رد: جميع قصائد الداهية المنبر خلف المشعان هنا((النصية فقط))

[align=center]يجيب .. الدب .. من ذيله ..!!





عشان اكتب ( كَـذا بيـت ) بكِـذا يـوم بكِـذا رجـال
يبيلي هم كـذا ( مبـدأ ) ... أطيرهـا ... بكـذا ليلـه
لأن الشعر في شرعي .. مبادئ .. ماانتهت بالمااااااااااال
حرام يقاللـي شاعـر وانـا ( اشحـذ ) فـي تفاعيلـه
انا اعرف مصلحة نفسي .. واحَمْد الله على ايـة حـال
وعسى الله يزيد من يقدر ( يجيـب الـدب مـن ذيلـه )
رح امدح قد ماتقـدر مـن العالـم .. ( وقـل ماقـال )
اذا ماجـدك بقبـره .. تخاسربـك .. بــك فناجيـلـه
ولد شيخ بزمـان اغبـر .. يبيّـع شيختـه بريـااااااااال
اجـل ماظـل لعقالـه لـزوم .... اليالبـس .. شيلـه


الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

أولا" أتقدم الى الأخ فدا عنزة بالشكر الجزيل والجهد الرائع للنهوض بهذا المنتدى وحبيت أشارك في قصيدة من قصائد الداهية
[move=left]سامح الله .. من هقابي .. غيـر مابـي .. وش عليـه [/move]..حسن ظني فيه .. يجعل سـوء ظنـه .. حسـن نيّـه ..!!
[move=left]مافهمتـو.... !! ليـه طيـب ..!! مقصـدي والله ً نزيـهأحسنو الظـن بقصيـدي .. تحسنـون الظـن فيّـه .. !! [/move]
[move=left]أدري ان الشعر ذنب .. وذنب شعري ( !!! ) هاه .. إيه ..لا بغيـت اعمـل قضيـه ..!! مستعـد اعمـل .. قضيـه [/move]
[move=left]فيك .. والا .. فيه .. والا فـأي واحـد ... مشتهيـه ..!!مفرد الجمـع لشـظ ايـا .. يابعـد خشمـي .. شظيـه [/move]
[move=left]يتضح وجـه التشابـه .. لا انفضـح وجـه الشبيـه ..!!لا تقول الشمع نـار ..!! وتـدري ان .. النـار حيـه !! [/move]
[move=left]يسألوني .. كل ماكتب .. هاه .. بالله .. منهـي فيـه ...؟؟من كثر مااضحك .. كرهت الضحك مـن شـر البليـه !! [/move]
[move=left]كرهونا الشعر كله ... ( عـوع ) كلـه .. مانبيـه .... !!مـاوراه الا المغثـه .. وصلـخ حكْـي .. بهـا الفضيـه [/move][move=left]ماعلي مـن السلنتـح .. والسقيطـه .. والسفيـه .....!!بـس اخـاف مـن الفهيـم الياتهمنـي .. بالـرديّـه ..!! [/move]كـرم الله .. مـن هقابـي .. غيرمابـي .. وش عليـه ؟؟كيف انا بشره .. على اللـي

رد: جميع قصائد الداهية المنبر خلف المشعان هنا((النصية فقط))

[align=center]المدرسه




قالت : هو انت اللي تسولفبك نجــــــود ؟؟
قلت : ايه انا قالت : انا اسمي أمــــــــــيره !!

قلت : آمري .. قالت : ترى ريم محمود
أهدت قصــــيده لك لابله منيـــــــــــــــــــــــيره

تبي تسوي زي ماسوت اخلوووووووووود
اللي خذت ( إعجاب ) أبله شهـــــــــــــــيره

ومره بعد ....

ومره بعد فريال أهدتلها اعهـــــــــــــــود
أبيات من شعرك .. وغارت سمـــــــــــــيره


عشان ( هذي ) معجبه بهند مســــــــــعود
وفريال تطلع أخت هند الصغيــــــــــــــــــــره

شربكه !!


