كــيــفــ مـــاذا هـــل مــن يـفـهـم سـؤالي

[poem=font="arabic transparent,6,sandybrown,bold,italic" bkcolor="transparent" bkimage="backgrounds/21.gif" border="solid,4,darkred" type=1 line=0 align=center use=ex num="0,black""]
كل وعد وكل قول وكل حليا=وكل مضمونً حكينى ماحصليا
مالقيت الما هرجنى به حقيقه=كيف صارت جرّت الوسمي محليا
المزون وبرقها ويا رعدها=ماعطا للقاع مد ولا بذليا
يا شوامخ طي يا مسكان حاتم=مالقينا للمطر قطرة بلليا
يازرود الجود يا ديرة سلامه=ابو زيد والزناتي بك نزليا
يا مراتع خيل خزرج مع خزاعه=يا فخر بطل العروبه بك حفليا
كم تغزل فيك سالم واعتزى بك=سالم الزير المهلهل له مثليا
يا نفل روضً جمع عبله وعنتر=وفيك مجنونً على ليلى سئليا
وفيك من كلف بتبليغ الرساله=لين نورك شع واطفى للجهليا
كيف ماذا هل من يفهم سوالي=الاسد بالليث ما يرضى بدليا
كيف حد مهند الفولاذ يرضى=كف لاش عودّت فيه بخجليا
كيف رخصت قيمة الشقرى الاصيله=وغير قيمة راعي النوماس غليا
والكرامه والوفاء بيّعة بحيله=والفخر وابن الفخر بيع بفشليا
يا اسفا يا حيف لاتجد الحسوفه=وين يلقا الطيب وقفات ومثليا
ماتقل عاشو على الدنيا صوارم=ولا بقى للجود وابن الجود حليا
مابقي غير المجرّه والنعايم=وتاه فيها سهيل وحتار وبحليا
ومل نجم الجدي والقطب الشمالي=وترفض الكلمات معنى الاف واليا
وكلمت الشاعر بلا فارس مشاعر=والنفوس من القهر تشكي ومليا
ومن تمعّن بالليالي والحقيقه=شاف من دنيا العنا قهر وملليا
مل صبري ماتحمل ما احتملته=من لهب نارً بصدري تشتعليا
وإن شكيت لغير خالقي مذله=وإن نخيت رجال مانلقا كمليا
اصدقانا بالرخى ولّا المقاصد=وان نخيته كن عرفك ماحصليا
يا بغيته جيت يمّه مالقيته=وان لقيته عن معاناتك جهليا
وين من يسمع كلامي بالامانه=لا تسوون الجمايل بالخبليا
ما يعذر بعازته وش لو تعذر=وجاب له حرجه بها عد وفتليا
الجمايل عيبتا في غير اهلها=والحمول يشيلها متن الجمليا[/poem]

لافي بشير،،، صح لسانك
وبيض الله وجهك

لافي بشير،،، صح لسانك


وبيض الله وجهك


وتقبل مروري

[∫ امير القلوب ∫]

لافي بشير،،، صح لسانك

صح لسانك يالافي
ننطر جديدك