[align=center][poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
البارحه يوم استمديت الافكار= واستدرجَن هاجوس راسي على الفور
اخذتِ لي في محوَر الكون مشوار=من هجعت الغافي الافجت النور
رَهَجت أحاسيسٍ تناجت بالاسرار= منها وفيها وافر العرف مسيور
تواردن فكري بتعقيد الاخبار= ودفعت زفرات الغضب عقب حاشور
زفرات مبلي تنكّس على الطار=لا سيطر الخاتم على روح مزيور
ضيعت درب المعرفه والقدم حار=مما يخصّ الروح بالروح مقصور
روحٍ توقد في جسدها لهب نار =يهزها هز البراكين لصخور
بأطرفها سيل الحمم مثل الانهار = تثور مما يرهب العقل وتفور
لين الشجر حتت ورقها والاثمار =النار ماخلت لها عروق وبذور
عظايم التشبيه من عمق الاضرار = نار القلوب الصادقه مالها سور
أنا بدار وهافي الخصر في دار = دونه زمت جرد الجراهيد والقور
حبه جذب روحي على الشرق محدار =وأمسيت دار اللي له الروح ماسور
أرجي وأرجى وأترجا اهل الدار =رجوى يهود المانيا وعد بلفور
من دافع الواقع ومكتوب الاقدار =لازم يجي لو قلت للنفس حاذور
جابتني القدره على غير مااختار =يزعلني أغلا غالي بيدي لي الشور
كنه يحش عروق جسمي بمنشار = ليا قال ماعندك خبر قلت مجبور
قال أي اساس وقلت تأسيس تيار = والناس كل له من العرف مقدور
ادركت عرفه من تصفحت الاسطار = وحقي من اللي تسمع أثلاث وعشور
فكرت في جوهر معانيه تكرار =مجهود مشتاق وتحليل دكتور
في منتهى الدقه مقاييس وعيار= حتى هقيت انه من الروح مشقور
واللي ستر بالعنكبوته رع الغار = وبجنح الدجا ناجى نبيه من الطور
لاسابقه حب ولاغيره اختار =وزاده الله في جمالٍ من الحور
قلبي عشق حلو النبا ظبي الاقفار =هذا وأنا قلبي من الخوف مذعور
ناصيه منصى المتهم لابن عمار =غصبٍ عليه لملحس النار مصخور
كني من اللي يطرق الروح وزار= قبر الحسين بكربلاء عشر عاشور
اسباب من عسكر على الكبد مسمار =معاد خلابي من الصبر مذخور
إن كان غير عن قراره بالانكار =تايه وفي مسعاه ماهو بمشكور
راع الغنم يتبع مواشيه بحمار =وراع البقر يسقي غروسه على الثور
يموت بذر الهون بنفوس الاحرار = وبذر الوفى فيها من الساس مبذور
رجلي مدارجها رفيعات وعسار = وبالدرب ماتنساق مع كل مثبور
والعين مالدت على حرمه الجار =ولا ساقة النظره ورى كل غندور
خفيف نفس ليا تلقيت خطار =نقال كبر بمجلس فيه مغرور
لاجيت تقطع سالفة كل هذار = داب الخبايث بمجمع الطيب مشهور
ياللي خذابك مركب الشوق معبار =فكر ترى المخلوق منهي ومامور
ارفع شراعك كان شفت الهوى دار = خله يفرق هادي الموج بالزور
وليا استوى صنع الطبيعه بالانظار = بين أزرقينن لامعالم ولا نور
قده على النجم الشمالي اليا سار = وباق الكواكب لو تعلى حدر دور
يرضيك ربان السفينه بالاسفار = البر بين المتاهات ببحور
احذر ليا ضاق الفضا والبحر جار =عن الغرق يرسي مراسيه بنجور
تمت وصلي الله على سيد الابرار =عداد مايذكر على الكون مذكور[/poem]



فلاح الحميداني[/align]