غابت ثمان سنين حل وترحال

[youtube]http://www.youtube.com/watch?v=7xCOBkei1Rw[/youtube]

غابت ثمان سنين حـل وترحـال
،،،،،،،،،،،،،،،،،،،،،، غابـت ثمـان كلهـا مدلهـمـه
قضيتها بالحب والشـوق رحـال
،،،،،،،،،،،،،،،،،،،،،، وحبٍ تحدى كـل ياسـه وهمـه
سالت عنها سنين وشهور وليـال
،،،،،،،،،،،،،،،،،،،،،، ولافيـه فـج غيـر وجـه يمـه
وعقب الثمان الي تعبها برى الحال
،،،،،،،،،،،،،،،،،،،،،، جاب الزمـان الكارثـة والمطمـه
جاني ولدها مبتسم بين الاطفـال
،،،،،،،،،،،،،،،،،،،،،، ومن بسمته ذكرت أنا بسمة أمـه
شفته وصاحت داخلي كل الآمـال
،،،،،،،،،،،،،،،،،،،،،، بصوتٍ عجزت بكتم الانفاس لمـه
ركضت له ودمعي على الخد همال
،،،،،،،،،،،،،،،،،،،،،، من كثرشوقي قمت بلحيـل أظمـه
ساعة حظنته والطفل في يدي مال
،،،،،،،،،،،،،،،،،،،،،، شميت ريحتها على أطراف كمـه
واستلهمت نفسي مقادير الاهـوال
،،،،،،،،،،،،،،،،،،،،،، وتم الضياع واكـدت لـي متمـه
واليوم بنت الناس في بيت رجـال
،،،،،،،،،،،،،،،،،،،،،، حب على غير الشرف لـي مذمـه
ليت الغياب اللي شغل غربتي طال
،،،،،،،،،،،،،،،،،،،،،، ولادور العاشق على حـرق دمـه
مجبور أعوّد واشتكي كل الأميـال
،،،،،،،،،،،،،،،،،،،،،، بنفس حزينـه تايهـه مستهمـه
برجع غريب مسكنه بـر ورمـال
،،،،،،،،،،،،،،،،،،،،،، يموت يحيـى يندفـن مـا يهمـه

الشاعر نايف بن مستور
صح لسانك ولسان الشاعر خلف الطويلعي العنزي
على القصيدة المشهورة "غابت ثمان سنين حلٍ وترحال"

كل الشكر لك

الشاعر والاخ نايف بن مستور
شكرا لك على القصيده
والله يعين الي يمر بالحاله

فارس عنزة كلمات كنت ارددها ولم اعلم ان شاعرها ( عنزي ) يعني بناخي
النمر صح كلك مروك ممتع وجميل تحياتي وودي

صح السااااااااانك نايف


وصح السان الشاعر


ولك تحياتي

صح لسانك وصح لسان الشاعر
والله يعينه موقف لا يحسد عليه
الله يعين قلبه

صاحب هذه القصيده هو الشاعر محمد بن معيوض البلاهدي
اخوي نايف لك ماتطلب إذا ثبتت انها لغير هذا الشاعر
وقد غناها الفنان سالم خلف

اخوي محب عنزة الف وردة لمرورك وتوضيحك لصاحب هذة القلادة الحزينة وانا لا اعلم من هو شاعرها الحقيقي وانا اتلقى لم اتلق انسبها لشخص بل جلبت هذة القلادة لانها قلادة شعرية غالية من مشاعر صادقة تقبل مروري وتحياتي