[poem=font="Simplified Arabic,6,darkblue,bold,normal" bkcolor="transparent" bkimage="backgrounds/19.gif" border="groove,5,deeppink" type=1 line=0 align=center use=ex num="0,black"]

ودعتك الله لو على قلبـي أخطيت =وحاربتني من دون ذنـب وخطيّـت

أحسبك تذكرني إذا أصبحت وأمسيت =وأثرك على فرقـاي نفسـك هنيّـه


الله واكبـر كيـف عنّـي تخلّيـت =من بعد ما علقت روحـي البريّـه

وش غيّرك وش بدّلك ليه صدّيـت =وانت اللي بالقلب نبـض وهويّـه


من هو بقى لي بعدما عنّي اقفيـت =وقدمتنـي للحـزن أثمن هديّـه

كلـش تخيلتـه ولا يـوم ظنيـت =إنك لحـد غيـري ولانتـاب ليّـه


ويلك من الله كيف بالحب ضحّيـت =قلبك حجر مـا حـنّ يـومٍ عليّـه

اللي بنينا بْعمر فـي يـوم هدّيـت =وأحلامنا مـا عـاد منهـا بقيّـه

أتعد غلطاتـي إذا يـوم زلـيـت =من دون مدري وين ذيك الحميّه

مافيه معصوم الخطأ لـو تحريـت =ولا فيه كامـل غيـر رب البريّـه

ولو ما احبك ما نشدتك ولا أطريت =بعـدك وصـدك وانتخيتـك نخيّـــه

ترجع لقلبٍ يـوم بالعقـل حبيــت =وتترك هالأحقاد وأهل الوشيّـه

خايف عليك وخايفٍ منـك ياليـت =مايوم حبيتـك وصـرت الضحيّـــه

لا ني بحي بعد هجـرك ولا ميـت =ولا ني مريض ينعـرف بالشكيّـه



لكنـي أدرى بحالتـي لا تـرديـت =ولا ينفـع الملتـاع طبـه وكيّــــه

مالي سوى إلا كلما راح ناديـت =ياريت يسمعنـي ويرجـع إليّـــه[/poem]

[align=center]
اللــــه أكبــــر

كيـف طـاوعـكـ قلبـكـ وعــــني تخليتــــــ

م ن ق و ل[/align]