نعم الف مبروك الزيادة 40% في اسعار الحديد بالأمس فقط انهالت الفاكسات على محلات توزيع حديد التسليح لتطير بالاسعار

من 2600 للطن الواحد

من فئة 14 و 16 ملم الى

3150

على الرغم انها كانت قبل شهر فقط

2400

يعني 700 ريال

فقط خلال شهرين

اما فئة 8 ملم فكانت

2640 ثم صارت

3050 ريال

ثم كانت الحفلة الهيسترية بالأمس

لتطير الى

3600

يعين 900 ريال في شهرين فقط

لا وش شهرين !!!

الا شهر واحد فقط

هلا والله ومسهلا

جالسين نعمر بيوتنا

ومتدينين سيارات واسهم

ورواتبنا راحت اقساط

وماكلين تراب مخلوط بتبن

وما ننام الليل من كثر من نجمع ونطرح

وآخرتها تقص ظهورنا هذه الزيادات الله يقص ظهر من وافق عليها تحت تريله مليانه حديد

يا ناس قسم بالله حرام والله حرام

يعني لازم ننسرق كذا

ما فيه احد عاقل نشتكي له

ليه هذي الزيادات وخلال شهر فقط من الي يرفع الاسعار الله يرفع ضغطه لين تتفجر عروقه

وش جالس تسوي يا وزير التجارة

انت وزير وما انت قادر توقف هولاء الوحوش عند حدهم

قبل اشهر قال لي احد الزملاء عنده تريلات ينقل قوالب حديد من المخازن الى المصانع في الرياض يقول : يا ابو فلان فيه شئ غريب

علينا ضغط شغل غريب ما مر علينا قبل كذا

شكلهم ناوين على شئ اشتر حديدك بسرعة قبل لا تتورط ترى ما عندك احد ولا احد داري عن احد ولا احد مهتم من احد

يا ناس ان شكلي انهبلت ولا صار لي شئ

قبل شوي اتصلت ابغا حديد ابصب العمدان اخبرني بالتسعيرة الجديدة بغيت تجيني جلطة

( جعل من رفع التسعيرة بالجلطة ) بغيت امحط الهندي المقاول بالمرابيع هو ماله ذنب بس من القهر ما ادري ايش اسوي

الله لا يوقفك ولا يربحك يا وزير التجارة ان كنت داري عن الموضوع وساكت تحرك الله يرحم والديك قبل لا نشحذ بالشوارع

اخ يالقهر اليوم برد بس انا حرارتي H
منقول من أجد المنتديات وهناك تحفظ ولكن ننتظر تأكيد الحقيقة منكم يا أهل العمائر