رد: ((ديوان الشاعر:مـعـيـض بن عـريـفـج))
 

كيبووورديه ومن خرابيشي بيني وبين نفسي

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]

هذا الزمن مابه جماعة ولاخوان = اخوك جيبك والجماعه دراهمك
المال يجعل لك مخالب وجنحان = يالعن ابوه منين مارحت يخدمك
لو انت ماتسوى الاخيره من الضان = كل(ن)يرحب بك ويقضي لوازمك
ويجعل لك اصحاب وبني عم واعوان = نوعية اللي عايشين(ن)على النمك
ويلحق مع اهل الخيل شقرا وشقران = ناسن تصفق لك وناسن تقدمك
ولوتتصل في نايم(ن)كان سهران = يفز من نومه سريع ويكلمك
وراعي الردى وقت السعه شاطر لسان = ودجاجة(ن)وقت اللوازم يوهمك
ولو انت شيال المحامل بليهان = ان قل مالك مايفيدك تحيزمك
وتشوف من بعض المخاليق حقران = واقرب قريب اليادبرت مايشيمك
لوانت كنت تنقله فوق الامتان = نسيك مااقدر جميلك وقيمك
واستثني اهل العقل والعرف والشان = اللي على فعول المراجل تعشمك
زحول(ن)لهم في ساحة الطيب ميدان = سيفك الياعضك زمانك ومحزمك
واخص مرضاعقول وصحاح الابدان = بهايم(ن)عنهم عسى الله يكرمك
لو انكم من اب ومن امك اخوان = منهم عسى الله يالسنافي يسلمك
[/poem]

رد: ((ديوان الشاعر:مـعـيـض بن عـريـفـج))
 

[/size]
[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
المشكله ان خيروك وتحيرت = تختار من تغليه والا السلامه
يمكن تخير صاحبك لاتخيرت = ولاعاد تجني منه غير الندامه
ويطلع غلط ماهو مثل ماتصورت = وتدفع على غلطة قرارك غرامه
تقول لو اني عن الوضع خيرت = ولادخل بتحريم الحلال وحرامه
ماعشت بالدنيا سعيد وتحررت = ولافزت بالجنه نهار القيامه
ويمكن تفوت فرصة(ن)لاتذكرت = تموت غبن ولاتفيد الملامه
فرصة عمر جت لك وعنها تعذرت = وحظك رقد وابطا وهو في منامه
وقلبك يتلك للحبيب وتكسرت = وعقلك يردك حسب مبدا الفهامه
لكن يوم اني تعبت وتفكرت = قلت الحرامي ينكشف من بهامه
سدد وقارب واستخر كان شاورت = واضرب على الكايد بعز وكرامه
ولوتحسب حساب الحوادث ماسافرت = بر اوبحر أومن تحتك الغمامه
واقنعت نفسي بالكلام وتغيرت = ومال العقال اللي تحته العمامه
[/poem]

رد: ((ديوان الشاعر:مـعـيـض بن عـريـفـج))
 

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
هلا ياصباح الخير والفل والريحان = وهلا ياصباح الطش والرش والغيمه
وهلابالسحاب اللي تشابك مع الربان = على قول ابن جدلان تضحك مقاديمه
بعـد من جفاف الارض تتباشر البدوان = رعوده تجاوب صوتها وانهمر ديمه
وهلا ياسكون اليل مع جلسة الخلان = ارخا سدوله هادي(ن)دون تعتيمه
وهلاياتمام البدرمع سمرة الرعيان = وهلايالحن وتراً حزينه تقاسيمه
وهلايانسيم الفجر يازهرة البستاان = وهلا بالحياء اللي في جبينك مراسيمه
وهـلا بالبـراءه لاتـبـسمـت يالفتان = لهاعند من يفهم تعابيرها قيمه
تسولف عيونك همس ويلامس الوجدان = رسالات تبقاء بقلب معشوقهامقيمه
بحياتي رسمتك لوحة الملهم الفنان = وهو مرهف بحسه ومبدع بتصميمه
وكتبت بك ديوان شعر وقصص والحان = وانامستمدن من غرامك تعاليمه
كتبه الغلا ماقاله محمد الشرهان = احساسي تقوم بنظم طرقه وتقديمه
سكنت الخفوق وسكرت دونك البيبان = وغيرك تجي ذكراه ركعه وتسليمه
وهلابمهرة(ن)تتعب على شانها الفرسان = كفو الشجاع اللي مايترك ملازيمه
تواضع من اجله لوهي بلا رسن وعنان = وهو يحترمها وهي شريدة مغانيمه
والله مالومه فيك ياشمعة النسوان = لوانه عطاك دبي والعين والخيمه
وهلاياشموخ العزياحلا صفاة انسان = ياطهر من الينبوع واطيب من الشيمه
على فطرتك طيب وصادق وحلو لسان = عفيف(ن)لطيف(ن) ماتغير مفاهيمه
وجمال اللي مايتخالف عليه اثنان = اجزل لك الخالق بفضله وتكريمه
من عيونك سهوم المنايا على البرهان = وقتلك لغيرك ماحد افتا بتحريمه
بسم الله وماشاء الله على خلقة الرحمن = تبارك الخلاق احسن تقاويمه
اعيذك برب الناس من نظرة الشيطان = ومن نفخه ونفثه وجملة مزاعيمه
واعيذك برب الناس من شر انس اوجان = عسى نظرته لك ماتعدا بلاعيمه
احبك اشد من حب وضحى وابن عجلان = واشد من حب الولد وافي لشيمه
احبك وانا تايه بحبك بلاعنوان = وانا مسامح الضالم وانا من مضاليمه
والنفس طيراً في سماءجوك بجنحان = ان طار يرجع لك بطوعه وتصميمه
عسى الله يلهم قلبي الصبر والسلوان = لأن الحياة بغيبتك مالها قيمه
[/poem]

