبي من الصبـر فـذّه
اللي يا بو بندر جعل قلبـك افـلاذ
مشربك ياممـدوح الأفعـال عـذّه
طفل سهم عينـه بالاعمـاق نفـاذ
والحـق عليـك بقـذة عقـب قـذّه
ان كان مالك فيـه مدخـل ومنفـاذ
له الشبك في مدهـل الصيـد بـذّه
وإليا دخل وسط الشبك يابن الافـذاذ
غوجك لساعـات المهمـات حـذّه
اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري
يازبن ودعناك في يوم الاثنيـن
لعلها لك ياخو صنعـا مسافيـر
بجيرة الله ياعشيـر الغلاميـن
يامقفي عنـا ذكرنـاك بالخيـر
نغليك يوم إنك بعيد عن الشيـن
وريف لضيفك في ليال المعاسير
يوم تغيبه عندنا قـدر عاميـن
ويوم نشوفك فيه عز وتباشيـر
هذا الفراق اللي نظرناه بالعيـن
وعز الله انك ناوي بالمحاديـر
يازبن يالبراق بالله الـى ويـن
واسلم ورد العلم يازبن العميـر
فأجابه زبن بن عمير على الابيات الماضية قائلا
وانا بعـد ودعتـك الله بتسعيـن
وداعة من حفظ والـي المقاديـر
ياباذل الحسنى على المستحقيـن
ونطاح بالضيقات وجه المناعير
ياللي بدرب الطيب جالك براهين
ولبست بالبيضا ثيـاب مشاهيـر
يبون دربك ناس واجد وعجزين
يجي لهم من دون دربك عواثيـر
ولا يختفي فعل به الناس داريـن
لين انها تمحى الجبال المزابيـر
من يوم عنك اقفيت والقلب والعين
عندك وفي جسمي تشب السواعير
هنا تتجلى الحكمه وقصيده زاخره بالحكم والنصح /
انبيك يا من سلت عن بعض الأحوال
أنشد وأنا لك حاضرالفكر ومجيـب
إن كان تبي الرشد يا طيـب الفـال
ازبن على رزاق عكـف المخاليـب
ازبن على اللي في يده علم الآجـال
علام ما بالكـون مـذر المعاطيـب
الواحـد اللـي للصعيبـات حـلال
منقذ مداريـك ومبـري مصاويـب
اخلص لعـلام السرائـر بالأفعـال
وناجه اليا صكت عليـك اللواليـب
ادعه يفرج لك ليا صكـت الجـال
حلال عسرات الأموار المصاعيـب
اللي دعاه أيوب من ضيم الأهـوال
وأنجاه من حال تزايد بهـا الشيـب
الناس في دنياك كـل لـه أعمـال
أتبع طريق العدل وأبعد عن الغيـب
درب النقاء بين ولك فيـه مدخـال
ومن باق ماله عند ربـه مقاضيـب
وليا رضا حلال عسـرات الأقفـال
لا تلتفت للخلـق لوهـم مغاضيـب
لا تلتفـت للخلـق راحـل ونـزال
مالـك علـى ذريـة آدم مطاليـب
ورفيقك المأمون حطه علـى البـال
وأذره اليا جـن الليالـي شلاهيـب
أجعل بقلبـك لـه محـل ومدهـال
تلقاه ذخر بمعضـلات المواجيـب
عديل روحـك لا تدوربـه إبـدال
عونك ليا صكوا عليـك المغاليـب
ما هوب من شيل العظايـم بمـلال
يصبر كما تصبر على شيلها النيـب
مفراص ماص للصعيبـات حـلال
صميل قيض وماضياً له تجاريـب
وأحذر ترى بالناس مبغض وختـال
ماله مراجل كود شـذب العراقيـب
عن مذهبه خلك على راس ما طـال
وخله على فالـه يشـم المغاريـب
البوم يسكن بالخرايـب والأطـلال
والحر مسكانه بـروس المراقيـب
طير السعد من كفـه الـدم شـلال
بالمخلب الساطي عطيب المضاريب
ولا يغرك بالرخـم كبـر الازوال
