يازارعين الورد والريحاني [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 22 ]       »     المخالفة لـ رحاب جادد: Spamme... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     جمال الروح [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 119 ]       »     المخالفة لـ مظلات روعه: Spamm... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     السلام عليكم [ الكاتب : معيض بن عريفج - آخر الردود : فارس عنزة - عدد الردود : 1 - عدد المشاهدات : 234 ]       »     ((ديوان الشاعر:مـعـيـض بن عـري... [ الكاتب : نايف النمران - آخر الردود : معيض بن عريفج - عدد الردود : 147 - عدد المشاهدات : 18421 ]       »     تذرف على قلبي من الود قطرات [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 276 ]       »     المخالفة لـ راما حسين: Spamme... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     توفل ايلتس للبيع 0096279840240... [ الكاتب : راما حسين - آخر الردود : راما حسين - عدد الردود : 0 - عدد المشاهدات : 4 ]       »     توفل ايلتس للبيع 0096279840240... [ الكاتب : راما حسين - آخر الردود : راما حسين - عدد الردود : 0 - عدد المشاهدات : 4 ]       »    



    إضافة رد
     
    أدوات الموضوع انواع عرض الموضوع
    قديم 12-01-2008, 09:37 AM   #1


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي ((ديوان الشاعر:مـعـيـض بن عـريـفـج))

    [align=center]






    ياطير ياللي تقدرالجنحان توصلك السماء= اغنم شبابك واستقر بزحل والا المشتري

    مادمت صقر ولك جناح وعين ماجاها العماء = وشبك موقع بالسفل الوادي وش اللي تحتري

    اقل شي ارقب على الوماح تامن بالحماء= وابعد عن الصياد والشبكه موثقت العري

    وان شفت بالوادي حمامه هج عنها ربماء = حطت تغرربك لاجل تنصاد خلك عبقري

    وخلك شجيع(ن)باللقاء ومن الحذر فيك انتماء = ترى جرح طعنات الظهر يبطي وجرحه مابري

    وان صادك الصياد مايحشمك تحشيم حشماء = تخاشروبك بايع وشاري وحق السمــسري

    من بينهم يبي يجيك الجوع ويجيك الضماء = والكل منهم يحلم ان بقيمتك يصبــح ثري

    أنانصحتك وانته بكيفك ولانت بملَــــزماء = ماني بدفتر عائلــتك ولانت معـي بدفـتري

    هذي نصيحه والنصيحه من طبوع الاكرماء = نصيحتاً تهدى بلاش وقبــل كانـت تنشري

    الطير رد وقال قل للذيب هرجاً محكماء = نصحتنـــي والذيب خليـته ويمـكن مادري

    قلت الخبر ياطيـر عند الذيب ولسمعه نماء = مبطي واقال الذيب اللهم اني العري البري

    من ذنب ناسن ماتحب الخير كلا ًمجرماء = من غير شيناتن سترها اليـــل كــلاً يفـتري

    ايلين صار الذيب هووالقت اعدى وخصماء = واخر دعاويهم فراش الذيب تحت البـربري

    مسكين راح الذيب فيها لاشرد ولا احتماء = والذله اللي خافيه احسن من اللي تنـطري

    الذيب لاراد يعوي ينشب لسانه بالجـــــماء = ومن الضما قصر عليه الريق مابل المــري

    ان لجت ضلوعه على له راس ملمومن زماء = ماله مجيب وطاح له في ضلمتـاً ماتنسري

    والوقت مثل مايقولون العرب مايرحــماء = ولايحمي القانــــون كل مغفـلا ًمايبصــــري

    وتجنب العيات في هرج الرجال الاقــدماء = العي يلقا عيتٍ يبـــلاه من وجــه نظــري

    والياطلبت الراي شاورلك نصيحاً ملهــــماء = نورك رايه ويحفض سـرك ولا هو ثرثري

    والياكرمت اشبع وخلك من خيار الاكرماء = واليا ضربت اضرب بسيفن يفري الهامه فري

    والياجفتك الارض هاجر لوتهاجر لسـمـــاء = يمكـن بـدال الارض تلقا لك سنع بالمشتري

    .
    __________________




    التعديل الأخير تم بواسطة معيض بن عريفج ; 07-18-2011 الساعة 09:04 AM
    نايف النمران غير متواجد حالياً   رد مع اقتباس
    قديم 12-01-2008, 09:41 AM   #2