رد: ((ديوان الشاعر:مـعـيـض بن عـريـفـج))
 

[poem=font=",6,darkred,normal,normal" bkcolor="transparent" bkimage="http://mdyf.net/vb/mwaextraedit4/backgrounds/16.gif" border="groove,6,green" type=2 line=0 align=center use=ex num="0,black""]
ياكثر الدواهي مير لابين الصحيح = ياليت منهم يصفي اثنين بالميه2%
تروح العلوم علوم ماينفع التبجيح = ماهي سوالف جنب دله وصينيه
ظروف الزمان تصحح الادمي تصحيح = ويطلع له الخافي بصورة حقيقيه
ظروف الزمان تشرح الادمي تشريح = ويبين ذاك الوقت سره وخافيه
وتبين الجبال اللي تصدى بوجه الريح = وفقارا البشر واهل النفوس الغناويه
وتوارى العصافيرالضعيفه بسد الشيح = ويطير الورق لاجت من الغرب غربيه
وتعطي بعض خلان وقت الرخاتصريح = وتكتب بصحبة خايب السد مرثيه
تغني بها ماهي وناسه لكن ترويح = ترويح عن نفس(ن) ماموره ومنهيه[/poem]

رد: ((ديوان الشاعر:مـعـيـض بن عـريـفـج))
 

حبايب قلبي الجميع اليوم صار موقف مضحك ومبكي بنفس الوقت بين شخصين الكل منهم مصر على انه لازم ينفذ كلامه والامر تافه جداً وصار فيه احتدام بالموقف وكلهم غلطانين ههههههههههههههه

ومن الصدف انني حضرة الموقف بدون مقدمات ولالي علاقه بالموضوع اللهم اني من ضمن المشاهدين المهم انني تركتهم وجيت مدحدر على سيارتي رايح البيت وعاد تخبرون الواحد لحاله نوب يهيجن ويخربط

هيجنت وخربطت وضحكت على حالي وقلت هالبويتات وابيكم تضحكون معي عليهن امل ان تحوز على رضاكم ولكم تحياتي

[poem=font=",6,,bold,normal" bkcolor="red" bkimage="" border="inset,10,deeppink" type=0 line=0 align=center use=ex num="0,black""]

ياليت لخبول المخاليق دكتور = متخصص(ن)لآهل العيا والعواجه

ويحط مستشفى وطبيب برفيسور = ومكمل(ن)جاهز بكل احتياجة

وقلب العقاب يحطه بصدر عصفور = ويزرع جناحين القطاء ف الدجاجه

ويدخل افضل مخ في هامة الثور = وعلى الذكا والطيب يضبط مزاجة

تلقاء على بابه من الناس جمهور = كل(ن)معه خبله يدور يدور علاجه

ويصير كل الكون عقبان وصقور = ويتلف وهو بالعش بيض الزراجه

وان صار لي خبل(ن)وانا فيه مجبور = ادفع تكاليفه على كل حاجه

ويطلع رجل حكمه ومبدى ودستور = مانبتلش بالعلم يوم نتواجه

ولو يتحسن مانبيه برفيسور = نبيه يعرف في حياته خراجه

[[/poem]

رد: ((ديوان الشاعر:مـعـيـض بن عـريـفـج))
 

