رد: جميع قصائد الداهية المنبر خلف المشعان هنا((النصية فقط))

[align=center]صــــــــدر الشمــــــــالي




يقولون العرب صـــــــــدر الشمالي .. مايضيق بساع

........................................... وانا اقول الصدور اليوم .. ماعادت شمــــــــــــاليه

بدت في داخلي ضيقه عجزت القالها مطــــــــــــلاع


........................................... تغيب . وترجع .. وترجع تغيب ... ومالــــها نيه

عمتني كلمة ٍ جتني . وضقت .. وضاق صـــــدر القاع


........................................... الا يالله لاتجزى غشيم ٍ .. قالــــــها فيـــــــــّــه
لهو صفاع .. ياربي .. ولاهو للعرب نفـــــــــــاع


........................................... بلاني وابتلى حاله ... وبعض الناس مــــبليــه

نهيته قبل هالمره .. يخلي سيرتي .. مـــــاطاع


........................................... الا يالعنبو جــــــــــد القصيد .. ولعنبو بيه

ضعيف النفس ( نسونجي ) يشوف بعينه الاطــــباع


........................................... يحسبني مثل ربــعه .... يسوق بضاعته لــــــيه

انا اشري .. لابغيت اشري .. ولاني مساوم البياع


........................................... الى من قاللي ميـــــــــه .. عطيته فوقها ميه

انا اكتب .. لجل من يقرا .. ولاارجي من يقول ابداع


........................................... وابد لاتحسبن مثلك يشكلي أهمـــــــــــــــــيه

ترى ياهيه .. لامني نويتك .. بس اطــــق اصـباع


........................................... يجيني الف شيطان ... ووراهم الف جنـــــــــيــه

أجرك من طرف حرفك .. وارد الصــــــــاع مية صاع


........................................... جنون القاف ... ارقصها ... على راسك .. هجائيه

يويلك لو توليتك .. وربي .. مالك الشـــــــفاع


........................................... يجيك من القصيد .. احسب ...... 300 ،،، 300

ولكن .. خلك بحالك .. مادام ان الصدور وســـاع


........................................... ترى للحـــــــــــــين ماضاقت ولسعها .. شمـــاليه






الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]
كـــــــــــابوس





هــــــزني شــوق المعـــاني .. ماعلي من الملامــــــــــه


...................... لهـــــف نفسي .. للقوافي .. لهــف خيٍ جاه خـــــيه

إن نسى ياقف بوجــــــــهه .. قال : عز الله مقامـــــــــه


..................... وإن وقفله .. حب راســـــــه .. احترام ومـــقدريـــه

ماقصــــدت يقال .. شاعر .. ويتفنن .. في كـــــــــــلامــه


..................... موهـــبه من فضل ربي .. ســـــــاقــها الرحـمن لــيه

ماتفاخر بالقصـــــــيد .. ومـدّعي .. فـــيه الزعــــــــامه


....................... مير جيت من الأخـــــــير الياالصفوف الأولــــــــيه

لي هيامي .. في الخيال .. وكــــــــل شاعر .. له هيامـــه


....................... والشعر مابه كــــــبير .. ولاصغير .. ولااقدمــــــيه

من بكم يحضــــر قصيده .. ياجماعه .. في منـــــــــــــامه


....................... ماتحدى .. ميــــــر والله يانها صـارت علــــــيــه

زارني شـــــــيخ .. بمنامي .. ( محرم ) ولابـــس عمـــامه


...................... دق صـــــــدري .. في ( عصاه ) وقال : جايبلك هديه

قلت : وشي ؟؟ قال : هذي !! قلت : وشـــــي ؟؟ قال : خامــه


...................... فلها واكـــتب علــــــــيها .. قلت : مافيهاأذيــه

قال : أبدا لا تـــــــــخاف .. وقلتله : مع الســـــــــلامه


.................... وقبل يمـشي .. هز كـــــتفي ... قــال : عندي لك وصيــه

اكتب اللي انت شفته .. ماعليـــــــــــك من الملامـــــــه


...................... راح تطـــــــــلعلك .. قصــــيده .. تستحق الأفضليه
وصــــــد وجهه .. راح يمشي .. وقمت افكــــــر في كلامــــه