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج

    [align=center]

    طائر ام سالم =





    لاواهـــنـيــك يــا ام سـالم تتـغــنـيـن = وتـلـحـــنيـن الصـوت وتـروبـعيــنه
    لوكـان مـدري وشــو الـلـي تـقـوليـن = ميــر ان مـا تـجـيـب الغواني حزينه
    والعـافيـة مـن فـوق روس المـعافـين = ايشـوفـها الـمــرضـان حــزة ونــيـنـه
    واالياطرى المشوار عـندك جناحين = لـــوهـــوبــعــــيـد اليـانـويـتي تجينه
    ان ظاق صدرك بالخضيرى تسجين = وتــريــحــيــن الصـدر وتــوســعينه
    من مـرقـبـن في مـرقـبـن ماتضيقين = ولانــتــي بـمـرتـبـطـه بوسط المدينه
    متـيـســر امـرك بأي داراً تعيـشـين = والعــــش غــيـره عـشــن تـبـدلـيـنـه
    اليـابـديـتـي فـيـه مــا يـاخــذ شــوين = مــن اطــرف شــجرة عنـدك تزينينه
    ماهـمـك الدنـيــا وجـمـع الملايـيـن = وســـوالــفــن بـيـن القـــرين وقرينه
    ولانـتـي بملـتاعــه من فراق غالـيـن = لاغــاب عنـك الـلي يـبـيـك وتـبـيـنـه
    مــــادام مــــالـك لاديـــانــه ولاديـــن = ولالـك وريـثــن يــارث وتــارثـيـنـه
    عـطـيـني الجـنـحــان واريش تكــفين = تــكفــيــن قـــولي تـــم لاتــرفضينه
    واجـيــب الـلـي يرضيك لو اخذه دين = بالـمال والا بــالـوجـيـه الثــمــيــنـــه
    ابـي لـيـامــنـه غــدى الـيـــل لـيـلـين = وسادت على النايم والاجوى السكينه
    ونـظــرت لابـاقـي مــن اليـل ثـلـثين = ونامـت عـيـون اهـل الجنوب المتينه
    اقلـعـت بـالجـنحان محـداًدرى وين = لاشــوف لاجــره عـلى اطراف طينه
    واليــا وصـلت لدار من يكـحل العين = وقــعــت له فــي مــوعـدن خـابرينه
    وان جـا يـجــرخـطـاه سـيد المزايين = الــلــي كـــمــا بــدرٍتــلالاجــبــيــنـه
    جـمـيـل ومجــمـل لطـيـف بجمـاليـن = جــمــيــل روحــاني وخــلـقه حسينه
    وقـال السـلام وقـلت يامـرحبـا اهلين = وكـلـن يــهــلي بـيـن خــلـه وبــيــنـه
    متى وصلت وقلت انـا جيت هالحين= وكــلـن يــحــمـد الله بشـوفــت خدينه
    وبـدت عـلـوم العـشــق بين العشيقين = اللي يـعرفون الــهــواء عــارفـينه
    مســتانسين وهـرجنا بــيـنـنـا البـيــن =والخـطــر اوســع مـن مساحات لينه
    والكــل مـنـا مســفـهــل الحـجـاجين = وقــامــت تـدلـع بـنـت ابــوهـا العينه
    مـن حـلـــو هــرج لسانــها بالشفاتين = تـقــل تـبـيـع الــهــرج والنفـس زينه
    شـريـفـتـن مـن روس قـوم شـريـفين = حـب عـلى وضـح النـقـا مـانـهــيـنـه
    مـارضى عـليه المايـله كـامـل الزين = وعـن مـايـضــره بـيـني الـلـه وبـينه
    والـيـا تــوادعـنـا نـفــضـة الجـناحيـن = والغـيـب مـــا حـــسـادنــا عـالـمـيـنـه

    .
    __________________




    التعديل الأخير تم بواسطة معيض بن عريفج ; 08-02-2011 الساعة 12:34 AM
    نايف النمران غير متواجد حالياً   رد مع اقتباس
    قديم 12-03-2008, 01:26 PM   #3