وكبرالنسورالمهدفـات المحـاديـب
منقوله ،،،
[/align]
إن صار زود المال بيديـن الانـذال
حنّـا مـن المعـروف تنـدا يدينـا
وان كانهم شرهوا على طيب الافعال
حنّـا وردنـا جمامهـا وارتويـنـا
وان فكّروا للجـود يمشـون رحّـال
حنّـا قبـل يمشـون يّمـه خطينـا
يا ما لبسنا للشـرف كـل سربـال
وعلـى البسيطـة للفضيلـة مشينـا
في دوحة العربا لنا مجـد وظـلال
وحنّـا علـى در المكـارم غذينـا
لو نجمع اللي فات منـا مـن المـال
إن كـان شيدنـا القصـور وبنينـا
نعطي ولا نتبـع عطانـا بالاقـوال
ونبذل ونسكـت كننـا مـا عطينـا
وان باعوا الشيمـة بدينـار وريـال
حنـا دخلنـا سوقهـا واشتريـنـا
نطلع لها لو هي على روس الاقـذال
لو هو عسير ٍ دربهـا مـا انثنينـا
بافعالنـا نرسـم دروب ٍ للاجيـال
إلـي نساهـا غيرنـا مـا نسيـنـا
أسـود سـادات ٍ تسجـل للاشبـال
فضايـل ٍ شمنـا لهـا واهتديـنـا
بيض ٍ نسجلهـن جديـدات وسمـال
حفـايـظ ٍ لاحفـادنـا اللاحقيـنـا
نصبر على الشّدات لو شيلنـا مـال
لـو سـال دم دفوفنـا مـا شكينـا
نخـاف يلقـى سدنـا كـل ختّـال
ويبنـي هزيـلات المعانـي علينـا
الليل يا خالـد علـى والـدك طـال
وهنّيـت نـاس ٍ بالكـرا نايميـنـا
يا عز راسي شفت ما خبـث البـال
شـي ٍ يهـوّل شـيّـب الجاهليـنـا
شي ٍ من اسبابـه يشيـب بالاطفـال
فطّـر خشـوم مهجرعـات الحنينـا
أدير قـالات ٍ عريضـات وطـوال
قـالات خـلـنّ المخـفـىّ يبيـنـا
منهن رزين العقـل بالوقـت يهتـال
بوقـت ٍ عبـوس ٍ فطّـن الغافلينـا
وقت ٍ من اسبابه شكى كـل ريبـال
نصبـر ونسكـت كننـا غايبيـنـا
النـاس بالأيـام راحـل ونّــزال
وتفجعهـم الدنيـا وهـم دالهيـنـا
وحيات رب ٍ نـزل آيـات الانفـال
عالـم خفـايـا نـيـة الحاقديـنـا
ما اترك طريق العدل في كل الاحوال
لـو يرحـل المـريـخ للفرقديـنـا
كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من مناطق مختلفه من ادباء وشعراء,كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة.
له عدد من القصائد يفاخر بها منها قوله..
الله مـن هـم بروحـي سهجـهـا
بخا في ضميري في كنين الحشا لاج
احـر مـن نـار توقـد وهجهـا
منها خطر روحي على سلك ديبـاج
وعين عسى المولى يعجـل فرجهـا
يفوح ناظرهـا كمـا عيـن هـداج
استرسلت للدمـع مسمـار هجهـا
غيظ يكظ عبارهـا مثـل الامـواج
كـم واحـد لـه غايـة ماهرجهـا
يكنها لـو هـو للادنيـن محتـاج
يخاف من عوجـا طـوال عوجهـا
هرجت قفا يركض بها كل هـراج
يقضب عليك المخطية من حججهـا
حلو نباه وقلبه ابيض مـن الصـاج
الله خلـق دنيـا وسـاع فججـهـا
وعن ما يريب القلب لك كم منهـاج
والرجل وان شطت لياليـك سجهـا
عسـى تواليهـا بتشـر بالافـراج
اما قصيدته الثانية التي لاقت شهرة واسعة وصدى طيبا وتغنى بها اخيرا فنان العرب محمد عبده
وأداها بلحن جميل ،، القصيدة لها معانيها جزلة وتصويرها .