ومره .. قرت حصه .. قصيده لعانووووووووود
وراحـــــــت وودتها لأبله مشـــــــــــــيره


وابله مشيره فتشت شنطـــــــــــــــة انجوووود
واقعدبها .. شعرك وصل للمديره






الشاعر خلف المشعان [/align]

رد: جميع قصائد الداهية المنبر خلف المشعان هنا((النصية فقط))

واصل أخي العزيز فدا ونحن معاك لكي نزيد عدد متصفحي صفحة خلف مشعان ...... العدد الآن لزوار الصفحة8052 نبيها اليوم عشرة آلاف

رد: جميع قصائد الداهية المنبر خلف المشعان هنا((النصية فقط))

[align=center]
9شياطين


نـا د يتهـم للشعـر تسعـة شياااطـيـن
وجـونـي يشيـلـون المعـانـي ثـلاثــه

القـافـيـه جـتـنـي يجـرونـهـا أثـنـيــن
نـوب(ن) هجينـه ونــوب(ن) حـداثـه

بقي اربعه تحـت الطلـب مستعـد يـن
يـجـون لا مـنـي طلـبـت الاغـــا ثـــه

ربع(ن) نشاما كل ابوهم على الدين
ارداهــم أثـــرم يعتـبـرهـا ونـــا ثـــه ^ـــــ^



متسلـطـيـن وبالقـصـايـد سـلاطـيــن
من غربي جويـف لشرقـي شثاثـه!!

ويا راكب(ن) من عندنـا وارد الفيـن
جيب(ن) يحرث القار الااسود حراثه

مــا كـنـه الا فــرت الـهـام شـاهـيـن
مـا يكتـرث لـلـدرب صـعـب أكتـراثـه

عليه من عصـم الشـوارب نشيطيـن
لــوط الـرجــل متورثـيـنـه وراثـــه !

الذيـب اخــو جـابـر وجـابـر ونـاويـن
نـبــي نـحـارب مـــن بــــدا بالـخـبـاثـه

ان كانهـا بالشعـر بالشـعـر عذفـيـن
ياللـيـد ابـــو تـغـريـد خـــل العـبـاثـه!

سكيـن انـا لا يحسـب انـي مسيكـيـن
يبـلـش مـعـاي لـحــد يـــوم ابتـعـاثـه

تـطــول والله لـيــن تـاصــل ثمـانـيـن
احسـب لهـا مـن الفيـن عـام وثلاثـه




الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]لكزس لوحتها : ( ري ي 100 )
.
.
.
.
.


( بين العصر والمغرب ) على طريق الميه
... طاحت عيني .. على اللي طاحت عليّه عينه


يوم التفتّ بجنبي .. بالمرتبه الخلفيه ...!!
... والاّ .. الغزال الشارد .. مدري من اية طينه


شفت اللكزس باللكزس رقم اللوحه ري ي 100
.... قلت بقلبي ياقلبي : ( وينك والحلو وينه )


ضوٍ.. سطع واجهرني .. وقمت اتّقي بيديه
.... مدري بياض اللكزس .. مدري بياض يديـنه


اشرت له واشّر لي .. يعني فهم عليـه .. !!
...بس البخت ، والزحمه حالو مـابيني وبينه


قمت ازوي السوزوكي .. وامشي عليها ميه
..... لين البساتم طقن .. وانفقعت .. الماكينه


عيني عليهم راحو .. قبل اصفط الملويه
....واتلى العهد بعيونه ( مخرج وسط المدينه )


راحت ياموسى راحت .. ليتك شفت ( العجيه )
.... ماهي مثل شوفاتك سودا ، وعرجا ، ومتينه


صيده .. ولكن طارت .. مالله .. كتبها ليّه
... لو المناوي تنفع .. قلت : اتمنى حضــينه


( يانومةٍ بحضينه ).. تسوى الساحه الشعبيه
... جعل الساحه الشعبيه .. ياخييّ فدوة عينه


الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

خارج نطاق التغطيه!!


خارج نطاق التغطية .. او .. تغطيـه دون النطاق
...... فرق الخروج المنطقي حسب اختلاف المنطقه

ماهيب لعبة مفردة .. بين التجـــانس والطباق
....... لا لا ولا هي فلسفة شاعر فراغ وهرطقـه

المسأله !! ركز معي .. يمكن ترد ضمن السياق
...... لاتسبق احداث الشطر قبل انطقه لا تنطـقه

شيٍ يطاق بهالزمن .. واشيا كثيره ماتطــاق
...... شعر الغزل غير الهزل .. والطق غير الطقطـقه

المشكله مو بالطراق ،، المشكله بعد الطراق
......يامحللين المشكله .. بلاش .. كـذب وتريقــه

إتي اتحاد ... وتختصر إتي .. بعــد للاتفـاق
...... لكن ولاإتي .. بقت في ظل عصـر التفـرقــه