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج


    كان صدري ضاق من هاجسٍ جاب خبره = وضاق صدري من هجوسه وضيق مذهبي
    رحت يم المنـتدى اقطف من الـورد زهره = وان طلـبـني قـلت ابـشـر بكـل الـلـي تـبــي
    لو طـلـبـني جـيـت والخـط ما يـهـم سـفره = خـل عــاد انـي باشـارك وانـا فــي مكــتبي
    وكـل تسـديـد الفـراغــات مــا فـيــه ثـمــره = كان ماهو ابــداع مــن شــيـخ والا من صبي
    خـل شـغلك بـالمواضيـع شغلة دكــتره = من قراها قال اللــــــــــــــه هــذا مـطـلـبي
    لاتـجـيـب الجــلــد والجـلد مافيــه شـعره = ولاتـعـشـي مـنـتـدى الوايـلي ســاق الظـبي
    والكـلام الجـزل مـن رجـل والا من مره = فــايــده يـارجــل اكـتـب ويــابـنــت اكـتبي
    عـائـشــه للمـؤمـنـيـن ام والـلـه قــــدره = والـرســالـه قـالـهـا الـلـه على لسـان النـبي
    عطـرونـا العود الاصلي وحطو مبخـره = واشـربـوا مـن مـاء زمـزم ويابنت اشـربي
    وصاحبي والله اليا غاب ما اطعن بظهـره = حشـمـتـه في ســد وجهي وفي ســـد شـنـبـي
    لآن طـبـع الـوايــلي ما يــحـب الثرثـره = ياصـل العــليـا بجـهــده ولــو كـان يحبـي
    ولويموت الغصن والعرق حي ٍ بشجره = تـنـبـت الشـجــره وتــثــمــر بتيني وعنبـي
    واهـل التـزيـيف والكبرياء والمصخره = وكان حضرالجد هم روحو قش (صلبي)
    والخـطـا مرفوض والعفو عند المقدره = وراس مـالـي عـزتـي واصدقـايـه مكسـبـي
    ان بـغيـت اسـامح الذيب لاني باذخــره = وان بـغـيـت اشـويـه فـالنـار نـاري وحطبي
    وخـيـر ما بالهــرج ما قل دل وأكثره = مايـفـيــد .. و يا صلاتي عـلـى وجه الـنــبــي
    __________________




    التعديل الأخير تم بواسطة معيض بن عريفج ; 07-15-2011 الساعة 04:40 PM
    نايف النمران غير متواجد حالياً   رد مع اقتباس
    قديم 12-14-2008, 11:22 PM   #4


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج


    علاج القولون =





    [frame="10 75"]



    لقيت للقولون طبٍ على الكيف =بعدك عن اللي مايودك علاجه

    وابعدت عن مروجين السواليف =ناسن تجي للهرج من غير حاجه

    وقت السعه ربعٍ دواهي عواريف =ياطيبهم طيباه وقت اللجاجه

    وان ولعت قداحة النار بالليف =يسوقهم لك سوق صوص الدجاجه

    ابعد وخلك في علو المشاريف =في ديرة فيها الحجل والزراجه

    ارضٍ قفر فيها الادامي مخاشيف =اما تشوف الظبي والا مداجه

    لارقب بها المطعون بين السراجيف =يزول شره ويتريح مزاجه

    والمغرب البل جتك من روضةالريف =قم نوخ الركبي وطش الحداجه

    وهات الدلال ام الخشوم المهاديف =بغداد مختومن على الجنب تاجه

    وسويت فنجالٍ ينومس مع الضيف =ان شفه الخرمان يرفع حجاجه

    ومعك مثل نايف ونواف ومنيف =من اسماهم اعرفهم وكلٍ وخراجه

    وعقب العشاء ياذعذع النود بالصيف =على الربابه كل هاجوس ناجه

    العب على المسحوب وشوي توصيف =اعز من نغمات دسك الخواجه

    استانس وتلقا لهمك تصاريف =وللحزن عند اللي خلقك انفراجه

    تراك من دنياك ترحل تقل ضيف =والادمي ايواجه اللي يواجه


    .
    __________________




    التعديل الأخير تم بواسطة معيض بن عريفج ; 07-18-2011 الساعة 09:35 AM
    نايف النمران غير متواجد حالياً   رد مع اقتباس
    قديم 12-14-2008, 11:59 PM   #5
    أبــو وائــــــل




