غنيته على الموَّال / بقلمي

انا ابسأل العرِّيف كلٍ ومعرفته
ومن يكسب الجوله انا اشوف معروفه

عن البنت والخايب على شاننا اعرفته
ترى البنت يااهل العرف للناس مألوفه

ياكم واحدٍ شامت له البنت واخطفته
عطته الغرام وبيتها صايرن جوفه

وياكم واحدٍ يحبها بس صرِّفته
سبب حظه المتعوس والوقت واضروفه

وبقى الخايب المذكور الاحباط لاشفته
تمنى تشوف البنت وماودك تشوفه

كان الله في عون اللي دنياه مااسعفته
على غير مايرغب تحداه وتلوفه

وانا ابشكر المعنى شرَّفني وشرَّفته
غنيته على الموَّال وانا اكتب احروفه

نايف الشويب السليمي