|
رد: ((ديوان الشاعر:مـعـيـض بن عـريـفـج))
��
ياكثرماصبرصبرالاشجاربالقيض اللي الهبايب والسمايم تلوعه القيض نجض عرقه الحي تنجيض واقفا الثراء وسهيل ريض طلوعه وان دخنت في ساعتن تنجض البيض يموت واقف شامخاتن فروعه ابين البسمه وانا ممتلي غيض لو ان قلبي يابساتن جذوعه غمضت عن سيرة خطاء العي تغميض تركتها حشمة شوارب ربوعه اخاف من قولة افا جت من معيض ماهي من افعاله ولا من طبوعه النفس اروضهاعن الزوم ترويض إلين تصبح بالمقدر قنوعه وحزام ابن عمي بوجه المباغيض ودرع ن لجنبه كان قلت فزوعه لكن شفنا بتالي الوقت مايغيض راح التواصل وعقبته القطوعه وضع علاجه صعب من غيرتعويض يصعب على الدكتور لو. حب كوعه الشاعر / معيض بن عريفج |
رد: ((ديوان الشاعر:مـعـيـض بن عـريـفـج))
ايوه الشعاروالنقاد والمتذوق
اعطو الشاعرعلى قده وقد طروقه قولة ن لله درك شاعراًمتفوق لاتقال الا لمن يرقا الشعر في ذوقه كان جاب البيت بالماس الفريد مطوق مرتب أبياته بلوحة درةً منسوقه صورة تحمل صفاة الأصل وصف مشوق كانك بعينك تشوف الاصل من منطوقه كان حول في سماء الشعرالجزيل متوق مثل حراً شاف خرب ومطلقات سبوقه وشاعراً بيته يجي احدب ظهر ومعوق ويحسب انه شاعراً مافيه شاعر.فوقه يشتري من سوق غيره لين صارمسوق لابس ن له مشلحن مقلوبتن مسروقه قولو الله لايهينك اسمع النا وروق انت عاله منت شاعرمفرده مرموقه شاعراًبيته يجي قاصر وبيت مضوق ودك انه قبل لايبدا تحزم شدوقه طبلوله عالم ن مافيهم المتذوق عالم ن ماتفرق السدرة من الرقروقه معيض بن عريفج |
رد: ((ديوان الشاعر:مـعـيـض بن عـريـفـج))
يالشعر ماعاد به شاعر على مستواك.
الاقليلين والباقين مستشعره. الله يعوضك خيرويجيرالله عزاك. النابغة والفرزدق داخل المقبره. ماننكر ان به مواهب بين هذا وذاك موجود جزل الشعرعندالرجل والمره لكن٩٠٪يزيدو غثاك حطاب ضلما يدور له عروق شجره والبلبل يبادل الحانه بغصن الأراك لكن حصان الشواوي مابه الاظهره معيض بن عريفج |
رد: ((ديوان الشاعر:مـعـيـض بن عـريـفـج))
لوكل مايطري على البال ينقال..
يفرح عدوي ويتضايق صديقي... سكرت بيبان النمايم بالاقفال لوكان عميان البصيره تويقي وقطعت عن موجات الإرسال الإرسال وسكرت سماعات صوت الموسيقي نخاف من نقالة القيل والقال.. امروجين الهرج بين الفريقي.. من يطلق لسانه بلاقيدوعقال النفس حملها بمالاتطيقي يضيع حقه ماكسب ربع مثقال يصبح فريسه للثعل والسليقي ونوب.ن.نضن اضنون والضن قتال.. ويطلع غلط ضني وﻻهوحقيقي ونوب الخطاء نشوفه كبرهامة الجال. .من واحد.ن. ماعده اﻻرفيقي... يشب نارآ بالحشاء تشعل اشعال.. من حرها يقصر عن الحلق ريقي... واسكت واعديها على كل ابوحال.. عساه يرجع للصواب ويفيقي... لعلهاترجح موازين الاعمال واكسب رضا راعي الحجاج الطليقي لواني اطارد مضخمت اﻻقوال.. نوب.ن. تجيني طايشه من شقيقي.. .واليا نفذ صبري على كل ابوحال. وعياردي العرف يترك طريقي... القنه درسآ من دروس اﻻبطال.. لين الفضاء قدام عينه يضيقي... امايجي رجال ويروح رجال.. واﻻ ﻻشوفه يعترض في طريقي... معيض بن عريفج |
رد: ((ديوان الشاعر:مـعـيـض بن عـريـفـج))
الطيب بالعالم المترديه مايبين
لوتعطي عيونك الثنتين تذهب سدا ولوانها كلمة ن جزله مع الطيبين يبقالها بين كل الناس صوت وصدا والله واللي نصر جنده بغزوة حنين انانحب الجميل ولانحب الردا والفقرماردنا عن واجب الغانمين نكرم لو انا نتسلف للعشاء والغدا ياهامتي ان كسبتي طيب تستاهلين والياخسرتي ردي جعل الردي لك فدا معيض بن عريفج |
رد: ((ديوان الشاعر:مـعـيـض بن عـريـفـج))
شاعر كبير وقصائدة فوق القمة
تصفحت الديوان واعجبتني الدرر الثمينه التي فيه صح بوحك واحاسيسك يامعيض بن عريفج |
رد: ((ديوان الشاعر:مـعـيـض بن عـريـفـج))
الله يرجع اعضاء المنتدي
|
رد: ((ديوان الشاعر:مـعـيـض بن عـريـفـج))
زلـة الطيب علي اتجاهلها
كان جت مقصوده اوغيرمقصوده اتلمس له معاذير واقبلها حتى لوكبدي من الغيض ملهوده فدوة اللي عقدة الراي يفتلها دائماً كفه على الطيب ممدوده راعي ابشر سم لبيه وازهلها حاجتك لاجيت له قال موجوده زلته لاجاتني. عندي اقتلها بجيش صبراً ندحر ابليس بجنوده ثم اكفنها وابيحه. واحللها ثـم اوديـها مـثلـث بـرامـوده زلــته فـي طـيـباتـه نــبــدلـها ونرفع البيضا على اشعار والسوده وكان جت من شين مبدا وطولها واحدن معه الاحاسيس مفقوده الـرزالـه مـن مخـابيه يـنسـلها وارثٍ علم الرزاله من جدوده معرفته اشطب عليها وكنسلها اخصره واعطه خروجٍ بلاعوده صد. عنه وشيمتك لاتهملها ولاتعرضها هل النقص والزوده والصدور الضيقه لاتجادلها تطلع في لك قصةٍ غير محموده نوب تسمع كلمةٍ ماتحملها بساعتن قشرا والاعصاب مشدوده قيد رجول الحماقه. وكبلها ثم ميز صادر العلم. ووروده افهم عقول البشر من تعاملها اعط كلٍ قد عقله على موده والله ارزاق المخاليق كافلها والعمر وقت ولياليه معدوده منت فاضي للمهابيل وعللها وكلٍ افعاله لشرواه مردوده طبوع خلق الله ماتقدر تبدلها لوبذل مخترع الافكار مجهوده معيض بن عريفج |
| الساعة الآن 01:25 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.