..................... كيف اخــــلي هالقصـــــــــيده .. في منامي واقــــعيه
يوم فليــت القماشه .. فرفحت .. مـــــــنها .. حــــــمامه

...................... وقـــمت اصفق من منامــــــــي للحلوم الشــاعـــــريه




الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center] فكرة قصيده





رآني ميتاً فبكى .. واستيقظ من المنام.. وتذكر رؤياه فبكى ...



ثم حدثني عن رؤياه وبكى ... ثم حكـــــــــــــى :


هذه الرؤيا تصلح فكرة قصيده ...


فقلت :

إذاهي . بس على ( فكرة قصيده ) جبتها مزريت

‍!!!!!!!!!!!!!!!!!!!!!!!!! ولكن البلا حلــمك غريب وهدلي حيلي


طبيعي تبكي عيونك ، مدامك شفتني به ميـــــت

!!!!!!!!!!!!!!!!!!!!!!!! ولكن وش ورى دمعة عيونك وانت تحكيلي


اذاهو خوف .. لاتقلق !! هذاني عايش ولك جيــت

!!!!!!!!!!!!!!!!!!!!!!! بدل ماتفرح بشوفي .. أشوفك صرت ترثيلي


تبي مني أفسرلك !! وهذا هو هــــدام البيت

!!!!!!!!!!!!!!!!!!!! يويلك لو بفسرلك .. وانا والله يـــــاويــلي


أنا مقدر افسرلك وانا ادريبك علي اخفيـــت

!!!!!!!!!!!!!!!!!!!!بقايا احداث من حلمك ، واهم اشياء تعنيلي


انا مقرا على الظلما . ولاعندي سحر عفريـــت

!!!!!!!!!!!!!!!!! ومدام انك شربت الما .. وش اطبخ في معاميلي


ألا ياعز من شفت ، وعرفت ، بهالبشر واغلــيت

!!!!!!!!!!!!!!!!!!! لنفرض .. مت انا فعلاً .. دموعك وش تسويلي



سواءً حلم أو واقع .. مصيري يبن ابويه ميــت

!!!!!!!!!!!!!!!!!!! وصاتي بس لاتنسى ... بعد ماموت تدعيلـــي



الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

الغيـــــــــــــــاب




قالت : وشاحلى مايقول المحبين ؟
..............................ساعة لقاهم بعد غيبه طويله

قلت : اصبري ، قالت : انا اقولك زين ؟
............................. قلت : اتمنى ماتكوني بخيله

قالت : عسى موتي على يديك هالحين
............................. ان كان قيلت بين خل وخليله

قلت : احبكيها صح ياقرة العين
............................. قلبي يبيها صدق تشفي غليله

قامت تفكر !! قلت : يالله ، وبعدين
........................... كن اصبعك طوّل بلفّ الجديـــله

! قالت : كليب !! وقلت : خير ! شتِقولين
............................. قالت : رجع !! وشو شعور الجليله



قلت : اليمامه ! ماهي اقوى تحسين ؟؟
............................. من يوم غاب جبير صارت هبيله

وشبك سكتي ؟ ليه قمتي تلفّيــــن
........................... قالت : اخاف ان قلت تطلع ثقيله

أخاف اقول وكلمتي تجرح الدين !!
.............................. واشيل ذنبٍ مقدر اني اشيله

استغفر الله وين وصلتني ويـــــــن ؟
............................ وانت تعرفني والاصيله أصيله

ضمت يديني .. قلت: توك تحنيــــــن
............................ قالت يدينك بس ؟ هذي قليله

يوم احضنتني * دمّعت ، قلت : تبكين
............................ قالت : اظن الدمع (أصدق وسيله)

