تويت
اولا مساكم الله بالخير جميعا
في يوم من الأيام مسكت معي بالقوة اسولف مع جدتي عن العرس <<
ابي اعرف جدتي وشلون اعرست .,, وهل كانت محجوزة لولد عمها وحركات نص كم
كله من المسلسلات اللي تجي اول بقناتنا حطت في مخنا افكار مهيب زينه عن الاولين
سوف اهجد قليلا واترك الحديث لجدتي منيره وسالفه عرسها الله يخلف عليها بالجنه بس
<<< تقول اشوى انها مهيب تقرى
تقول جدتي :: ( اول كانوا يقتدون بعائشه رضي الله عنها .,,ويزوجون البنت وهي عمرها 9 سنوات .,,
بس ماتروح لبيت رجلها على طول .,,
تقعد عند اهلها فترة يعلمونها الطبخ وخرف النخل لأن عندهم مزعه في البيت فيها غنم ونخل ودجاج
( ربي عارف نيتي اشوى اني موب في عهدهم)
المهم هذي جدتي سلمكم الله يوم جا عمرها 9 سنوات تزوجت
وشلون خذاها ياعميرتي تقول ( جالستن العب مع البزارين اللي في سني .,,
واشوف الحريم يطبخون ويجهزون
بس ماتدري الضعيفه انه عرسها..,
همن يوم قرب وقت المغرب او قبله بشوي
جو الحريم وقالوا لها لها منيره تعالي تروشي اليوم نبي نجدل شعرك
هي شافت الدراعه الخضراء .,, فرحت وطامرت تبيهم
يزفونها ويسلمون عليها تحسب العرس سلام وبس مادرت انه بياخذها معه
المهم يوم نادوها وهي تلعب تمسكها امها وحريم معها ويروشونها همن يفرقون شعرها ثنين
ويحطون في شعرها حنا
ويجدلونه لها وطبعن جدله العروس تصير غير
تجي عريضه شوي .. ومفروقه مع قدام .. ويلبسونها دراعه خضرا اللي هي فرحانه بها << بتعتمر ذي موب معرسه
عاد انا نطلت عليها سؤال صاروخي .,, وصفي لنا موديل ثوبك ياجدة
ناظرتني وقالت: ماهنا موديل قماش اخضر ومن فوق عند الصدر حركه<< تقوله وهي فرحانه على بالها شي جديد
قلت وش الحركه :قامت اشرت على البيز و قالت شفت البيز نفس الاطراف حقت البيز <<<< لاتعليييييييييييق
المهم بعد ماحطوا في شعرها حنا ولبسوها فستنان اخضر وعطروها
هذي عطورهم للمناسبات
غطوها بعبايتها وجا رجلها ياخذها
( طبعا لان جدتي كانت صغيره فتذكر الاشياء المهمه او اللي اثرت فيها بس )
معها حرمه لازم تروح معها يسمونها الربعيه
الربعيه هذي تجلس عند غرفه المعاريس يعني عند الباب
واي شي تبيه العروس تعلمها اياه
وتصلح لهم الفطور وتجهز لهم كل شي
المهم جدتي يوم اصبح الصبح وتلبس عبايتها وتهج
بس تقول كنت خايفه من امي
ورحت عند بيتنا القديم وطبيت في القليب عشان محد يشوفني
وراح المعرس وعلم ابوها وقاله: ترى منيره بنتكم هجت
ولاعاد ابيها يوم انها تهج من بيتي من صباح الله خير
ودورها ولقوها في القليب طابه
وطلقها الرجال
(شكله بزر على طول طلق )
واعرست المرة الثانيه وعمرها 12 سنه
وخذت جدي الله يرحمه ويغفر له
بس خيرتن من ربي انه طلقها عشان تاخذ جدي
وسالتها كم مهرك .؟؟ قالت الظاهر انه حول ال5 الالف او خمس ميه
نست المسكينه
ومعه قطع قماش لها ولامها .,, وبشوت لابوها وعمانها وهدايا كثيرة
ياحبي لك ياجدي راعي هدايا وحركتات
وسألت جدتي:: العروس وشلون ترسل قشها لبيت رجلها .؟؟؟
قالت جدتي :: انها تحط القش في صندوق وكانوا الحريم اول يتباهون بالصناديق
طبعا لأن العروس ماكانت تروح لبيت رجلها على طول
فأذا جا عقب 5 ايام تقريبا من عرسها يحطون غريضات العروس في الصندوق
ويزفونها لبيت رجلها على بعارين ويسمونه تحوال
ويحطون لها واهلها عزيمه وذبايح
تحمست وقسم ودي اني شايفه عرسهم
ان شاء الله تعجبكم سالفه جدتي