     
    الصورة الرمزية رمضان العنزي
     
    تاريخ التسجيل: Sep 2005
    المشاركات: 9,408
    معدل تقييم المستوى: 30
    رمضان العنزي has a spectacular aura aboutرمضان العنزي has a spectacular aura aboutرمضان العنزي has a spectacular aura about
    افتراضي رد: ديوان الشاعر معيض ابن عريفج

    صح لسان الشاعر معيض

    وبيض الله وجهك يانايف على تدوين ديوان شاعرنا الذي نفخر مفرداته الجزله
    __________________
    رمضان العنزي غير متواجد حالياً   رد مع اقتباس
    قديم 12-16-2008, 01:18 PM   #6


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج


    يامروج الهرج =












    يامروج الهرج بين الناس وشلك به=زرعٍ حصاده خساره ويش تبغا به

    ابعد عن اللي مجنب لاتشربك به=ولاتشتمة في بلى المبلي وتبلابه

    والأجرب احذرتجيه ولاتحكوكبه=اليا تحكوكتبه صابك اللي صابه

    تدري وش المشكله والشر والنكبه=ياالله ابي انشدك قلي وشي الجابه

    ان تهت اعلمك علماً ماتشككبه=ماهوكلامي كلام الله بكتابه

    من اغتاب الأجواد فعله مايتباركبه=يعطي حسناته لغيره لياغتابه

    ولاخلى رصيدالحساني ويش يتركبه=سيات غيره تودع داخل حسابه

    على طريق المضره سايقن ركبه=يدعى عليه وعلى اهل الشر يدعابه

    في خدمة بليس ايا شي يرتكبه=لابارك اللة فيه ولابمن جابه

    منبوذبين البشرلوسكبته سكبه=لاوجه لاجاه لافعلن يزكابه

    باالله مثل هذيا ويش ودك به=ابعدعن الجحر ابوديبان وترابه

    والغايب اللي من اكذابه يشبكبه=ماضاق صدره ولا محتره اعصابه

    ومبرك ماهومبركن لك ليش تبركبه=يبعدك عنه الجمل بالهان بالنيابه

    اعرف مكانك ورح يمه وخلك به=واللي تغدى بكذبه ماتعشابه

    قل خيرللخلق والخالق لاتشركبه=وامسك وصايا نبي الله واصحابه

    والحق لوكل مخلوقاً تمسكبه=ماصاربين البشر جاني وطلابه

    مادام فج الخلاواسع تحركبه=عقب المطر يبعدالهوجاس مرقابه

    في راس ملمومتن وبيدك ابوركبه=سجه وفتش به الصحصاح وهضابه

    وشبيت نارك بروض ٍمخضر ابلك به=عزمن مجتمع سلقان وذيابه


    .
    __________________




    التعديل الأخير تم بواسطة معيض بن عريفج ; 07-18-2011 الساعة 09:42 AM
    نايف النمران غير متواجد حالياً   رد مع اقتباس
    قديم 12-26-2008, 10:11 PM   #7


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج

    طلة الصبح =



    ياطلة الصبح بعدالفجر ساعة بدا =يانسمةٍ مرت الوادي وزهرالورود
    ياريحةالياسمين اللي عليه الندا =يابسمةالطفل بعيون الحنون الودود
    يافرحة النصرعقب مجابهات العدا =ياطشةالماعقب يبس الحشاوالكبود
    ياقمةالزين والطيبه عفاف وهدا=عقل ورزانه إيلاهيه بلياحدود
    الله يحرسك من اهل الشرواهل الردا=ويالله عسى ماتنظرلك عيون الحسود
    يامهرةٍ لاهي تباع ولاهي تنهدا=من افضل خيول الوليد ابن طلال السعود
    هي منوت اللي لياصكوعليه يحدا=يردها للمتلي غصب ماهوشرود
    والياتنقض جديله لون ليلاًهدا=خيم علية الضلام وثم ساد الركود
    صدره وخده قمرينٍ بجسم حددا=يفصلهن العقد في عنقن زهيه العقود
    والعين عين اشقراًيسمع لأسمه ندا=اليارتفع رمشهن خرسٍ مضاليل سود
    عسى ضحايا العيون الناعسات شهدا=مثل الذي قتل من دون الشهاده يذود
    اليانظرلي بسودن خرس مالي جدا=اخطر من الحارق الخارق بسهم البرود
    واهل الهوا كلا ً يقدم حياته فدا=ونمروقيس الملوح والخفاجي شهود
    والحب حاكم ظلوماً مال ضلمه مدا=اشد من ظلم هتلر بضطهاد الجنود
    ياكثرناسن تضاهر كأنهم اسعدا=والهم بين المحاني كل ساعه يزود
    لابعيشتن راضيه ولابحيات زهدا=ولايضيع الأمل مهما تشد القيود
    امل فقيرن يكد ولا يحصل غدا=ولاهوبمستسلمن للفقر لين اللحود
    مثلي ذهب كل صبره واجتهاده سدا=وانهرت عقب النخاوي والصبرو الصمود
    اليازعلة ونظرلي قلت عمري فدا=كل شي يهون الاالجفا و الصدود
    __________________