ردّت ، وقالت : وشعذاب المحبـــين
........................... قلت : الغياب ! وفي عيونك دليله





الشاعر خلف المشعان

رد: جميع قصائد الداهية المنبر خلف المشعان هنا((النصية فقط))

[align=center]نعم مغرور .
.
.
. تقول: الله يالدنيا ‍!! غدى شاعر ، وله جمهـور

............................ واقول : انتي قبل تطلع جماهيري تعرفيني


أنا ماني مثل نايف ، ولاضيدان بن منصـــــور

............................ صحيح اني على قدي ، ولكنك تخبــريني


نسيتي يوم جبتيلي قصيده كلبوها كســـــــور؟

.......................... نسيتي قبل اخليها ( قصيده ) وشعطيتيني


صدق من قال : هالدنيا تدور وتكشف المستــــور

......................... ترى ماقلتها لحـّد ولكــــــنك جبرتيـــني


انا ماسعى ورى الشهره . ولكني ! خطفت النـــور

......................... كثير اللي عشق شعري مثل مانتي عشقـــتيني


نعم مغرور ياهبله ! ( على مثلك ) نعـــم مغرور

.......................... واذا لك حاجة عندي خذيها لاتغثـــيـني


ومادامك تعرفين اني غديت الشاعر المشــــهـــور

........................ أجل لاتشرهين اني أعرفك . لو صدفتيــني







الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]قصيده مالها داااعي


هنا أوضاعي .. / .. هنا أوجاعي. / . وهنا أطماعي فبعض أشياء

/_\/_\/_\/_\/_\/_\/_ هنا ـ وكل ماهنا يعني ( قصـــيده ) مالها داعي.!

:
:
:

يـ سيدي كل ماحاول أصححها >>> تزيد أخطـــاء x x x !!

/_\/_\/_\/_\/_\/_\/_ ولا في بيت تستجري . حــروفه . تكـــسب اقنااعي

:
:
:

وش اكتبلك ؟؟ وانا خــايف . بعـد مكتب. من الامضـــاء ..!!

/_\/_\/_\/_\/_\/_\/_ تحت ( صدق ) اعترافااااات القصـــيد . بمحضر ابداعي

:
:
:

وش اكتبلك ؟؟ وانا عــاجز أحس .. برغـــبة القرااااااااااااااااااااء

/_\/_\/_\/_\/_\/_\/_ وش اكتبلك ؟؟ ( واشاعات الخـــليقة ) تلوي ذراااااااااااعي

:
:
:

كرهت الشعر .. واتعبني المديح ... وغـــثني الاطـــــراء !!

/_\/_\/_\/_\/_\/_\/_ وصلت .. أعلى الهـــرم يمكن ..!! ولكن وينها اتباااااعي ؟

:
:
:

فهــد ــ عايد ــ عـلي ــ زايد .. كثير أسمــاء ....!!

/_\/_\/_\/_\/_\/_\/_ هنا كانت مشاعرهـم . تضــج . وتطرب اسماااااااااااااعي

:
:
:

هنا .. شاف الولد نفسه ( وشــاعـ ) وعشمووه ( براااااااااااء )