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
يقولون سر الشخص لامن ظهر يؤذيه = وانا السر عندي ساجنه وسط زنزانه
ولويفتح اذنه ناقل الهرج مايوحيه = لوانه بذل قصارجهده على شانه
ردي العزايم بالكرب لارحم واليه = لايدري بزلاتك لو انك حدى اخوانه
لاتاخذك فيه انك ابن عم وابن اخيه = ترى مال نقال الحكي غير حقرانه
ترى الصدر صندوق(ن)مقفل على مافيه = ولاينكب احيان ال ابن ادم سوى لسانه
اللي يجيب الهرج للناس ويوديه = مشغول بين فلان وفلان وفلانه
ماينظر سما دايم عيونه تحت رجليه = كبه ويلقا من طيوره وصدقانه
ويرتاح معه ولايجيني وانا ماجيه = ولابي تليفونه ولاريد عنوانه
عسى واحد(ن)مايجمل ولاالله مهاديه = يقشه القشاش قدام بزرانه
ولوان صدري جرح سيف الغدر مدميه = مايدري به الا رب الارباب سبحانه
اسجد لرب(ن)يمرض العبد ويشافيه = كريماً عن المحتاج ماصك بيبانه
وارفع يديه واطلبه والتجي ايليه = واتوسله عطفه ولطفه وغفرانه
وابي الوذ في بوحي الى الشعر واحاكيه = لاعله يبدد ضيقة الصدر واحزانه
واسولف مع القمراء على اليل واناجيه = بكل اريحيه يطلق الشاعر حصانه
على النار والدله وتمر الحسا ناقيه = بروض الحياء والارض خضرا ورويانه
ماغير ام سالم صوتها بالسماء تلاحيه = تهوبل على يادان وا دان لادانه
حرام انها اطلق من رفيق(ن)قصار يديه = الياجتك تستعرض تقل فيك فرحانه
يالبيه فيها ثم مليون يالبيه = ولوانها طيراً يرفرف بجنحانه
افضفض عن الصدر الذي هاجسه مشقيه = بطاروق يعجبني ومرتاح للحانه
الياصاغه الشاعر ومن بعده يغنيه = متخير اللي يلامس(ن)كل وجدانه
[/poem]

رد: ((ديوان الشاعر:مـعـيـض بن عـريـفـج))
 

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
انضبط بالسير ياخي قائد السياره = القياده فن وخلاق(ن) وذوق(ن)راقي
لاتطيروتعتبر نفسك ملكت الطاره = كم غلام راح قبلك مابقا له باقي
في تريله اوعمود او خش في عباره = وازهق انفس مالها ذنب ابتلاها الشاقي
سرعلى مهلك وحذرا تقطع الاشاره = واعط حق الافضليه هكذا السواقي
حاول انك تنضبط وتواكب الحضاره = وابذل الاسباب والله الرحوم الواقي
وكان تبي تطير سافر لك على طياره = قبل ماتصبح ضحيه في حدى الانفاقي
الهمجيه مبادي عالما منهاره = مايعرفون الادب والذوق والاخلاقي
احفض النعمه مادامك تمتلك سياره = فيه غيرك حافي الاقدام ماهو لاقي
[/poem]

رد: ((ديوان الشاعر:مـعـيـض بن عـريـفـج))
 

رد: ديوان الشاعر معيض ابن عريفج
 

[align=center][poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
بعض الكلام =[/poem]



[frame="10 75"][poem=font="simplified arabic,6,black,bold,normal" bkcolor="silver" bkimage="" border="none,4," type=2 line=1 align=center use=ex num="0,black""]

بعض الكلام اسمعه لكن تقل ماسمعه = اتجاهله عمد ولااعطيه أي اهتمام
ان جت من الضايع اللي مسلكه ضيعه = اللي فقد هيبة التقدير والاحترام
لاهو موفق بفعل(ن) طيب(ن) يرفعه = ولاهو حكيم ايتخير من جزيل الكلام
يشغلك ويضيع وقتك داخل المعمعه = والضرب في ميت الاحساس عيب وحرام
منما تسنع بفكره منت بمسنعه = خله وكلاً على الجنب المريح ينام
الجاهل اللي يشيل عوينته بأصبعه = ان خاطبك بأي هرجاً كان قله سلام
لاعاد تسمع من الجاهل ولاتتبعه = ارفع مقامك وتسلم يارعزيز المقام

[/poem].[/frame][/QUOTE]

رد: ((ديوان الشاعر:مـعـيـض بن عـريـفـج))
 

[poem=font=",6,darkred,normal,normal" bkcolor="transparent" bkimage="http://mdyf.net/vb/mwaextraedit4/backgrounds/19.gif" border="inset,4,green" type=0 line=0 align=center use=ex num="0,black""]



اسمع كلامي يالبيب العقل جعلك ماتهون = ولانته بملزوم تشيل الهرج والا تتركه
الناس كلا له اذان وفيه قلب وله عيون = ياكثرهم لكن ياقل العقول المدركة
وانته تعيش بمجتمع فيه الف شكل والف لون = وتمر في مواقف تبكي والاخرى مضحكه
ومن راقب الناس انشغل بالناس ويموت مغبون = السانك ان ماينطق بحكمة تريح وامسكه
والناس ماتقدر على رضاهم لو انته من تكون = لكن شف مسلك رسول الله وصحبه واسلكه
ولاعليك من الظهور ولا من عيال البطون = السلعة اللي مابها مربح ولافيها بركه
طنش تعيش واعبد الخالق مع اللي يعبدون = والحمدلله مكة وطيبة بوسط المملكة[/poem][/quote]