[align=center][frame="1 50"][poem=font="Simplified Arabic,5,sienna,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



سر يا قلم مالي على الصبر طاقه = صبرً تعدى الحد ماعاد ينطاق
واكتب لمثلي قصته واشتياقه = في خطك الواضح على بيض الاوراق
قصة حزينً صافي المر ذاقه = وليا ذكر ما صار له خاطره ضاق
باقوا به الاصحاب والوقت باقه = واصبح ضحيه بين بايق وبواق
يمشي وهو ما حس في كسر ساقه = امسى على ساقين واصبح على ساق
وهذي اسواة الوقت شين اصطفاقه = الوقت لو يصفيلك ايام دراق
ان شان قطع معك كل العلاقه = وان زان خلا لك مع الناس عشاق
ومن شان معه الوقت قلوا رفاقه = وراحت حياته كلها هم واقلاق
والله خلق خلقً تحب اللباقه = كما خلق له خلق ماعندها أخلاق
احد يعيش بخير واحد بفاقه = واحد يعيق ايام وايام ينعاق
واحد معه حكمه وصبر ورواقه = سبحان منهو للمخلايق خلاق
لاكن يامن معك عقل ووثاقه = ابنصحك كانك للامثال تشتاق
لاتنخدع باهل العلوم الرقاقه = اللي سوالفهم توهق توهاق
صادق رجالً يعرفون الصداقه = يقفون صفك يوم يبسات الارياق
من رغب في فرقاك فارغب افرقه = جاز الذي يجزيك افراق بفراق
وتعلم التعشيق قبل السواقه = لاتحسبنك بالدرقسون سواق
ورزقك يجيك بدون تحضر بطاقه = وعند الله المعبود تقسيم الارزاق
يقولها اللي جاير الوقت عاقه = ولازال في غيبوبة الهم مافاق
من انعزاقه باديً بأنعزاقه = واللي يوده صار شوفه بالاشفاق
ولاقال هذا القول قصده طفاقه = ماقال هذا غير من نار الاشواق[/poem][/frame]





بسب الالتباس لهذه القصيدة ... اختلف نسب هذه القصيدة

لشاعر بندر السرور والشاعر عبدالله باتل الرشيدي

امل ان تحوز على رضاكم

اخوكم [/align]