/_\/_\/_\/_\/_\/_\/_ وهنا ( ضاع ) وبدى يكــتب قصايد مالهاااااااا داااعي





الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]ضعيف الحرف



رشيق الحرف / والمعنى العميق / وروعة التصوير ّّّّّّّّّّّ...
ربيع الشعر / وشهور الربيع / وريحة أزهاره
:
قصيدي / ياقصيدي / ياقصيدي / ماتبي تفكير
... شف اللي مانكتب فيه .. وتمهل وانظم افكاره
:
بلاش تدوّر .. وعندك .. حـــكاية .. عــمنا تيسير
... تراها .. تنفع .. ويمكن تفوز ... وتقطع الشاره
:
وترى فيها حِكم واجد .. .. ولا يبغالها تفسير ....!!
... .معك واحد خلاص امش وبسيطه تدبر اصفاره
:
حكاية عمنا ..ركـّـز :
( حقيقه ).. نصفها ... ( تــــزوير )..!!
... ولكن نصفها الآخر .. خطير .. !! وتلسعك ناره
:
يقولون الرجل هذا ..... فقير ويشتغل .. كاشير
... معاشه كله( 2000 ) ويقاسط دين سياره
:
وعلى هالحال ذا راضي يحب ايده يقول ابخير
...رضى في قسمته ... واللي كتبه الله .. واختاااره
:
فهمت الحين مدخلها ... ؟؟
تعال .. اعــَـلِّــمـِـك .. شيصــــــــــــــــــير ..!!
... مع اللي كان كاشير .. وتهمه لقمة صغااااره ..
:
بعد احداث سبتمبر .. تعلم .... لهجة التنظير
... ونشب في لوح تاريخ العروبه ... راس مسماره
:
كتب عن صحوة الكذب وكذب واجد وصار كبير
... وبنى من كذبته ( عشرة ابيوت ) .. وعمر عماره
:
تطاول حيل ... واتعدى الحدود .. بحجة التغيير
... وتحول أول بيوته ....أخير .. وماهي بشاره
:
ضعيف الحرف .. والمعنى السخيف .. وشاعرٍ سكير
... خريف الشعر واسقاط الشعور وطيحة أشجاره !




الشاعرخلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center][bor=FF0000]وجهة نظر تخصني


ماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافر
:
:

معذور ابو طارق .. ولا هو .. بمعذور
حنا العرب ... مبطي نعـيش .. بتنافر
:
:

مهما بلغ صدام .. من مبلغ الجوووور
ياناس .. لاتنسون .. للذنب .. غافـر
:
:

صدام مسلم .. إيه مسلم .. ومكسـور
وجه الفضيحه .. ياهل العــرف سافِر
:
:

والله .. مايدرى على منهو .. الدوور
اللي وقع .. في حفرته .. كان حافـر
:
:

أكبر مصيبه .. للعرب طيحة الثوور
على الأقل ..ينطح .. ويقدر .. يعـافـر
:
:

وماهي بشاره .. لو زعل .. عارف سرور
شوفة عزيز ٍ .. ذل .. بيدين .. كافـر


الشاعر خلف المشعان[/bor][/align]

رد: جميع قصائد الداهية المنبر خلف المشعان هنا((النصية فقط))

[align=center]حامض حلو



ريق الغالي قمردين .. حامض حلو يحلولي
.... حامض حلو يحلولي .. ( طورتها ).. يحلالي
: : : :
( يام الدشداشه النيلي ) .. قولي معايه قولي :
.. ويلي علي اللي ولّى .. / .. من ليلنا والتالي
: : : :
حيل الصبر متهدهد .. .. والاولين اهدولي
.... ( عد رجالك وارد الما ) .. وانا وردت لحالي
: : : :
يوم التفتّ ادوّر منهو بهم ... من حولي ... ؟
... مال الهشل ( يا ... )..... ماشفت ، غير ظلالي
: : : :
ياناشدٍ عن حزني .. طولي .. ولا هو .. طولي
... ليته يموت بصدري ../ .. خايف يطول عيالي
: : : :
درب الأمل متصدع .. / .. حفيت عليه رجولي
.... واللي قبل يتبعني .. طال ../ .. وغدى يبرالي
: : : :
كل مابغيت حمولي .. تنقص .. / .. تزيد حمولي
.... وكل ماتميل الدنيا .. / .. لازم يميل .. عقالي
: : : :
أضحك واشيل عدولي .. قبل تطيح .. عدولي
... لو الزمان يعاند .. / .. عندي بعد .. من حالي
: : : :
وارجع على يحليله .. والا ّ .. على يحلولي .. !
... ( مندل يكريم الغربي ) .. / .. ماعيبت ، شمالي


الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[bor=FF0000][align=center]وقصيدته في خواله شمر ووفاة الشاعر المرحوم / طلال الرشيد


وكانت وفاة الشاعر / طلال الرشيد مع خبر اعلان وفاة الفنانه ذكرى

والقى خلف المشعان قصيده يرثي طلال الرشيد



[frame="2 80"]
كل مقال .. له مقام ../ .. وكل مقامٍ .. له مقـال
والمقال اللي قريته .. شيـئ ماهـو .. منطقـي
كنت باسوأ حال.. لكن ..!! صرت أكثر سوء حال
من قريت العلم الاقشر .. مات حبري .. بورقـي
من نثر دمع الطنايا .. من حـرق .. دم الخـوال
عبرة الحزن المؤكد .. لو سمحتـي .. انطقـي
موت ذكرى .. ياآوادم .. مايقارن مع .. طـلال
وش يجيب .. الدمبكيه .. جنب .. رجـالٍ تقـي
وش يجيب اردى العذارى لااطلق وجيه الرجـال
بعدها مليون يطلع .. ميـر بعـده .. وش بقـي
موتها واستغفر الله عن بعـض كلمـه .. حـلال
الحرام يموت فارس .. موت .. ماهو .. منطقي [/frame]

الشاعر خلف المشعان[/align][/bor]

رد: جميع قصائد الداهية المنبر خلف المشعان هنا((النصية فقط))

[align=center]صح السانك والسان الشاعر خلف المشعان

شكراً لروعة نقلكــ[/align]

رد: جميع قصائد الداهية المنبر خلف المشعان هنا((النصية فقط))

[align=center]قصيدة خلف المشعان عندما شارك بشاعر المليون

ماكنت ابدخل في سباق الإمارات
.......................وهذي السنه ماكان لي فيه نيـه
متسلطن بين الحفـر والقريـات
.......................ونفسي بعز عيال وايـل غنيـه
لكن حدوني قـول لاواحلـولات
.......................مـن لابـة دوم يتحـدون فيـه
قلت ابشروا ماهي خراط وهوالات
.......................ترقبونـي قبـل عيـد الضحيـه
إن كانها بالشعر وجزال الأبيـات
.......................تطمنوا حبل الرسن فـي يديـه
وإن كانها دعم وتحدي بالأصوات
.......................فخذين من ربعي تحسم القضيـه

أهل الكويت أهلي:

قل للضعـوف اللي تطــوف الدواوين
،،،،،،،،،،،،،،،،،،،،،،،،،،،،،،، أشغلهم الله قصدهم يشغلوني

سنّو علي من السوالف سكاكين
،،،،،،،،،،،،،،،،،،،،،،،،،،،،،، وماضرو الا حالهم ،،،،، وانفعوني

خلف خلف مايخــتلف يامسـاكين
،،،،،،،،،،،،،،،،،،،،،،،،،، شــريا ،، تهزون شعره .. من جفوني

ياهيه .. رمش العين مايطرف العين
،،،،،،،،،،،،،،،،،،،،،،،،،،،،،، أفدا .. عيون اهل الكويت بعيوني

أهل الكويت أهلي من اول وهالحين
،،،،،،،،،،،،،،،،،،،،،،،،،،،،،، ماارخص معزتهم .. ولَا يرخصوني[/align]

رد: جميع قصائد الداهية المنبر خلف المشعان هنا((النصية فقط))

