[align=center]

(( قصيدة حق وواجب لرجل سجن 16 سنه وهو يبلغ الان الستينات من عمره ))

نخوة / (( ثاني مطلق العنزي ))[/align]

[poem=font="Simplified Arabic,6,darkblue,bold,normal" bkcolor="transparent" bkimage="backgrounds/15.gif" border="double,4,darkred" type=1 line=0 align=center use=ex num="0,black"]
اليوم جيـت ووقفتـي محسوبـه=وكـل ٍ يقـدّم لأمّحلـة مأجوبـه
ما جيت اعرّض صورتي بالشاشه=وعيال (عمي) للعـرب مطلوبـه
سلام يالويـلان ..وايـل ..وايـل=من شاعر ٍ لا ما تضيق إدروبـه
يا لابتي .. يا عزوتي ..وعقالـي=يا سيوف لأرقاب الردى منصوبه
افاعلكم .. بين العرب ما تحصـى=وامجادكم ..بأسم الفخر مكتوبـه
ما خاب يالويلان مـن ينصاكـم=يا نصرة المنكوب .. و المنكوبـه
مطلق ..ربيعه ..راح بالزنزانـه=واهل العفو ..حلّو عليـه التوبـه
مأجورة ٍ عند الرحيـم ..الهـادي=واللحين ما غير العزاوي صوبـه
(تكفون ) من دون القصايد تكفـي=وانتم اساس الطيب طوبه طوبـه
(..تكفون..) والموقف يبي وقفتكم=يا عزّ ..منهو ثوبكم مـن ثوبـه
يا ذخرنا ,, يا فخرنا .. والماضي=يا ربعنا ,, يا طبعنـا ..والنوبـه
يا جودنا ,, ووجودنا ,, والحاضر=يا دارنا ,, يا نارنا ,, المشبوبـه
بالهيل ! والا الخيل ! والا اطيّبهـا=با اللزّ ! والا العزّ ! والا إسلوبـه
بالجد ... والا المد ..وش خليتوا ؟=يا اعجوبة ٍ ما بعدهـا إعجوبـه
اليوم جيت .. وحبكتي .. بالدله..=حبكة شعر ..للكايـدة مصبوبـه
ومدام ..ويـلان الفخـر قدامـي=صبت ..فناجيل الرحـا مشروبـه
والطيبة فـي كـل قـوم وديـرة=ولاهي على غير عنزة محجوبـه
الاجودي ..لو هو .. بعيد ٍ .. دمه=لا ما تردا لا اللتفـت لـجيوبـه
لله ..وبعـد الله عظيـم امـالـي=بالخير واهل الخيـر لا حسوبـه
ومن فرّج الكربة لاخوه المسلـم=بالاخـرة تفـرج عظيـم كروبـه[/poem]

[align=center]
كلمات /

سعد مسهوج العنزي


القصيدة بالصوت والصورة من خلف الكواليس حصريا لـ قناة الخليج

http://www.youtube.com/watch?v=fZIuSne_ap4[/align]