فيقول شاعرنا/
يقـول مـن عـدا علـى راس عـالـي
رجـم طويـل يدهلـه كـل قـرنـاس
فـي راس مرجـوم عسيـر المنـالـي
تلعب بـه الاريـاح مـع كـل نسنـاس
فـي مهمـة قفـر مـن النـاس خالـي
يشتاق له مـن حـس بالقلـب هوجـاس
قعـدت فـي راسـه وحـيـد لحـالـي
براس الطويـل ملابقـه تقـل حـراس
متذكـر فـي مرقـبـي وش غـدالـي
وضعقت بالكفيـن يـاس علـى يـاس
اخــذت اعــد ايامـهـا والليـالـي
دنيـا تقلـب مـا عرفنـا لهـا قيـاس
كـم فرقـت مـا بيـن غالـي وغالـي
لوشفت منهـا ربـح ترجـع للافـلاس
يقطعـك دنيـا مـا لهـا اول وتـالـي
لو اضحكت للغبـن تقـرع بالاجـراس
المستريـح اللـي مـن العقـل خـالـي
مـا هـو بلجـات الهواجيـس عطـاس
ماهـوب مثلـي مشكـلاتـه جـلالـي
ازريـت اسجلهـن بحبـر وقـرطـاس
حملـي ثقـيـل وشايـلـة باحتمـالـي
واصبر على مر الليالي والليالي والاتعاس
وارسـي كمـا ترسـي رواس الجبالـي
ولا يشتكـي ضلـع عليـه القـدم داس
يابجـاد شـب الـنـار وادن الـدلالـي
واحمس لنا يابجـاد مـا يقعـد الـراس
ودقـه بنـجـر ياظـريـف العيـالـي
يجذب لنا ربـع علـى اكـوار جـلاس
وزلـه الـى منـه رقـد كـل سـالـي
وخلـه يفـوح وقنـن الهيـل بقـيـاس
وصبـه ومــده ياكـريـم السبـالـي
يبعـد همومـي يـوم اشمـه بالانفـاس
فنجـال يغـدي مـا تصـور ببـالـي
وروابع تضرب بها اخمـاس واسـداس
لاخـاب ظنـي بالرفـيـق المـوالـي
مالـي مشاريـه علـى نايـد الـنـاس
لعـل قصـر مـا يجيـلـه ظـلالـي
ينهـد مـن عـال مبانـيـه للـسـاس
لاصـار مـا هـو مدهـل للرجـالـي
وملجا لمن هو يشكـي الضيـم والبـاس
بحسنـاك يامنشـي حقـوق الخيـالـي
ياخالـق اجنـاس ويامغنـي اجـنـاس
تجعـل مقـره دارس العـهـد بـالـي
صحصـاح دوِّ دارس مابـه اونــاس
البـوم فـي تالـي هـدامـه يـلالـي
جزاك ياقصـر الخنـا وكـر الادنـاس
مـتـى تـربـع دارنــا والمغـالـي
وتخضر فياض عقب مـا هيـب يبـاس
نشـوف فيهـا الديـدحـان متـوالـي
مثل الرعاف بخصر مدقـوق الالعـاس
ونثيـر علـى البيـدا سـوات الزوالـي
يشرق حماره شرقـة الصبـغ بالكـاس
وتكبـر دفـوف معبسـات الشمـارلـي
ويبني عليهـن الشحـم مثـل الاطعـاس
قصيده نادره للشاعر الكبير المرحوم محمد الأحمد السديري
كتبت هذه القصيده سنه 1377 للهجره ..