[align=center]قصيدة خلف المشعان عندما شارك بشاعر المليون كاملة



ياعيال وايل.. مات وايل ولا مات
العز باقي ما خذته المنيه
يشهد لنا الحاضر قبل ماضيٍ ٍ فات
سلمت أنا وإلا نسيت التحيه؟؟
مساكم الله بالفرح والمسرات
ياحي والله هالوجيه الرضيه
العفو.. أنا لاجيت ماهي جمالات
حق ٍ لكم مني وواجب عليه
ماهي كثيره لا قطعت المسافات
أثبت وفايه للرجال الوفيه
من لا يجمل لابته بالمهمات
تحرم عليه العزوه الوايليه
لا خير في طير ٍ به الصيد خمات
نوب بغزال ونوب يرجع بحيه
أنا لكم يا لابتي كل الأوقات
وأنتو بعد لا قصر الوقت ليه
كان الحميه بالقصايد والأبيات
تأكد أن ما براسي حميه
وكان الحميه طيب موقف وفزعات
عز الله إني دون كل السميه
ماكنت ابدخل في سباق الإمارات
وهذي السنه ماكن لي فيه نيـه
متسلطن بين الحفـر والقريـات
ونفسي بعز عيال وايـل غنيـه
لكن حدوني قـول(( لا..واحلـولات((
مـن لابـة دوم يتحـدون بيـّه
قلت ابشروا ماهي هياط وهوالات
ترقبونـي قبـل عيـد الضحيـه
إن كانها بالشعر وجزال الأبيـات
تطمنوا حبل الرسن فـي يديـه
وإن كانها دعم وتحدي بالأصوات
فخذين من ربعي يحسم القضيـه




الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center]

سرقه، الشـآي




شرع شبابيك القلق واشهق النـاي
وازفر مع الحان المفارق .. غلايه
ماني ولد نعمه .. ولا ني ولد هاي
رجل ٍ صدوق وراس مالي .. وفايه
كنت احسب اني قيس واقول ليـلاي
ماحدٍ دخل في قلب ليلى .. معايـه
ناديت لي فجأه .. وجيتك من اقصاي
قلت العلاج ... و ( .. ) أم الوقايه
ظامي حنانيه وجيت اسحب خطـاي
من كل عقلي .. قلت ابروي ظمايه
لين اكتشفت انك مثل كاسة الشـاي
يشرب بها .. مليون .. واحد ورايه
والله ماتسوى مع القاع .. ماطـاي
ولا سهر .. عيني .. وباقي ..شقايه
الله يسامحني .. على .. تيهة الراي
فعلا خطايه .. !! واتحمل .. خطايه





الشاعر خلف المشعان[/align]

رد: جميع قصائد الداهية المنبر خلف المشعان هنا((النصية فقط))

[align=center] موجـز اخـبـآريـ



حَكَوْ .. مات الفلس .. لكن أشوف ان الفلـس مامـات
مدام اكثر شعوب الشرق الاوسط .. للأسـف ضـاري




أسف ماهو على ذنب وخطايا .. لأ .. أسف حسـرات
.... اخاف أتجرّأ ..ويجري عليّه .. ماجـرى لجـاري



لنا بامجادنا مغنـى ..... عـن الصـولات والجـولات
. تكى كلٍ على مجده .. ولحـدن عـن .. أحـد داري


على قول البدو ( هي هي ) .. سوالفنا عن اللـي فـات
نعيش بعزة أسـلاف ٍ .. تطيـح .. بموجـز اخبـاري


" فتاةٌ .. تغتصب بارض العراق " .. ونحسن الانصـات
.... نتابع باقي الموجز .. تقـل ... ماللخبـر طـاري


بعدها .. نقلب الموجه .. ونسكت .. ( مالها الا سكات )
اساسا لو ( صلاح الديـن ) عايـش يسكـت اجبـاري


وش يسوي .. مع امريكا ... ؟؟ وهو قائد بـلا قـوات
اذا .. حال العرب .. بنتٍ تغشى .. وجسمهـا عـاري


تحالفنا علـى الدجـه .. وغنينـا علـى ( الجيجـات )
. يطل الصبح .. ماطل .. وسهرنا الليـل ( قمـاري )


عرب سات / وعرب شات / وعرب تطرد ورى الستات
وعرب الهتهم أسعار التداول .. واسـر ياسـاري ..!!



الشاعر خلف المشعان[/align]