[poem=font="Simplified Arabic,5,white,bold,normal" bkcolor="transparent" bkimage="backgrounds/9.gif" border="double,7,darkblue" type=1 line=0 align=center use=ex num="0,black"]
على الله يا زماني والليالي زودها نقصان = جنيت من الدروس الفايده مخلفت إيماني

صدقت وما كذبت وفي المواقف يظهر الأنسان =هذا من فضل ربي ماخدعت فلان وفلاني

زرعت الطيب في صحرا الجفاف بغالي الاثمان =على وضحا النقا ما بين صدقاني وعدواني

وحسافه يا حسافه كيف تذبل وردة البستان=على كفوف الزمان اللي جحد صدقي وخلاني

افكر في مفاهيم الاوادم وارفع النيشان = عن دروب المتاهه واجزي الاحسان باحساني

صحيح أن الزمن غامض ولكن نعمة النسيان =وهبها الله لخلقه قبل نزغة كل شيطاني

زمان العولمه والكذب والتظليل والبهتان =اشوف أشيا غريبه واتفا دا غلطة لساااني

يضيع الطيب فلي ما يعرفه والردي منان =لوانه قال انا طيب ترى للطيب عنواني

اعاتب ناس تفهمني لهم في مجتمعنا شان = وبعض الناس لو تخطي علي في حسبة اخواني

كبيرة غلطة العاقل صغيرة غلطة الورعان =ورغم كل الظروف المبهمه ما ني بخسراني

اقدر من يقدرني واعزه وواوفي الميزان =ومن لا يعتبرني قد نسيته قبل ينساني

يقولون الزمن خاين وانا اقول الزمن ما خان =لكن الناس اضنه صابها التخدير من داني[/poem]


[align=center]أعجبتني وحبيت أنقلها لكم


الشاعر / سعد العصيمي[/align]