[poem=font="Simplified Arabic,5,darkblue,bold,normal" bkcolor="transparent" bkimage="backgrounds/33.gif" border="groove,4,deeppink" type=1 line=0 align=center use=ex num="0,black"]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/33.gif" border="groove,5,deeppink" type=1 line=0 align=center use=ex num="0,black"]
تم اغتيال الشعر في عتمة الليـل=حسبي على من فكّـرو بإغتيالـه
رصاصة الرحمة مزاجيـة الجيـل=تكتيك خصمه فوق قـدر احتمالـه
ينزف قوافي صامته مابهـا حيـل=ذكرى شموخه في مخيّـم خيالـه
مات ودموع النايحه كذبـة ابريـل=المال غايـه والوسيلـه رسالـه
من شاعر المليون والشعر في ويل=متساويـا فيـه النقـي والحثالـه
في فيصل التصويت تطفي قناديـل=ويفوز من حظه طغـى وارتكالـه
اللي يحـاول كسبهـا بالمواويـل=واللي يحاول كسبها فـي جمالـه
واللي كسبها بإتصـال الرجاجيـل=فزعة عرب ماهو بروعـة مقالـه
ماهي مسبـه للرجـال الحلاحيـل=الحـق شيمـه والمسبـه جهالـه
والحق لو غطت عليـه الاباطيـل=يبقى قمر خمسة عشـر بإكتمالـه
قلته ولاني خايف القـال والقيـل=واللي سألنا حاسبين (ن) سؤالـه
ماودي اخطي وان حصل فيه تظليل=ماودي اتبع ضال(ن) في ضلالـه
لاشك لي وجهة نظـر يالمشاكيـل=سؤال ارعن والجـواب استحالـه
اللي بذر له زرع يجني المحاصيل=يشـوف ماتجنـي يمينـه قبالـه
حلـم ابرهـه تخطفتـه الابابيـل=المـوت جـاه ولاتحقـق منالـه
وان حاول المذنب يبـث الاقاويـل=انا بوجهه حيـن يبـدى مجالـه
ابحذف القارب بوجـه الاساطيـل=وابدعمه بالجـن حتـى الثمالـه
وابضرب العاقل بحلـم المساطيل=وارفع يميني يـوم تنـزل شمالـه
شربت من قيفان شعـري فناجيـل=لين استوت فيني على كـل حالـه
ادوس ساحات الوغي واكره الميل=ولا خاف غيـر الله جـل جلالـه[/poem][/poem]
[align=center]
كلمات / نومان سحل [/align]