ناخذ طراق ونبتسم .. احلى عرب ..!! واحلى عراق
.......واحلى فلسطين ونقط .. لا خر حدود المنطـقه




الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

[align=center]ثرثااااار

أنا .. يوم آخـــذ وأعــطي معـك ، قلتي : علي ( ثرثار )

...\/\/\/\/\/\/.. أجـــل .. وشلووون ؟ لو بوصف شعــوري ، وشتسميني ؟؟

:
:
:

صحــيح اللي حصل ( صدفة ) ولاادري يومهــا ، وشصار ؟

...\/\/\/\/\/\/\/\/\/.. ولااذكــر ، وشطــلع مني كــــلام .................... ولاتلوميني
:
:
:

بدايات الحكــــي ( مـــزح ) ونهــــاياته .. كــــــلا م كبار ...!!

...\/\/\/\/\/\/\/\/\/.. وخــلص كـــل الحكـي .. لكن ! بقيتي ساكنه فـــيني ......!!

:
:
:

على همـــسك ، وضحكـــاتك .. بدت تلعبي الافكــــار .........!!

...\/\/\/\/\/\/\/\/.. تولعت ( بدلع صوتك ) وانا ماشافتك ....عــــيني ............!!

:
:
:

وانا رغم انها ( صدفه ) ولكن ..!! صرت بك محــــــتار ........!!

...\/\/\/\/\/\/\/\/\/.. أقول : شلووون حبيتك ..؟ ومعـــقوله ...!! تحــــبيني ........!!

:
الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]ضعيف الحرف

رشيق الحرف / والمعنى العميق / وروعة التصوير ّّّّّّّّّّّ...
ربيع الشعر / وشهور الربيع / وريحة أزهاره
:
قصيدي / ياقصيدي / ياقصيدي / ماتبي تفكير
... شف اللي مانكتب فيه .. وتمهل وانظم افكاره
:
بلاش تدوّر .. وعندك .. حـــكاية .. عــمنا تيسير
... تراها .. تنفع .. ويمكن تفوز ... وتقطع الشاره
:
وترى فيها حِكم واجد .. .. ولا يبغالها تفسير ....!!
... .معك واحد خلاص امش وبسيطه تدبر اصفاره
:
حكاية عمنا ..ركـّـز :
( حقيقه ).. نصفها ... ( تــــزوير )..!!
... ولكن نصفها الآخر .. خطير .. !! وتلسعك ناره
:
يقولون الرجل هذا ..... فقير ويشتغل .. كاشير
... معاشه كله( 2000 ) ويقاسط دين سياره
:
وعلى هالحال ذا راضي يحب ايده يقول ابخير
...رضى في قسمته ... واللي كتبه الله .. واختاااره
:
فهمت الحين مدخلها ... ؟؟
تعال .. اعــَـلِّــمـِـك .. شيصــــــــــــــــــير ..!!
... مع اللي كان كاشير .. وتهمه لقمة صغااااره ..
:
بعد احداث سبتمبر .. تعلم .... لهجة التنظير
... ونشب في لوح تاريخ العروبه ... راس مسماره
:
كتب عن صحوة الكذب وكذب واجد وصار كبير
... وبنى من كذبته ( عشرة ابيوت ) .. وعمر عماره
:
تطاول حيل ... واتعدى الحدود .. بحجة التغيير
... وتحول أول بيوته ....أخير .. وماهي بشاره
:
ضعيف الحرف .. والمعنى السخيف .. وشاعرٍ سكير
... خريف الشعر واسقاط الشعور وطيحة أشجاره !


الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

من جد

لا تاخذين .. السالفة جد .. من جد
ماكل مانبغى نقوله ...... نقوله

لو الحكاية رد .. كتبت لك .. رد
ماهو على معناك بالضبط ! .. حوله !