في يوم من الأيام مسكت معي بالقوة اسولف مع جدتي عن العرس <<
ابي اعرف جدتي وشلون اعرست .,, وهل كانت محجوزة لولد عمها وحركات نص كم
كله من المسلسلات اللي تجي اول بقناتنا حطت في مخنا افكار مهيب زينه عن الاولين
سوف اهجد قليلا واترك الحديث لجدتي منيره وسالفه عرسها الله يخلف عليها بالجنه بس
<<< تقول اشوى انها مهيب تقرى
تقول جدتي :: ( اول كانوا يقتدون بعائشه رضي الله عنها .,,ويزوجون البنت وهي عمرها 9 سنوات .,,
بس ماتروح لبيت رجلها على طول .,,
تقعد عند اهلها فترة يعلمونها الطبخ وخرف النخل لأن عندهم مزعه في البيت فيها غنم ونخل ودجاج
( ربي عارف نيتي اشوى اني موب في عهدهم)
المهم هذي جدتي سلمكم الله يوم جا عمرها 9 سنوات تزوجت
وشلون خذاها ياعميرتي تقول ( جالستن العب مع البزارين اللي في سني .,,
واشوف الحريم يطبخون ويجهزون
بس ماتدري الضعيفه انه عرسها..,
همن يوم قرب وقت المغرب او قبله بشوي
جو الحريم وقالوا لها لها منيره تعالي تروشي اليوم نبي نجدل شعرك
هي شافت الدراعه الخضراء .,, فرحت وطامرت تبيهم
يزفونها ويسلمون عليها تحسب العرس سلام وبس مادرت انه بياخذها معه
المهم يوم نادوها وهي تلعب تمسكها امها وحريم معها ويروشونها همن يفرقون شعرها ثنين
ويحطون في شعرها حنا
ويجدلونه لها وطبعن جدله العروس تصير غير
تجي عريضه شوي .. ومفروقه مع قدام .. ويلبسونها دراعه خضرا اللي هي فرحانه بها << بتعتمر ذي موب معرسه
عاد انا نطلت عليها سؤال صاروخي .,, وصفي لنا موديل ثوبك ياجدة
ناظرتني وقالت: ماهنا موديل قماش اخضر ومن فوق عند الصدر حركه<< تقوله وهي فرحانه على بالها شي جديد
قلت وش الحركه :قامت اشرت على البيز و قالت شفت البيز نفس الاطراف حقت البيز <<<< لاتعليييييييييييق
المهم بعد ماحطوا في شعرها حنا ولبسوها فستنان اخضر وعطروها
هذي عطورهم للمناسبات
غطوها بعبايتها وجا رجلها ياخذها
( طبعا لان جدتي كانت صغيره فتذكر الاشياء المهمه او اللي اثرت فيها بس )
معها حرمه لازم تروح معها يسمونها الربعيه
الربعيه هذي تجلس عند غرفه المعاريس يعني عند الباب
واي شي تبيه العروس تعلمها اياه
وتصلح لهم الفطور وتجهز لهم كل شي
المهم جدتي يوم اصبح الصبح وتلبس عبايتها وتهج
بس تقول كنت خايفه من امي
ورحت عند بيتنا القديم وطبيت في القليب عشان محد يشوفني
وراح المعرس وعلم ابوها وقاله: ترى منيره بنتكم هجت
ولاعاد ابيها يوم انها تهج من بيتي من صباح الله خير
ودورها ولقوها في القليب طابه
وطلقها الرجال
(شكله بزر على طول طلق )
واعرست المرة الثانيه وعمرها 12 سنه
وخذت جدي الله يرحمه ويغفر له
بس خيرتن من ربي انه طلقها عشان تاخذ جدي
وسالتها كم مهرك .؟؟ قالت الظاهر انه حول ال5 الالف او خمس ميه
نست المسكينه
ومعه قطع قماش لها ولامها .,, وبشوت لابوها وعمانها وهدايا كثيرة
ياحبي لك ياجدي راعي هدايا وحركتات
وسألت جدتي:: العروس وشلون ترسل قشها لبيت رجلها .؟؟؟
قالت جدتي :: انها تحط القش في صندوق وكانوا الحريم اول يتباهون بالصناديق
طبعا لأن العروس ماكانت تروح لبيت رجلها على طول
فأذا جا عقب 5 ايام تقريبا من عرسها يحطون غريضات العروس في الصندوق
ويزفونها لبيت رجلها على بعارين ويسمونه تحوال
ويحطون لها واهلها عزيمه وذبايح
تحمست وقسم ودي اني شايفه عرسهم
ان شاء الله تعجبكم سالفه جدتي
تعليق