[align=center]السلام عليكم ...........وبعد

اقدم لكم هذه القصيده آملا ان تنال استحسان الجميع

وبسم الله نبدأ[/align]


[poem=font="Simplified Arabic,6,white,normal,normal" bkcolor="indigo" bkimage="" border="none,4,gray" type=0 line=0 align=center use=ex num="0,black"]
حـسبـي علـى من هـو نساني وصـدي=الصاحـب اللي لـه بـقـلبـي مكـانــه
أغليـه اناأغـلا مـن غـلا أهـلي وجـدي=وارخصت له شاني وعلّيت شانــه
مـن عـرفــتـه مايــوم خـفّـيــت ســدي=واهــديـت لـه قلبي وكامـل حنانــه
مــن عـقــب مانـي لـه حبـيـب مـودي=يشفـق على قـربي وشـوفي وزانــه
أصـبـحـت لـه مـن غبــر الأيـام ضدي=وتـبـدلـت حــال الـغــلا بـالـلـعانــه
لــو كــان مــابــه يـــوم جـاه التــردي=مني وكــلٍ ينـقـضــب مـن لسـانــه
إن كان جته هروج من فيّه تعدي=تـرى العـواذل ماتـكـب الـطـمـانــه
والـعــاقــل لـيــا ســمــع عـلــم يـردي=مايـاخــذه فـي كـل صدق ورزانــه
عـــز الـلـه إن فـرقــاه مـاهـي بــودي=مـيــر الـزمـن هــذا تقـلــب كيانــه
لـكـــن تـرانـي لـلـجــفـا مــســتـعــدي=الـبـادي أظـلـم لـو يـطـول زمـانــه
اعـــد نـفـسـي مـن رجــال التـحـــدي=ونفسي عـزيـزه ماتـحـب الإهـانـه
انـشـهــد إنـي مــن رجــال تــضــدي=زحول الـرجال مباعـديـن السكانـه
واعـرف لـبـاس الثـوب لاصار قـدي=واتـرك هـزيل الهـرج وآخذ سمانه
وبـاقـي عـلى ذكـراه لـو طـال حــدي=منسـاه ليـن انسـى مـعـانِ الـديـانــه
يـالــلــه يـالـلــي مــالأمـــرك مــردي=يـامن يـسـبـح فـيـك إنســه وجانـــه
يامــن يــسـيـر البـحــر جــزر ومـدي=في حكمتك ياللي عرضت الأمانــه
انــك تـوصـلـنا الـطــريــق المـــودي=طـاعـتـك يـاربـي بـعــزم وتــكـانـه
واتــوفــق الــغــالي دروب تـــقــــدي=وتـيـسـر امــره لين يـقضب عنانـه
والــخــاتــمــه هـــذي نـهـايـات ردي=للصاحـــب اللـي لـه بقلبـي مكانـــه
وصـلاة ربـي عـــدّ سـحــبٍ تـمـــدي=واعـداد مايـِطـلـع مـن البحـر دانـه
واعــداد مـالـشاطر بدرسه يجدي=واعـداد مـاربـي يـوصـف جـنـانــه
عـلى شـفــيــع الـخــلــق يـوم يـعــدي=يالـلــه تـهــدي قـلـوبـنـا لـتـبـعـانــه[/poem]


[align=center]وسلامتكم


تركي النومسي[/align]