سلمى تقول ان المـوده غرابيـل
وانا على سلمى عليـل الضمايـر
سلمى تقول الحب ويلٍ بثر ويـل
وانا حشاي بجايـر الحـب فايـر
وسلمى لها بقصى الضماير مداهيل
وعندي لسلمى بالمـوده سرايـر
اسأل عليها كل مـا يقبـل الليـل
والصبح اوصي يمها كـل طايـر
الحب في قلبي صبغ صبغة النيـل
بين المحاني صايب الحب جايـر
وياما توجَّد والضمايـر مغاليـل
وياما على سلمى عطيت البشايـر
طفلٍ سلب عقلي بسـودٍ مضاليـل
منها قلوب اهـل المـوده عثايـر
ورموش سودٍ ما تكحل من الميـل
سواه خـلاق البحـر والجزايـر
دارٍ لسلمى ما تجيهـا المراسيـل
دارٍ لقلبـي فـي حماهـا ذخايـر
ارسل لها من ناحـلات المراميـل
مـا يصلنـه ناقـلات المجايـر
اطلب لها من رايح المزن بالسيـل
منـه الزبيـدي نابـتٍ بالمحايـر
قصيدة قل لي هلا
قل لي هلا وآقول صبحك بالخيـر
وقل مرحبا واقول يا روح روحي
يابـو ثمـان ٍ بالمبيسـم مغاتيـر
أغليك وانت اللي تسبب جروحـي
جاوبت من فرقاك خلج ٍ على ضير
وناديت باسمك والمخاليق توحـي
حيثك هواي من البنـي الغناديـر
وليا عذلني واحد ٍ قلت ما اوحـي
أغليك ما طاوعت عذال ومشيـر
وحيات من مشى السفينة بنوحـي
قلبي على لاماك يكفخ كما الطيـر
ما عادلت روعات قلبي فروحـي
ورجلي تزيد المشي يمك بتصخير
ولا تعدت يـم غيـرك شبوحـي
وهموم قلبي منك ورد ومصاديـر
كّـن عبراتـي ودمعـي يفوحـي
وش جابني لولا ان هذي مقاديـر
الا انها كتبـت بلوحـك ولوحـي
قصيدة سيل ٍ حدر
شى بقلبى يـا مـلا حايـرن فيـة
شىء تحير ابـة العقـول الفهامـى
مخفيـة بفـوادى ولا ودى ابـديـة
وادور الخيـرات شرقـن وشامـى
احترت بة ما شفـت شـى يحاليـة
واليوم ابنشـد عنـة مانـى بكامـى
سيل حدر مـع وادى غيـر واديـة
مـدرى حـلال مـاة والا حرامـى
كانة حلال جايزن شـرب صافيـة
وش حللة يـا مفسريـن الحلامـى
هاتـوا تفاصيلـة وهاتـوا معانيـة
نبى الدليـل اللـى عليـة الكلامـى
نبى دليلـن يفهـم الـدرب ماشيـة
يمشى بـة التايـة بليـل الظلامـى
يمشى بة التايـة ويقـدى مواطيـة
ويشرب قراح الما لياصار ضامـى
لا شك هجسى يـوم خـلا مماشيـة
انـة حـرام ومنـة زود الاثامـى
احرم مـن الزقـوم مـرة وحاليـة
وشربة على الضامى يزيد الهيامـى
اللـة مـن قلـب همومـة تقزيـة
تـدك بـة مثـل الجـراد التهامـى
من ما جرى قامـت تتلـة مشاحيـة
تل الرشا من فوق هـدف المقامـى
روابـع قامـت تصيبـة وتخطيـة
شاف الهوايل واختـلاف الاسامـى
ما يسمع الداعى اليـا قـام يدعيـة
يعوم فى بحـر مـن الهـم طامـى
مـا ينتبـة للـى بصوتـة يناديـة
يزيـد همـة يـوم كلـن ينـامـى
يشوف وقتـن مـا عرفنـا تواليـة
وقت يشّيـب منـة ابـن الفطامـى
هـذا زمانـن كاثـرات بـلاويـة
الغيـم يقلـب فيـة عـج وكتامـى
