[poem=font="Simplified Arabic,5,black,normal,normal" bkcolor="transparent" bkimage="backgrounds/48.gif" border="none,4,gray" type=1 line=0 align=center use=ex num="0,black"]
يا زين وقتن فات ما هوب هالحين=يوم النوايا كلهن صافياتي

و الحقد ما يوجد و دايم سعيدين=ونفوسنا سمحة وسكر نباتي
و بيوتنا ونسه و لا به شياطين=ما يدخله صورة ولا منكراتي

و يطرد ظلام الليل عنا سراجين=و أحيان يقضي قازهن طافياتي

مشروبنا صافي من الزير ولبين=ماهوب مستورد سريع الفواتي

ما صنعوه الغرب يا فالهم شين=مابه مواد الحفظ و مسرطناتي

وعشينا مرقوق بين العشاوين=تحطه أمي قبل وقت الصلاتي

لقمة هنيه طيبه طعمها زين=تحوفها بيدينها الطاهراتي

ثمن ننام إلى قضينا مصلين=بعد العشاء كلن يريد المباتي

وأمي تنومنا بزين السباحين=سوالفن من عندها طيباتي

ننام من بدري ونصحى نشيطين=بعد الشروق أشغالنا جاهزاتي

ما به كسل لأشغالنا مستعدين=ما عندنا سايق و لا خادماتي

نلبس بيوم العيد ثوب السباهين=و أم تحنينا نماري البناتي

مقيالنا بمجببن بين بابين=فيه الهواء يطرق جميع الجهاتي

نشب نارن بالشتاء و متدفين=ما فيه دفايات و مكيفاتي

يجي المطر و ثيابنا تنتلي طين=و نلعب جميع عيالنا و البناتي
يصب مثعبنا ونملى المواعين=يا حلو ذاك الماء و ذيك الحياتي

ماهي حياة الحين ياشين هالحين=كله غثاء وهمومنا كاثراتي

كلش يجي لك لو بكلمه تنادين=كلش توفر بس مابه حلاتي

صلاة ربي عد ما ترفع يدين=على محمد صاحب المعجزاتي[/poem]



[align=center]تحياتي للجميع



شمريه بنت عز[/align]