ديــوان الـشــاعـر منصور الضحيان

\\\\\\\\\\\\\\\\\\\\\\

رد: ديــوان الـشــاعـر منصور الضحيان

[poem=font="simplified arabic,5,black,bold,italic" bkcolor="transparent" bkimage="backgrounds/3.gif" border="none,4,gray" type=1 line=0 align=center use=ex num="0,black""]
ياطير ياللــي مايخيب هـــداده = اكفخ بجنحانك اذا هبت النــــــود

واحمل معك تقدير ود واشاده = للشيخة اللي طيبــــها مالها احدود

قالوا سلامـه قلت طيب واراده = من دارزايد موطن الخير والجـــود

شيخة وبنت اشيوخ واهل سيادة = وزوجة ولي العهد والعز منشود

ماهي بحاجـــة مدح والاشهادة = ميقافها من نايد الناس مشهود

فيصل بوقفتها تحرر قيـــــــــاده = من بعد ماهو ضايق الفكر محدود

ترجي فضل رب(ن) لطيف بعباده = الواحد اللــــــي للمخاليق معبود

يالله تعوضها الاجر والسعــــاده = وعسى الفرح في دربها دوم موجود

وختامها تقدير شعب وقيــــاده = يادار زايد يـــــــاذرا كل مضــــــــهود[/poem]

رد: ديــوان الـشــاعـر منصور الضحيان

[poem=font="simplified arabic,5,darkred,bold,italic" bkcolor="transparent" bkimage="backgrounds/7.gif" border="none,4,gray" type=1 line=0 align=center use=ex num="0,black""]
ياصاحبي ياللي رفيـع(ن ) مكانـه=خلك بعينـي دائـم(ن) فالطليعـه

ماارضى أشوفك بالردى والطمانـه=ولاارضى على مثلك تكون الهزيعه

لانـك خويـي والاخـوة أمـانـة=اصونها مثل ما اصـون الوديعـه

احذر يضيعك الردي فـي لسانـه=تـراه دمـك لوحصلـه يبيـعـه

لاني ذكرت أهل الغـدر والخيانـة=تضيق بي كل الـدروب الوسيعـه

انا الخبير اللي خـذا مـن زمانـه=ادروس من صيف الزمان وربيعه

مااصعب من الاحباط غير الاهانـة=والطيب في بعض بالرجال الوضيعه

كرهت وقـت العولمـه والميانـة=واسلوب ربط المصلحه بالقطيعـه

الحـق واضـح واللعانـه لعانـة=والعـز يبقـى للنفـوس الرفيعـه

ياصاحبي والعمـر مالـه ضمانـة=والوقت لـو ماطـاع لازم تطيعـه [/poem]

رد: ديــوان الـشــاعـر منصور الضحيان

اخوي العزيز والغالي نايف النمران كل التقدير والاحترام لشخصك الكريم على اهتمامك وان شاء الله اكون عند حسن ظنك ولاهو غريب عليك الطيب ومشكور على الديوان والله يجملنا وحبيت أوضح طال عمرك ان القصيدة الاولى والثالثة التي تفضلت بوضعهما في ديواني ليست لي وانما قصايدي الثانية والرابعة وقصيدتي الثالثه الموجودة في قصائد الاعضاء بعنوان ظروف وقتي والف شكر لك وانا اقول:-
الشعر ماهو لعب بيدين لعــــــــــاب = الشعر نقض وفتل ذوق وفطانه
اما تجي شاعر ويحسب لك احساب = ويصير لك بين الشواعير خانة
ولا استرح واقفل على شعرك الباب = مالك ومال الشعر خله وشانه