[poem=font="Simplified Arabic,5,sienna,bold,normal" bkcolor="transparent" bkimage="" border="double,4,sienna" type=1 line=0 align=center use=ex num="0,black"]
يقـول مـن يبـدع جميـل المثايـل=مثايل ٍ عذبـه .. نقيـه .. مصفـات
يقولهـا مـن عرفـه ان الاوايــل=ماابقـوا لتاليهـم امـور ٍ مصـفـات
يقولهـا ينصـح عـيـال الحمـايـل=اللي لهـم زينـات الافعـال عـادات
ينصح بهـا اهـل المـدن والقبايل=لعل فيها لراعـي العـرف عبـرات
العاقـل اللـي يعـرف ان الحبايـل=تصيـد حابلهـا وتسقيـه لـوعـات
والجاهـل اللـي كـل ماقـال قايـل=صدّق كلامـه دون برهـان واثبـات
والجاهـل اللـي فالمسـا والقوايـل=يـدور بـوش ٍ لايقـيّـل ولابــات
والجاهل اللـي لـو عيونـه تخايـل=يطيح وسط النـار مثـل الفراشـات
والطيـب ياباغيـه شيـل الثقـايـل=لامن عجـز عنـه ردييـن هامـات
والعيـب والمنقـود راس الفشـايـل=عصيانـك الرحمـن رب السمـوات
والعيـب والمنقـود شـب الفتـايـل=بين الجماعـه والمعايـر بمـا فـات
والعيـب والمنقـود لاجـاك عايـل=وطّيت له راسـك وذليـت بسكـات
والكذب راس العيـب ياللـي تسايـل=حبله قصير ويقطعك وسط مضمـات
خلك على العايل صـدوق الصمايـل=كم من شجاع ٍ عاش واللي هرب مات
اصبر علـى وقتـك ولوكـان مايـل=الصبر مفتاح الفـرج فـي المهمـات
والعيب بذل المال مـن غيـر طايـل=على المعاصـي والخنـا والملـذات
والعيب نقـل الهـرج بيـن العوايـل=نقل الـدوادي الفارغـه والحكايـات
خلك خفيف النفـس والشـك زايـل=وش عاد لو تومر ولو قيل لك هـات
حسن الخلـق زينـه لكـل الفضايـل=كمل بها اخلاقـك وللنـاس شوفـات
لاصرت تبغـى وافييـن الخصايـل=واصل رحمـك وأد حـق القرابـات
هذا كلام رشيد مـن نسـل (وايـل )=( اهل الكرم والجود واهل المروات )
لباسـة الماهـود واهـل الاصـايـل=عون الرفيق اللي وقع وسط شطـات
كم شيـخ قـوم ٍ ذاق مـر الملايـل=من ضربهم لاجو على الخيل عجلات
لطامـة العايـل ليـا جـاك مـايـل=شينين .. زينين ٍ .. مطافيق .. وثقات
لطامـة ٍ .. نطـاحـة .. ماتسـايـل=فرسان .. شجعان ٍ .. مدابيس غارات
وطعونهـم تلقـى بهـا الـدم سايـل=وصحونهم يلقى بها الضيف خيـرات[/poem]

[align=center]الأمير الشاعر \ عبدالرحمن بن عبدالله بن عبدالرحمن آل سعود[/align]