بس الحقيقه .. بيننا .. ألف ابو سد
طبعي زعول وطبعك انتي .. عجوله

ومن انتي .. أصلاً لجل أبين لك الود
انتي مجرد غصن .. واضح .. ميوله

ان كنت ابنظر لك ضروري .. ولابد
عشان بس الموق يشبع ... فضوله

ماني من اللي .. شد عظمه .. أو اشتد
مشتد عظمي .. من سنين .. الطفوله

حدتني الدنيا .. على قولهم .. حـد
ولا هزني عصف الظروف .. بسهوله

قلبي اليامن صد .. عن رغبته .. صد
مابـ التقاعس .. للنواعس ... رجوله

ماني خلف بابا.. ولاني .. خلف جد
ولايوخذ اسمي .. للقصايد .. عموله

حنا لياعدوا .. هل الطيب .. ننعـد
والا الشعر .. حتى الحريّم ,، تقوووله


الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

ما فيه داعي



قـالـوا .. قـصـيدك زيــن .. لـكـنك ابـخـيل
..... مـاقـد كـتـبت بـوصـف خـلـك قـصـيده؟
:
قـلـت : اسـمـعوني زيــن .. يـهـل الـتحاليل
... واخـــذوا الـعـلوم .. الـمـوجزات .. الأكـيـده
:
الــوصـف : مـــن أروع فـنـون الـتـماثيل
.... ومــاكـل شــاعـر .. فـالـحـقيقه .. يـجـيده
:
وانــا لــو أكـتـب .. يـعـلم الله .. بـهالليل
.... مــانــي مـخـلـي لـلـقـصايد .. شــريـده
:
والله .. لـجـيـب مـــن الـمـعـاني تـهـاويل
..... واكــشـف خـفـايـا الـمـفـردات الـعـنـيده
:
لاشـــك .. مـانـي زي بـعـض الـمـهابيل
.... عـمـر ( الـغـني مـابـااااح .. يـوم برصيده!)
:
مـاصـدتـها .. يــاكـود عـقـب الـبـهاذيل .
..... ولـــو عـلـم الـقـناص .. مـاحـااش صـيـده!!
:
مــانـي بـعـاجـز .. عــن أدق الـتـفاصيل ..
.... لــكـن .. وربـــي ذي عـلـيـكم .. بـعـيده
:
حـبـيـبتي .. أبــعـد عـلـيكم مــن سـهـيل
..... وعـنـدي أهـم مـــن الـقـصـيد وجــديـده!
:
نـزهـتها .. عــن قــول : فـي وصـفها قـيل
..... مــافـيـه داعـــي والـفـريـده .. فــريـده!!
:
يـكـفي أقــول : الـكـدش .. مـاتـلحق الـخيل
..... هـالـشطر .. يـغـني عــن كـتـابة .. قـصيده!




الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

المبخرهـ





مافي جديد الا انها .. صارت مثل حـارة عبيـر
المومس اللي تبترم .. عصم الشـوارب حولهـا


ماحولها الا بيّها شايب ، ومشلـول ، وضريـر
من قلة الوالي .. إذن .. تفعل كمـا يحلـو لهـا


قَلّت حياها .. وارخصت حسنٍ وهبها الله مثيـر
من ملعنتها لا مشت ( ترفع طـرف مريولهـا )


من شافها يشهق نفس.. يرجع مع الزفره صفيـر
ترمي الطيور من السمـا يـوم اتخايـل زولهـا


مثل المها .. لكنها عكـس المهـا .. ماتستذيـر
كل من يسره طولها .. سهله .. عليـه يطولهـا


ماكنهـا الا مبخـرة وسـط المجالـس تستديـر
استغفر الله عن خطا كلمة .. بغيت اقولهـا ..!!


يبلغ عدد عشاقها جيـشٍ مـن المرضـى غفيـر
لفّـت عليهـم كلهـم .. ماقصـروا .. غنولهـا


من مصطفى فهمي إلى أن ( صلّعت ) باحمد بدير
حَسبت نفسي بالحَرَم .. مـن كثـر مالبـو لهـا


لبيه يااحلى ( غندره ) لبيـه .. ياالكـم القصيـر
احدٍ فدى شرّابهـا .. وأحـدٍ فـدى .. لنعولهـا


ول قبح الله من ردت نفسه على شروى ( غبير )
المومس اللي بينهـم .. قامـت تـدنّ حجولهـا


مافي جديـد بغيبتـي الا انهـا احسـن واخيْـر
من جيةٍ تبحث خفـا الصاحيـن ، قبـل خبولهـا



الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

دايـم .. أردد بيـن .. نفـسـي وبيـنـي :
بيت ٍ لابـن شعـلان .. محكـم .. وثاقـه :



( الشيـن شيـن .. وماكـر الشيـن شينـي
عـدو جــد .. ولا بقلـبـك .. صـداقـه )



