[poem=font="Simplified Arabic,5,darkred,bold,normal" bkcolor="transparent" bkimage="backgrounds/15.gif" border="groove,5,blue" type=3 line=0 align=center use=ex num="0,black"]


[poem=font="Simplified Arabic,5,darkblue,bold,normal" bkcolor="transparent" bkimage="backgrounds/45.gif" border="groove,5,darkred" type=0 line=0 align=center use=ex num="0,black"]
تضـج بهالجسـد هيبـة مواجعنـا ونتألّـم =ويسبقنا ألم روح ٍ خطاهـا مـن مطامعنـا

نلم أرواحنا بين الخضوع ودعـوة المسلـم =عسى نور الدُعا يشفع ورب الكون يسمعنا

بشر .. ياما خطينا .. الخطأ وارد ونتعلّم =لأن ( اللّه ) خالقنا طِهر والديـن وازعنـا

محد منّا تبع درب الهروج ولاقـدر يظلـم =ولا يمكن يكون الظلم نسخـه مـن طبايعنـا

أحد يمكن وهب نفسه ( قضية حق ) وأتكلم =وبَعض الحق مايلقا أحد يستوعب المعنـى

كثير اللي رخص قيمة كلامه حِسّه المُظلم =قليل اللي حكى اشرق حضوره في مسامعنا

ضعيف النفس ماكنّه أبـد صلّـى ولاسلّـم =ذليل الـدرب ماتقـوى شياطينـه تضيّعنـا

عزيز الروح مايترك قناعاته وهـو يعلـم =بأن الروح في ظل القناعـه كنـز يرفعنـا

يبوح القلب وأوجاعه من الآآآآهات ماتسلـم =ونبني للتفـاؤل والأمـل إحساس يدفعنـا

نبي نكتب ونتبادل أحاديث الـورق للحلـم =نبي نرسم جنونك يالقلم ويفيـض اروعنـا

نبي نستر جروحك يالزمان القاسي المؤلم =تبعثرنا أماني هالعمـر والشـوق يجمعنـا

محد منّا كسر شوكة هواه واسْتمـر يحلـم =لأن الحلم لايصبح حقيقـه ضمـن واقعنـا

تضج بهالجسد رهبـة مواجعنـا ونستسلـم =لـرب ٍنرتجي عفوه وغفرانه .. ومرجعنا

نلم أرواحنا بين الخضوع ودعـوة المسلـم =عـسـى نـور الـدُعـا يـشـفـع ورب الـكـون يـسمعـنــا[/poem][/poem]

[align=center]منقول[/align]