[poem=font="Simplified Arabic,5,white,bold,italic" bkcolor="transparent" bkimage="backgrounds/28.gif" border="double,4,darkblue" type=1 line=1 align=center use=ex num="0,black"]

تـدللي مافيه مثلك مع الحـور = على مقاسك فصليني معاني
كلك نظر 00 كلك أحاسيس وشعور = ولك يارفيع الذوق صادق حناني
مدام قلبي عن مفاتنك مغرور = قولي لكل الناس شاعر وأناني
أصدق حروفي تنكتب لك على الفور = تسابقت لك بالغلا والتهاني
لافاح عطرك ينجلي كل ديجور = صوتك لحن مسكون سحر وأغاني
كل المعاني ماتجي حفنة سطور = لو أتناسى : ود شوقي دعاني
ياجوهرة وسط المحيطات وأبحور = الخافي أعـظم لو دخلتي كياني
أن غبت عني همت بك تقل مسحور = وأن مرني هوجاس طيفك خذاني
بك حس باذخ ينكسر منه النور = وبك غي ماهو في جميع الغواني
ترقص لك الفكرة وأنا أكتبك مجبور = بأجمل قصيدة ماتجي بالاماني
حتى الشعر لامر طاريك معذور = لك ينـتـثـر شـوق وحنين ومعاني
غلاك شــّـيـد بالحشا عدة قصور = بين النفل والكاد والقحوياني
تعال وينك ؟ غايب أيام وشهور = أقلط بقلبي ضيف بين المحاني
القلب بيتك والوفا ورد منثور = شوفك دلالي والغلا زعفـراني
والخاطر اللي من تجافيك مكسور = تجـِـّبـرة كلمة منك : قلها عشاني
مدام أنت أوفى بشر وأصدق شعور = وعن الجفا يكفيك عثرة زماني
فيني غبا مفضوح وأمعاندك زور = أفرح معك وأزعـِْـلك بين الثواني
ولو أني أعـطي خافقي عصمة الشور = تلقين طبعي عكس منطق لساني[/poem]


[align=center]
الشاعر ( منصور الرويلي ) [/align]