يا بعد شرب الما على كبـد راجيـة
ما سيل الغبـرا زعـوج الجهامـى
انبيك يا من كلمـة الحـق ترضيـة
اعطيك ما ينفعـك وافهـم كلامـى
قصـرن يذلـك لا تقابـل مبانيـة
خلة عسى شامـخ طويلـة هدامـى
خلة عسى ما صاب اغاديـر يفنيـة
يـودع منازلـة الطويلـة رجامـى
لـوزان مدخالـة وطالـت حواميـة
شيّد علـى الخيبـة قليـل الرحابـى
وحـى يوريـك المذلـة وتغلـيـة
أنا أشهد أنك ميـت القلـب عامـى
مـن لا يـودك لا تـودة وترجيـة
ارفع مقامـك يـا عزيـز المقامـى
ارفع مقامك عـن عـدوك وتوذيـة
ويلحقك من تركت رفيقـك ملامـى
حـق الرفيـق وواجبـة لا تخليـة
يلزمـك مثـل الوالديـن الحشامـى
اختر عزيز الجار والحـق يعطيـة
شبل على هرجـن يقولـة يحامـى
ما دك بة عـرج المذلـة وطاريـة
يسبق على فعـل الفضيلـة شمامـى
ومن قارب الاجرب بالامراض يعدية
عدواة تسطـى باللحـم والعظامـى
درب السلامـة بيناتـن مماشـيـة
ودرب العطب يرث عليك اللكامـى
ابعد وقلبـك نـازح البعـد يشفيـة
وتلقى عن الـدار البغيضـة مقامـى
دارن بدار وداعـى الـذل عاصيـة
ولا تقبـل الذلـة نفـوس الكرامـى
الـذل مـوت حايمـات ضواميـة
ادخل على منزل فروض الصيامـى
عن مقعـد بالـذل عينـك تراعيـة
الموت عند الـذل امـان وسلامـى
يرضى المذلة من تـردت هقاويـة
والذل يجفل منـة قلـب العصامـى
والعبد لة رب عـن النـاس يغنيـة
ولولاة ما صاب الهدف كل رامـى
قصيده للشاعره ريمـــه بنت الامير محمد بن أحمد السديري (رحمه الله ) وهي ترثي والدها وتقول :
ياقبر ضم ابوي ياقبر بالهـون
اللي سكن فيني وهو فيك ساكن
بكت له اقلوب وعميت له اعيون
وتشفّقت لامـاه كـل الاماكـن
بعده حياتي ما لها طعم او لون
والعمر من عقبه مخيف وداكن
ياقبر هانوا بعده إللي يموتـون
ولا قلت انا يمكن ولا قلت لاكن
من القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه/
ياقلبي اللي من هوى البيض معتاذ
واليوم اشوف الوجد والشوق بـذه
حسبي على اللي للمواصيل جـذاذ
حبل الوصل من بيننا البعـد جـذه
يسقي منـازل ليـن العـود رذاذ
يلقى بها ظبـي الطعاميـس لـذه
الصاحب اللي عن هوى القلب مالاذ
لا قلت دوك القلـب يازيـن غـذّه
ولانيب من هرجه كثيـر وهـذاذّ
ماشاف فـي ليلـه نهـاره يهـذّه
عساك تأتي لي يابـو زيـد نفـاذ
قلب تحذى الشور ياخـوك حـذه
وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال
أسهر طوال الليل واغضي على الحاذ
وعن الصديق القلب مـا فيـه شـذه
شكواك خلت بسـرة القلـب تخـاذ
و لا عاد في قلبي من الصبـر فـذّه
اللي يا بو بندر جعل قلبـك افـلاذ
مشربك ياممـدوح الأفعـال عـذّه
طفل سهم عينـه بالاعمـاق نفـاذ
والحـق عليـك بقـذة عقـب قـذّه
ان كان مالك فيـه مدخـل ومنفـاذ
