[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو مات راع الطيب مامات طاريـه = والا الردي طاريه ميت وهو حـي
مرحوم ياللي له مواجيـب تحييـه =وسط المجالس سيرته ترسل الضي
من بعد متعب مابقى حـي نبكيـه =كن البشر من بعد موته ولا شـي
من طيب ساسه شامخاتً مباديـه =ومن طيب رأسه مامشى سكة الغي
اللي علوم الطيب حاضر لماضيـه =له حكمةٍ مضمونها ماهـو شـوي
متعب مدار الفكر هاجـس معانيـه =صورة خياله فيها الابعـاد تشفـي
صفحة بيـاضً عطرتهـا قوافيـه =على الوفا ماهي خيـالات منفـي
له سيرةٍ مابيـن ربعـه واهاليـه =بصدورنا لو غاب تبقى كمـا هـي
وله صورةٍ مافارقت عيـن مغليـه =رغم الفراق اللي كوا مهجتي كـي
ياوجد حالي وجد من غاب غاليـه =وجد الذي ذاق المراره وهو صِْبـي
راضي على المقسوم والوجد طاويه =همه طواني وانطوى داخلي طـي
يالله ياعـلام .. ماكـان نخفـيـه =لك أبتهل وادعوك وارفع لك أيـدي
يارب تلطف به وترحـم وتنجيـه =وتجعل مقره بين الانهـار والفـي
وتجبر عزا عودن بعيـده هقاويـه =ياكاتب الآجال .. يالدايـم الحـي [/poem]


[align=center]منصور الرويلي[/align]