[align=center]هذه قصيدة صديقي الشاعر / عبدالله بن مطلق العجلان الفدعاني العنزي موجهها الى برنامج شاعر المليون .
ارجوا ان تنال على اعجابكم واستحسانكم[/align]



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشاعر المليون ماعاد مدفون=اليوم بين كل مدفون خافي
ماعاد به صاحي ولاعاد مجنون=الا وقال اليوم حدك وكافي
زودتها والناس صاروا يقولون=ماعاد لك ذمه ولاوجه صافي
من المريخي للعميمي ليادون=الين بدر صفوق مامن عوافي
حتى حمد لوهو ضحك بابيض سنون=لمقابله يدفن ويخفي خوافي
ودكتورهم غسان بالعلم مسكون=صار الادب والعلم عنده اخلاف
اقفى مع اللي للمنافق يقفون=وبيّع ضميره عقب ماكان وافي
ياشاعر المليون حنا لنا عيون=حنا نميز بين منور وطافي
ونورك طفى واخفت ولاعاد لك لون=من يوم مابولند عندك تشافي
ضيفة شرف على الشعر يالله العون=ماباقي الا نشوف هيفا تضافي
سياستك امدح شيوخ يصفون=وشيوخكم مامن عليهم خلافي
عيال زايد حق لاصار يطرون=لكن زاد المدح حده وطافي
اصبح تصنّع مابه احساس مكنون=مداح والممدوح له وجه غافي
ياشاعر المليون بانت على الكون=ثوبٍ لبسته مالبسته عفافي
الظلم بك فاضح وواضح ومضمون=والعدل شمسه اعلنت انكسافي
مااشره عليك اشره على من ينوّون=ينوون بالثالث يجونك ازحافي
وش بعد ماشارك خلف وابن فرعون=وخالد وبندر وآل حيدر حسافي
ياربعنا ياربعنا لاتروحون=مجد لنا اصبح عليهم يضافي
بدوننا والله والله يضيعون=حنا عليهم ثوب والثوب ضافي
ياربعنا وان كانكم لي تردون=لاترفعون ملمعين الغلافي
شيموا وعزوا شعركم لاتطيحون=دام النوايا بيتوها تعافي
تبيّنت والناس صاروا يقولون=ماعاد له ذمه ولاوجه صافي[/poem]

[align=center]عبدالله بن مطلق العجلان[/align]