[poem=font="Simplified Arabic,5,deeppink,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لاتحسب إنــي قــاطـعٍ فــيك مـابيك=ولا تـــحسب إن العين عـــيت تشيلك

لا تترك اللـي بـالهــوى دوم يـرجــيك = ولا لا تــــهينه يـوم أصـبــح ذليــــلك
أبيــك تـذكرنـي وأبــي مـنك وأعطيك = وش لـــي سوالف غـير قلبــي عميلك

جــرّحـت قــلبٍ عــاشقٍ كـل مــا فيك =وبـــــكيت عينٍ مـا رضت فــي بديلك

وشـــوّقت روحٍٍ أجبرتنـي أسميــــــك = ريـــــم الغلا ياصـاحبي هو سـمـي لك
صدقني يا عمري تـرى القلب شاريك =ـوالـــروح ماأذكر قـــد خذاها مـثيـلك

هــي حكمـةٍ يـوم إنــي أبـعد وأخليــك =أبغــى عيـون الناس تــركـد وأجـيـلك

الجــرح يـنزف والــزمـن واقـفٍ فيك = والــــعين تــدمــع وهـمّهـا شـدّ حـيـلك

يــا مــا تـمنى خــافقـي حـيل يــغليــك = ارحــــم شـــعورٍ قــــال تـكفى دخـيلك

تـــجهل كـلام الــناس وأبـغى أوريـك =كلـــمــة عــذولٍ قال يــــا صعب نيـلك

ما قدر علــى بــعدك ومـا قـدر أعنيك =بـصبـر على هجرك ولـــو طال ويـلك

والـعاذل اللـي مــــن سمعني أنـاديــك =ســـوى زمان وجيل مـــاهوب جيـلك

يـشهد لك الخفاق وتـــــشهد مــواطيك =ويــــشهد زمـانٍ راح كـــمّل جميـلك

ارجع ورجّـح كــــــفّة الـعشق يـمديك =كـفّه تـــبي وزنـك وتِــــظـهــر دلـــيلك

اذكـر عـــذابـــي والشقـا يـوم يـبكيـك =طــــوّلتها يـــــا عزوتي وطـــال لـيـلك

أبـغى نــهايــــة لقصتي ولــيه أبدّيـك =متـى تجيني بشوق ويصفــى سبيـلك

الوقـت لو يسمـح أنتهي منك وأنهيك = كــان انزعك من داخلـي وش يـبـيـلك

خلاص ماعاد أظنــي ارجع وأناجيك =ارحـل وسـافر صــار عــادي رحيــلك

ابــعد عــن عيوني ومـــا بغى أباريك = وانــسى بـزمــانك يــوم إنــي زميـلك

لا عــاد تـذكرني ولا عـــــاد ابطريك =واتــــرك همـوم الــكون واحمـل قليـلك

خـل الهوى لأيـام عاشـت بمــــاضيك = مــا للـــفرح عنـدك مـــكان ويــعنيــلك

ويــمكن أنا أشتاق وأرجـــــع أواسيك = وادمــح خـطــاك واقـبـلـه بتـعليـــلك

خــلاص أحبـك ولا تـفكر أعــــاديـك =بــانســـــى الـزعل كلـه وأرجع خلــيلك

لا تــحسب إنـي قـاطـعٍ فــــيك أسلّيك = اصــبِر، عـيون النـاس تـركد وأجـيلك[/poem]



[align=center]منقول[/align]