فيسعدني إهداؤكم هذه القصيدة التي أعتبرها
من أجمل القصائد التي تمثل قمة الوفاء والتفاني للصديق
وكـــــــــــــــــــــم من أخ لـــــــــــــــــــك لم تلــــــــــــــــــده أمــــــــــــــك

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أناالصديق اللي ليا طحت شالك =لاظامتك دنياك والوقت بك مال

انايمينك شـدني في شمالك =يمنى بلا يسرى ترى حالها حال

أنا عزاك وعزوتك لا جرى لك =من تاعس الدنيا هواجيس واهوال

ماني من اللي لا أغتنى ماوفالك =لو لك عليه من الجمايل والأفضال

وماني خويك كان وقتك صفالك =أناخويك لدبرت فيك الأحوال

خذني عصا موسى إذا كنت هالك =أمسح لك بحور القهر قول وأفعال

فالك عسى الله يسعداليوم فالك =فالك عقب صوم الدهر عيد شوال

بالك يجي في خاطرك يوم بالك =انك تغيب ولا تجي لي على بال

لا لا تفكر انت في مثل ذلك =أن أتخلى عنك لو الزمن طال

ماأقول أنا ياعم مالي ومالك =ماترخص العشره ولا تغني أموال

على محيط السالفة حط دالك =أجيك رجلي كان ما جيت خيال

انا ليا شح الزمن في وصالك =تمدني النخوه على وصلك حبال

انا عمى عين العدو لا نوالك =أنول روحـه قبل ما روحك تنال

بينك وبين الشمس سدرة ظلالك =ما للشجـر قيمةإذا ما له ظلال

والليل لو الليل مظلم وحالك =ترسمنى الظلما على صدره هـلال

ما ني ولد عمك ولاأصغـر عيالك =خطو الخوي يسوى بني عم وعيال [/poem]



منقول/ من المنتدى الحواري لوكالة التعليم / من اختيار المراقبه فوزية الصقر