له الشبك في مدهـل الصيـد بـذّه
وإليا دخل وسط الشبك يابن الافـذاذ
غوجك لساعـات المهمـات حـذّه
اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري
يازبن ودعناك في يوم الاثنيـن
لعلها لك ياخو صنعـا مسافيـر
بجيرة الله ياعشيـر الغلاميـن
يامقفي عنـا ذكرنـاك بالخيـر
نغليك يوم إنك بعيد عن الشيـن
وريف لضيفك في ليال المعاسير
يوم تغيبه عندنا قـدر عاميـن
ويوم نشوفك فيه عز وتباشيـر
هذا الفراق اللي نظرناه بالعيـن
وعز الله انك ناوي بالمحاديـر
يازبن يالبراق بالله الـى ويـن
واسلم ورد العلم يازبن العميـر
فأجابه زبن بن عمير على الابيات الماضية قائلا
وانا بعـد ودعتـك الله بتسعيـن
وداعة من حفظ والـي المقاديـر
ياباذل الحسنى على المستحقيـن
ونطاح بالضيقات وجه المناعير
ياللي بدرب الطيب جالك براهين
ولبست بالبيضا ثيـاب مشاهيـر
يبون دربك ناس واجد وعجزين
يجي لهم من دون دربك عواثيـر
ولا يختفي فعل به الناس داريـن
لين انها تمحى الجبال المزابيـر
من يوم عنك اقفيت والقلب والعين
عندك وفي جسمي تشب السواعير
هنا تتجلى الحكمه وقصيده زاخره بالحكم والنصح /
انبيك يا من سلت عن بعض الأحوال
أنشد وأنا لك حاضرالفكر ومجيـب
إن كان تبي الرشد يا طيـب الفـال
ازبن على رزاق عكـف المخاليـب
ازبن على اللي في يده علم الآجـال
علام ما بالكـون مـذر المعاطيـب
الواحـد اللـي للصعيبـات حـلال
منقذ مداريـك ومبـري مصاويـب
اخلص لعـلام السرائـر بالأفعـال
وناجه اليا صكت عليـك اللواليـب
ادعه يفرج لك ليا صكـت الجـال
حلال عسرات الأموار المصاعيـب
اللي دعاه أيوب من ضيم الأهـوال
وأنجاه من حال تزايد بهـا الشيـب
الناس في دنياك كـل لـه أعمـال
أتبع طريق العدل وأبعد عن الغيـب
درب النقاء بين ولك فيـه مدخـال
ومن باق ماله عند ربـه مقاضيـب
وليا رضا حلال عسـرات الأقفـال
لا تلتفت للخلـق لوهـم مغاضيـب
لا تلتفـت للخلـق راحـل ونـزال
مالـك علـى ذريـة آدم مطاليـب
ورفيقك المأمون حطه علـى البـال
وأذره اليا جـن الليالـي شلاهيـب
أجعل بقلبـك لـه محـل ومدهـال
تلقاه ذخر بمعضـلات المواجيـب
عديل روحـك لا تدوربـه إبـدال
عونك ليا صكوا عليـك المغاليـب
ما هوب من شيل العظايـم بمـلال
يصبر كما تصبر على شيلها النيـب
مفراص ماص للصعيبـات حـلال
صميل قيض وماضياً له تجاريـب
وأحذر ترى بالناس مبغض وختـال
ماله مراجل كود شـذب العراقيـب
عن مذهبه خلك على راس ما طـال
وخله على فالـه يشـم المغاريـب
البوم يسكن بالخرايـب والأطـلال
والحر مسكانه بـروس المراقيـب
طير السعد من كفـه الـدم شـلال
بالمخلب الساطي عطيب المضاريب
ولا يغرك بالرخـم كبـر الازوال
وكبرالنسورالمهدفـات المحـاديـب
منقوله ،،،
[/align]
تعليق