[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
هذي أبيات من قصيدة طويله =
قالها الشاعر=
بركات الشريف ينصح ولده مالك=[/poem]
[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=0 align=center use=ex num="0,black"]
يا مرقب بالصبح نطيت راقيك = ماواحد قبلي خبرته تعلاك
وليت ياذا الدهر ما اكثر بلاويك = الله يزودنا السلامة من اتلاك
ياللي على العربان عمت شكاويك = وليت يا دهر الشقا ول مقواك
واليوم هالكانون غاد شبابيك = تلعب به الارياح من كل شباك
يامالك اسمع جابتي يوم اوصيك = واعرف ترى يابوك بامرك وانهاك
وصية من والد طامع فيك = تسبق على الساقة لسانه العلياك
اوصيك بالتقوى عسى الله يهديك = لها وتدركها بتوفيق مولاك
الله بحق اجدادك الغر يعطيك = مرضاته مع ما تمنيته من امناك
اجعل دروب المرجله من معانيك = واحذر تميل عن درجها بمرقاك
لا تنسدح عنها وتبغيني اعطيك = جميع ما يكفيك ما حاصل ذاك
واحذر تضيع كل من هو ذخر فيك = معروفه لا تنساه واوفه بعرفاك
ترى الصنايع بين الاجواد تشريك = اليا طمعت بغرسها لا تعداك
واحذر سرور بغبة البحر يرميك = ولا عنده افلس من تشكيك وابكاك
واوف الرجال حقوقها قبل تاتيك = لا توفيه بالقول فالحق يقفاك
وهرج النميمه والقفا لا يجي فيك = واياك عرض الغافل اياي واياك
تبدي حديث للملا فيه تشكيك = وتهيم عند الناس بالكذب واشراك
واليا نويت احذر تعلم بطاريك = كم واحد تبغى به العرف واغواك
واحذر شماتت صاحب لك مصافيك = واليا جرى لك جاري قال لولاك
ولا تحسبن الله قطوع يخليك = ولا تفرح ان الله على الخلق بداك
الضيف قدم له من حين يلفيك = مما تطوله يافتى الجود يمناك
اكرم قباله فانها من شواديك = وابذل له المجهود مادام يعناك
احذر تلقى الضيف مقرن علابيك = خله محب لك صديق اذا جاك
واوصيك زلات الصديق ان عثا فيك = مازال يغطاها الشعر فاحتمل ذاك
راعه ولو ما شفت انه يراعيك = عساك تكسر نيته عن معاداك
واحذر عدوك لو ظهر بي يصافيك = خلك نبيه وراقبه وين ماجاك
لا تامنه واطلب من الله ينجيك = ولكفيك ربك عن شر ذولا وذولاك
شفني انا يابوك بامرك وانهاك = عن التعرض بين الاثنين حذراك
اذا حضرت اطلابه مع شرابيك = اسع لهم بالصلح واللاش يفداك
ابذل لهم بالطيب ربك ينجيك = ولا تجضع الميزان مع ذا ولا ذاك
اما الشهاده فادها ان دعوا فيك = بين عمود الدين لا عميت ارياك
واحذرك عن طرد المقفي حذاريك = عليك بالمقبل وترك اللي تعداك
ثم العن اللشيطان الياه يغويك = ترى ان تبعته للشرابيك وداك
والطف بجارك وقم من دون عانيك = وافطن لما يغنيك عن ربعة اخواك
ياذيب وان جتك الغنم في مفاليك = فاكمن الين ان الرعايا تعداك
من اول ياذيب تفرس باياديك = واليوم جا ذيب عن الفرس عداك
ياذيب عاهدني واعاهدك ماارميك = ماارميك انا ياذيب لو زان مرماك
والنفس خالف رايها قبل ترميك = ترى لها الشيطان يرمي بالاهلاك
ومن بعد ذا لا تصحب النذل يعديك = وعن صحبة الانذال حاشاك حاشاك
ترى العشير النذل يخلف طواريك = وانا ارجي انك ماتجي دون اباك
والهقوة انك ما تجي دون اهاليك = ولاظن عود الورد يثمر بتنباك
والحر مثلك يستحي يصحب الديك = وان صاحبه عاعا معاعاة الادياك
لا تستمع قول الطرف يوم يلفيك = بالكذب يقضي حاجته كل ما جاك
من نم لك قد نم بك ولا فيه تشكيك = وايلاه قد ازرا رفيقك وازراك
عندك حكا فينا وعندي حكا فيك = واصبحت كارهنا واحنا كرهناك
ما اخطاك ما اصابك ولو كان راميك = واللي يصيبك لو تتقيت ما اخطاك
مير استمع مني عسى الله يهديك = النصح يامالك لك الله المولاك
عندي مظنة ما تمثلتها فيك = واطلب لك التوفيق من عند مولاك[/poem]