قصيدة الوصية لسيدي حاكم نجد

مشاكاة الي سيدي صاحب السمو الملكي الأمير \سلمان بن عبد العزيز حفظه الله

كان والدي الله يرحمه يوصيني يقول اذا ضاقت بك الايام ياولدي

لاتنصى الا الله ثم الرجل الذي لاجيته انهى حاجتك وكان والدي الله يرحمه يوصيني لدرجة انه امني امانه وقال لاتروح الا الله ثم اهل الفعل .

وبعد وفااته كتبت هذه القصيدة وهي بعنوان الوصية وقد بلغت سمو سيدي

الذي غمرني بهتمامه الدائم


والدي رحمة الله

سيدي ووالدي حاكم نجد حفظه الله
[poem=font="Simplified Arabic,6,white,bold,italic" bkcolor="black" bkimage="" border="ridge,8,black" type=1 line=0 align=center use=sp num="0,black""]
سلام يامسلم مسلمين الاسلام =سلام ياسلمان نجد وكبيره

من مسلما سلم وصافحك بلاهام=وعليك باح السد وخاف السرير ه

وسط الجزيرة ماقطع ياس الاحلام=وانته بقصر الحكم حلم الجزيره

سجلت صفحاتك وحطمت الارقام=على العرب يابن العرب لك مسيره

تمشي لدرب الخير دايم لقدام=والطيب من طيبك هبايب عبيره

ياسيدي يوم انت مزبن لمنظام=وملجى لمن ظاقت عليه البصيره

افزع معي بالي تجد تم وشمام=يالي مقامك موج يصفق غزيره

عندك تموت الكايده ذبح وعدام=وعندك فرح يجلا الهموم العسيره

ماجيت يمك خابرا غيرك اكرام=غيرك نهار اليوم يده قصيره

ابوي وصاني قبل موته العام=وامني احفظ الوصاة الاخيره

قال ان وقف حضك وضدتك الايام=عليك بعد الله وحكمت مصيره

باللي اذا جيته وقف وانهى الاخصام=وطفى بوقفااته لهايب سعيره

ودورت ماحصلت غيرك ولاحام= ماغير كم يامير نجد وخبيره

وان منتهت عندك من اليوم مادام=تطلع علي الشمس مالي جزيره

ابدفن امالي وحلمي والاقلام=ماعاد تسوى نجد حبة شعيره

ياسيدي عندك وقف سير الاقدام=وعندك وقف شاعرك وقفه خطيره

ماغير راسك راس خلفي وقدام=انت الابو وانت البلد وانت اميره

وانت الوفا وانت الكفا وانت الانعام = وانت السخا وانت السيوف الشطيره

وانت العدل وانت الكرم وانت الاحكام=يانصرة المظلوم في كل ديره

جيتك وانا صايم ثلاثة عشر عام=عندك فطوري والهلاك ومصيره[/poem]


عماش الرقعي