    نايف النمران غير متواجد حالياً   رد مع اقتباس
    قديم 12-26-2008, 10:21 PM   #8


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج


    بدون نقط =


    ود السلام ووصـل الحلومرسـول =هاك الرسالـه للحلـو ودهـا لـه
    عل وعسى لمراسله ود مـأ مـول =وعدل مساره وسـار مسارالعدالـه
    لاعلم لامرسـال صارللحلوحـول =والله هو العالـم علـى كـل حالـه
    له عـام مالـه رد لاعلـم لاكـول =ماعلم لـو الوسـواس دهورحوالـه
    لاحول طاح الحرلاحـول لاحـول =سلك الهواء صـاده ولالـه محالـه
    سلك الهواء صاده على رمل مرمول =حاول وسلك اهـل المـوده لوالـه
    دهـاه داء الـود والحـال مسلـول= الله عطـاه الهـم والهـم اطـالـه
    محلول كل الآمرمحلـول محلـول =لورد ماملـك لـه حلالـه حلالـه
    داره حدود الرس والـدار مدلـول = مع السماء رحله وعطـه الرسالـه
    سلام له عداد الحصا رمال وسهول =والود له والـروح والمـال مالـه
    اودهـا مــاود سـلـوى ولارول =ولاود لاســاره ولاود اصـالـه
    اودامـل ومدلعـه واسمهـاامـول =وامل لهـا علـى المولـع وكالـه
    حل الوداع موادعه همس معسـول = مـع السلامـه وحالـه أمرحـالـه
    وهل الدموع ومصدرالدمع مكحـول =حـرام لالـحـوى ولا للسـلالـه
    اعطى العهد واعاهـده عهدماطـول =مادلـه وهوماهوعلـى اصـددالـه
    روح على المورسدس وموردسمول = امصمـم وعلـى الوكالـه عطالـه
    مـع الوطاعـده ولـد حرمسحـول =والحرطـراده كـرك لـه واهالـه
    اسهر مع اساعه لك الله على طـول = والـودسـوى للمـولـع هـوالـه
    الدم صار محـرك الـدم ماكـول =للـدم ماحصـل محـرك وكـالـه
    الصدرماحلاالصدر والوسط والطول =وده ملـك روح المولـع لحـالـه
    العودعـود الـراك وارواه هملـول =على اوله ماحلـى حـلاه ودلالـه
    اودها واصل الموده لهـا اصـول =لواطلـع واحـد علـى السرعالـه
    سرالهواء لآهل الهوا حـل معمـول =اهل الحسد داهـم معاهـم طوالـه
    لوهم دروا حطو على حملك احمول = حاسد حسد وصلك وحاسدوصالـه
    دع كل حاسدصحصح الصح مدلول =الحسـد والمحسـود مالـك ومالـه
    لاعاد ماهوللمـلا صـار مسئـول =لاعلـم هوحـلـه ورد لسـؤالـه
    لولى الحسد ماصاركل الوطى محول =والله رحوم وهو على الكـل اسالـه
    وصلواعلى محمد للآسلام مرسـول =حمـل كــلام الله وادا الرسـالـه
    __________________



    نايف النمران غير متواجد حالياً   رد مع اقتباس
    قديم 01-06-2009, 10:52 PM   #9


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج

    [align=center]


    [frame="10 75"]



