محاوررره ساخنه جدااااا

اخواني وخواتي عشاق المحاوره

انا من البارح وانا انزل مشاركات

وهذا ليس انانيه او اضافه لكم بل مايحوز على

اعجابي اتيكم به وسامحوني اخر مشاركه الابعد اسبوع

ساخنه بين خليف بن دواس المطيري رحمه الله وحبيب العازمي


خليف بن دواس





ياحبيب يوم كـلٍ يقـول انـك حبيـب=المحبـه لنسـاء والمعـزه للرجـال
والذكر من حظ الانثى تجيب اللي تجيب=لو عقيمه ماتعقـب بنـات ولا عيـال



حبيب العازمي




اسمي اللي تعرفه معتبر مافيه عيب=والكلام اللي تقوله ترى ماله مجـال
الذكر من حظ الانثى ولا يلحقك عيب=وان لحقك العيب ماقلتلك ضنوة حلال




خليف بن دواس



ماعلى اللبوه غريـبٍ تعقـب لبـو ذيـب=الغريب ان عقب الذيب لبـوٍ مـن غـزال
الله اكبر بطت الذيـب فـي جـم القليـب=في بلاد مدري عن الناس في بعض الحوال



حبيب العازمي




ان بغيت الثانيه لا عجيب ولا غريـب=العرب قامت توافاء على روح وتعـال
الله اكبر ما احسب انك من الدنيا تشيب=مير جاك الشيب ياخليف من جور الليال



خليف بن دواس




لو ابا ضرب لك مثل بالكواكب للمغيـب=من غروب الشمس فالبحر لقمت بالهلال
الرجاء قيد الجمـل لايـروح للشعيـب=واحسب ان الاياس مطلق جمل ماله عقال



حبيب العا زمي





لوابا اركز لك هدف خابرٍ رميك يصيـب=إن سلمت من العجاج المطر تحت الخيال
مالك الا ماكتبلك يابـو حـظ ونصيـب=لو توردك المـوارد طويـلات الحبـال



خليف بن دواس




سال وادي من لبن سال وادي من حليب=سال وادي من عسل سال وادي خمر سال
كـل متغـرب لمتغربـه مثلـه مشيـب=وشامتٍ في وجنت الخد منسوبـه لخـال




حبيب العازمي




سيلت ماسيلـت يامنـادي يامجيـب=الجنوبي مايحب الشمالـي والشمـال
اضرب السكه صليبين واقطعها صليب=ولا تسمع في سواليف اهل قيل وقال



خليف بن دواس



في علو التل والا على الرجع الخصيب=ارض احيللها ودير ماشد الها رحـال
وش عمانيه عن الجيش معزولة عزيب=لو عليها كور في عنقها ستـت حبـال



حبيب العا زمي




يوم جمعت الدواء ويش رايـك ياطبيـب=فالمريض اللي يشيل المرض تحت الطحال
دونها الموت الحمر دونها الوجه الغضيب=لـو تقربهـا الاجابـه يبعدهـا السـؤال



خليف بن دواس




ووجودك وجد من ظاهرت شمسه تغيب=لا لغه يفهم وماخبـاه مافيهـا ريـال

الاخ حمود

بيض الله وجهك على نقل هذه المحاوره بين الشاعرين العملاقين خليف بن دواس رحمه الله وبين الشاعر حبيب العازمي

محاورة بالفعل ساخنه وفيها من الرمزيه ما الله به عليم الف شكراً مره ومرات ولك تحياتي وتقديري

تسلم ولاهنت أخوي حمود
على هذا النقل الموفق
كل الشكر لك

تقبل تحياتي وتقديري

اقتباس:
المشاركة الأصلية كتبت بواسطة معيض بن عريفج
الاخ حمود

بيض الله وجهك على نقل هذه المحاوره بين الشاعرين العملاقين خليف بن دواس رحمه الله وبين الشاعر حبيب العازمي


محاورة بالفعل ساخنه وفيها من الرمزيه ما الله به عليم الف شكراً مره ومرات ولك تحياتي وتقديري

الله يطول بعمرك وشاكر لك مرورك والاهم من الرد امتاعكم
بما اجده واراه انا بنظري المتواضع انه جميل

فاالشاعر حبيب معروف انه شاعر تخرج من اكادمية صياف
ولكن الشاعرخليف بن دواس شاعر لايعرفه الامن يتابع محاوراته
فهو شاعر عتموا عليه الشعراء باالاجماع ليس الاعلام لانه شاعرخطير باالفعل ليس بلغة الهجوله بل ياتي بكلمه ذو اتجاهات متعدده قابله للانكار
تحياتي يابو وليد

اقتباس:
المشاركة الأصلية كتبت بواسطة أبـــ بنت ـــوهـا

تسلم ولاهنت أخوي حمود

على هذا النقل الموفق
كل الشكر لك

تقبل تحياتي وتقديري


شكر لك مرورك واطراءك الجميل
تحياتي وودي

[align=center]الله يعطيك العافيه اخوي حمود
تسلم ولا هنت على هذا النقل

تحياتي وودي لك

[/align]

الله يعطيك العافيه
رائعة و فريده

سلم ذوقك
وسلمت الانامل

يعطيك العافيه أخوي حمود محاوره جدا رائعه تسلم يمينك

تسلم ولاهنت أخوي حمود

على هذا النقل الموفق
كل الشكر لك


تقبل تحياتي وتقديري

يعطيك العافيه على النقل

والاختيااار المميز


دمت بود

تحياتي