[align=center]
أثناء تصفحي لـ شظايا أدبيه اليوم وجدت هذه القصيده الجديده

وأحببت أنقلها لكم.........


بلغ ([gdwl]شظايا[/gdwl]) ياخلف .. إني بخير
................... وإني إلى هالحين شبل الـ ([gdwl]شظايا[/gdwl])

كان الخطا .. يحتاج كثرة معاذير
................... فانا معاذيري .. بكثر الخطــايا

مبطي وانا طبعي قليـّل مسايير
.................. كثر الغياب اعطى حضوري مزايا

لي بالقلوب فياض حشمه وتقدير
................... ولي بالعيون رياض صدق ومرايا

ماغرني كثرة حشود الجماهير
................... ولا غيرت ممشاي ، كثـر التحايا

ماتغري الشهره يكود الطراطير
.................. اللي من لباس الرجوله .. عـرايا

في شاعر المليون مليون تفسير
.................. كل حسب فهمه .. يصوغ الحكايا

احدن يذم اسمك على ذمة الغير
................... واحدن يمدّح .. من مديح البرايا

واحدن يدورلك عن اخطاك تبرير
.................... واحدن من اخطائك يسوي سوايا

تخيل ان الناس تعطيك .. تقرير
................... عن مايدور بداخلك .. من نوايا ؟؟

قل خير .. والله يكتب اللي به الخير
........................ ماغير ربك عالمٍ ... بالخـفايا

ان غبت وان ماغبت مامن مخاسير
................. مثل الـ([gdwl]شظايا[/gdwl]) .. دون شبل الـ([gdwl]شظايا[/gdwl])



اتعرفون لأي مبدع هذه القصيدة .....؟؟[/align]