[poem=font="Andalus,4,white,bold,italic" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=sp num="0,black"]
يالله ياللـي عالـم السـر والغيـب=يا واحدمن هـو ترجـاك مـا خـاب
أشكيك جرح صعب ما أضنه يطيـب=جرح الصديق اللي عجز عنه الأطباب
الصاحب اللي لـه فتحـت الدواليـب=وأعطيتة أسراري ومفاتيح الأبـواب
يامـا وقفـت لضيقتـه والمطاليـب=وهونت له دروب كانت لـه صعـاب
وياما لفزعاتي بغـث لـي مناديـب=وجيتة وفكيتة من ظـروف وأتعـاب
وياما عطيتة من فعـول المواجيـب=ومن هو نصحني عنه أقـول كـذاب
لا شك هو خان وغدر وأنكر الطيـب=باع الصداقة وأعلـن اليـوم بغيـاب
بـدل صداقتنـا بحلـو المشاريـب=أنكر مواقيفـي وكشـر لـي النـاب
يالله عسـاه يـذوق مـر اللواهيـب=إنت الذي عالـم بحالـي والأسبـاب [/poem]