شيـه / التفـت لـي / حـط عينـك بعينـي
عمـر المنـافـق ... مايخـلـي .. نفـاقـه



يـومٍ .. تمدّحنـي .. ويــوم .. تهجيـنـي
وهرجـك .. علـى الوجهيـن مابـه لبـاقـه



مبطـي / وانـا اسمـع بالرفيـق البطيـنـي
اليـن شفـتـك .. ماتحـشـم .. الرفـاقـه



إيـه ادري انـك بالكـلام ... تعنينـي ...!!
لكنـي احمـق ( لـو ) بــداوي الحمـاقـه



سـولـف بكيـفـك .. للمخالـيـق فيـنـي
للطيـب بـاب .. وللردييـن ....... طـاقـه



الـلـي يبيـنـي / لا يخـومـر / يجيـنـي
واللـي يبـي .. فرقـا عيونـي .. فـراقـه



باقـي .. معايـه بيـت .. بيـنـك وبيـنـي
راكـب عليـك / وهـاك .. فكـك وثـاقـه :



( فنجـال طينـي / ماانـت فنجـال صيـنـي
تبـرك مباريـك الجمـل ... وانـت ناقـه )



الشاعر خلف المشعان ..

رد: جميع قصائد الداهية المنبر خلف المشعان هنا((النصية فقط))



الملعبه


أنا فالملعبه يطري علي ان الرسول يقول :
(( دَمُ المسلم على المسلم حرام وعرضه وماله ))
:
أنا فالملعبه هرجي يمر عقول دون عقول ..
عميلٍ مايجاريني ي.. دورله من اشكـاله
:
الى منه حشم نفسه عن الزله مهو مخـــذول
والى من ضاعت علومه تركته يشرب دلاله
:
أنا ماقول من قدي ؟ ولاني من السما مرسول
ولكن من يبي يلعب .. يناظر منهو .. قبـاله
:
ولد من يعتزى فيه ويحل وينقض المفتــول
أنا منهو على درب المراجل .. يسحبه خـاله
:
أنا منهو عشق لعب القوافي داخل الزهمول
وانا من جبر كسور القصيد ... وقام يبراله
:
أنا من طوّح سيوف النشامى سيفه المصقول
الى من قال : ( خلوها ) سرى ياليل مواله
:
أنا ماحلحلو حيلي ولوهم حاولوني حول ..
أحلّ احيَلّ من حاول معايه .. يبلش بحاله
:
وش المعقول ؟ لاقالو تقول اللي مهو معقول
كثر ماقيل ذا قولي .. ولا قبلي ، أحد قاله
:
قصيده لو عرضتوها على ( صياف ) وشبيقول....؟
اذاهي طافت ( حبيّب ) ولامرت على باله
:
وانا فالملعبه تطلع علومي والحديث يطوووول
ولكن من يبي يلعب معايه يفهق عقاله !!..



الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

[align=center]زمان المهزله





يقولون الخوي : رجلٍ تجيـه بساعـة الشـدات
وانا اقول الخوي : رجلٍ الى من ضـاق ماجانـي

لانـه خابـرٍ عسـر القوافـي يجبـر الابيـات
لذلك يحسـب حسـاب المعانـي يـوم ينخانـي

خويٍ مادرى .. يسكت ويفهمها .. على ماجـات
وخويٍ لو درى .. يمكن بيلعـن جـد شيطانـي

وخويٍ شايف ويدري .. ولاهو مـدور الـزلات
وخويٍ مايبي يـدري .. ولاادري ليـه عادانـي

ويقولون الزمان اللي تغيـر .. ماهـي العـادات
وانا اقول : الزمن هذا .. خـذا ربعـي وخلانـي

مـع اللـذات بالدنيـا .. تطبـع حبهـم للـذات
تغير كـل مفهـوم الحيـاة ... لجيـب مليانـي

زمن يرفع ثمن حتى الكفن مـن كثـرة الامـوات
قريباً ... نسمع بموضة ( كفن للموت افغانـي i)

عشان ادم غلط يعني ؟؟ نتساهل باكثـر الغلطـات
بـدى يخطـي البنـي آدم بحجـة آدم الجـانـي

محد يذكر أحد بالخير ... غصب الآدمي .. لامات
تشوف الخلق يطرونه ... مع انه مات وحدانـي

بعض هالناس .. ماتسمع طلال .. وماتجي حفلات
وبعد مامات .. كـلٍ قـال : ياخـي كـان فنانـي

اجل لو مات ( ابو لفه) ( عويد) راعي الكسرات
تصير الناس تتسمع : ( علام الـواد جافانـي ii)

زمان المهزلـه .. قلـي : وشمخبيلنـا عاهـات
دخيلك بس لا يطلع .. بعد شارون : ( فدعاني ii)


الشاعرخلف المشعان[/align]