    من ربوع ابها تحييكم جبال السوده =والمطروالغيم والخضره وسيل الوادي

    وكل غصنٍ مايل وزاهيه زهر وروده =فل جوري ياسمين ونرجسي وكادي

    وريح هيل وزعفران وبن جنب العوده =وطنخة اللي ماقفل بابه عن الاجوادي

    ونسمة الوادي الياقام يتسارق نوده =وكل شيءٍ زين لاذعذع معه يزدادي

    منظراً ان جاه من نفسيته مسدوده =تستوي له ظبطة الفنجال والبرادي

    البها والحسن اللي وافيات بنوده =لوماهي ديرة ابوي ولابلاد اجدادي

    جيتها وانا اعصابي كلها مشدوده =وبعد ساعه من وصولي صرت كلي هادي

    ياااخساره بس لومحبوبتي موجوده =اعتبرها عيد ثالث في سجل اعيادي

    ماقدرت استانس وروح الغلامفقوده =قاعدة لي وين ماوجهت بالمرصادي

    طفلةٍ على وصايف زينها محسوده =خل عاد اللي يخبرله شي ماهو عادي

    اخذه من ربنابالحسن اعلى جوده =شيخة الحلوات من صنعا ليابغدادي

    طاغيه في زينهاومترفه زغدوده =يا الله احفظها من اهل العين والحسادي

    لو ماني منشود عنهاولاهي بمنشوده =مار هاجسها لياسجيت قام ينادي

    وقال يامعيض انت تذكر راعية البرموده =الغزال اللي يهد الحيل ماينصادي

    وتذكر البسمه وبحة ضحكةٍممدوده =ويوم يستاذن يقول باي باي بالايادي

    ثم جاء جيش الهموم وقادته وجنوده =وصدري معسكر لهم سردادي ومردادي

    .
    __________________




    التعديل الأخير تم بواسطة معيض بن عريفج ; 08-02-2011 الساعة 12:40 AM
    نايف النمران غير متواجد حالياً   رد مع اقتباس
    قديم 01-06-2009, 10:57 PM   #10


     
    الصورة الرمزية نايف النمران
     
    تاريخ التسجيل: May 2006
    المشاركات: 8,506
    معدل تقييم المستوى: 30
    نايف النمران is on a distinguished road
    افتراضي رد: ديوان الشاعر معيض ابن عريفج

    الجمس=



    ياماحلا الجمس لاغنت شكامينه=وقامت تراطن تقل لجة خواجاتي
    توافقوا عندقراراً مسوينه =وتناقضوا عند تنفيذه بالاصواتي
    ولجو هل الكنقرس ونفوسهم شينه =واشتبكة اصواتهم يالمقرفوناتي
    فايف دبل ون(511)ومضمن بتضمينه=جابوه مخصوص هيئات المقاساتي
    جابوه من صوب واشنطن بتمرينه=ماهوبملطوش من سوق الاماراتي
    امجربينه ومثبتن براهينه=مايركبه غير مفتول الشناباتي
    مطنوخ ماهي طناخت قات تخزينه=مايركع الالخلاق السماواتي
    وراعي المحطه يعبي تنك بالنزينه=وراعيه مسح قزازه والمراياتي
    وعلى طريق المدينه تله بحينه=يازين صوت التواير بالملفاتي
    ومفصول عن فصلة البخاخ تامينه=والله ماتشره عليه الكامرياتي
    منوة غريبٍ يبي ديرة محبينه=خرج من السجن عقب اربع سنواتي
    من عفب ماودع السجن ومساجينه=وهنوه على خروجه بالسلاماتي
    عطشان يبي يشوف اخته ووالدينه=ويبي شريكة حياته والبنياتي
    انا اشهد انه يوصلني طرف لينه=للديره اللي بها سيدي وساداتي
    سيدي وساداتي اللي فاضحٍ زينه=ماله شريكاً مع الاحياء والامواتي
    عندي تليفونه وعندي عناوينه=لاكن دونه سهوم الموت عجلاتي
    حسبي على اللي وقف من بيني وبينه=وازريت به لو عملت المستحيلاتي
    الظاهري شهار لوتنشد مجانينه=ان البلا الحب سوى فيهم سواتي
    __________________



    نايف النمران غير متواجد حالياً   رد مع اقتباس
    إضافة رد


    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة

    الانتقال السريع


    الساعة الآن 05:17 AM.


    Powered by vBulletin® Version 3.8.8
    Copyright ©2000 - 2018, vBulletin Solutions, Inc.