[poem=font="Simplified Arabic,5,darkblue,bold,normal" bkcolor="transparent" bkimage="backgrounds/15.gif" border="double,4,darkred" type=1 line=0 align=center use=ex num="0,black"]


حبيبي ما قويت اصبر وأنا كلي وله منثور =احسب الساعة بغيابك اعد اصغر ثوانيها

احسب الليل يسمعني وشمس ٍ بالنهار أتدور =افكر كيف مايفهم عيوني ما يداريها

الا يا ليل يابردك توكـّل وابتعد مشكور =أبي ليل ٍيجي بعدك وأبي صبحك يعديها

انا قارب بلا مجداف ساكن في زمن مقهور =غريق ٍ في بحر أشواق بعيد ٍ عن موانيها

حبيبي لا تلوم اللي تعلق في سماك شهور =أنا من جيت للدنيا عيونك سارح ٍ فيها

انا عاشق من الغربه تولعت بهذاك السور =ولو دارت عليكـ سنين دروبك ما أخليها

رسمتك او تخيلتك .. اسولف بك بدون شعور =اسولف لك عن أيامي من أولها لتاليها

نويت امسح ظلام الوقت واختاركـ بداله نور =نويت ابعد عن أيام ٍ تعبت اجمع بلاويها

اعد نجوم هالدنيا سهيت وعدتها مجبور =أحاول اجمع نجومي ولاني قادر أحصيها

احبك كثر ماعديت كثر ما في السحاب طيور =احبك كثر ماخاوت حروف العشق هاويها

احبك كثر ماشافت عيوني بالرياض زهور =واحبك كثر ماشافت عيون الناس غاليها

حبيبي ما قويت اصبر وأنا كلي وله منثور =احسب الساعة بغيابك اعد اصغر ثوانيها[/poem]