[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="double,4,gray" type=3 line=0 align=center use=ex num="0,black"]
هذه قصيده اعجبتني للشاعرالكبير البحر الميت=
عبدالله باتل =
وارجو ان تحوز على رضاكم =[/poem][poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="double,6,seagreen" type=1 line=0 align=center use=ex num="0,black"]

البارحـه ليلـي همـوم وكوابيـس =وابعد من الجـوزاء علـي الوناسـه
ماغير انا والليـل والثالـث ابليـس =كلن علـى الثانـي يبيلـه رياسـه
مدري ظروف او حب ولا هواجيس =والا الثلاثـه كلهـن فـوق راسـه
اون عقلي صايـرن فيـه تنكيـس =وللعقل في بعض الامـور انتكاسـه
يا لايمي لاتلومنـي قبـل ماتقيـس =والـلـوم للمـيـس يزوّدبيـاسـه
والشمت طبـع للرجـال الهلابيـس =اهـل الهـدف والنمنمـه والبلاسـه
وانا معي عقل ومشاعر واحاسيـس =وعيون واخـلاق وقلـب وشراسـه
لكن حصلي من زمانـي عواكيـس =وعجزت هذا الوقت لا اعرف لناسه
هـذا يموهـا بـهـرج تمالـيـس =وهـذا يتجاهلهـا عنـاد وخساسـه
وهذا يغـرك مظهـره بالملابيـس =وهذاك يلبس لبـس ماهـو لباسـه
وهذا تذعذع لـه هبـوب النسانيـس =وهـذا تقـل امغمغملـه بطـاسـه
واليا حصلك من زمانـك كعاميـس =اصبر وللصبـر الجميـل انعكاسـه
تدرسك دنياك مـن غيـر تدريـس =ماهو لـزوم انـك تـدرس دراسـه
وللناس بالدنيـا حظـوظ وقواميـس =اللي غرف بـدرام واللـي بكاسـه
وناسً تهجس في غثى الوقت تهجيس =ونـاسً تسايسهـا وتاتـي سياسـه
وناس تبي عرشً مثل عرش بلقيـس =وناسً تبي لو يـوم فرقـا التعاسـه
وترى الردى لو فيك سوى نواميـس =ينقد علـى نفسـه ويرجـع لساسـه
والتيس مثل العنز كان انخصى التيس =والتيس ماهو تيـس لـولا التياسـه
قنعت واقنعنـي كتـاب الوساويـس =لكن عقب ما صرف شيك الفلاسـه [/poem]