الغبي والببغاء

يقوووووووووووووووووووولكم :

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ...

راعيه ضاق صدره .. وقرر ياخذ الببغاء لمدرب الطيور علشان يعدّله ...

: يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي ... إلا أنت أذكى واحد عرفته في حياتي !

قال له راعيه : ... طيّب .. وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك .. تسوي فيها اللي تبي ..

قال : طيّب ... إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..

: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟ ..

: ذكاء خارق .. وماشي مع الحكمة اللي تقول " لا تحط البيض في سلة واحدة " ... فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..

: .. طيّب .. وإذا دخلت فلوسي في الأسهم ؟ !

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

رد: الغبي والببغاء

هههههههههههههه

تسلم اخ فايزويعطيك الف عافية

ننتظرجديدك

تحيااتي

رد: الغبي والببغاء

هههههههههههههه

تسلم اخ فايزويعطيك الف عافية

ننتظرجديدك

تحيااتي

رد: الغبي والببغاء

[align=center]هههههههههههههههههههههههه


فعلاً غبي...


ألف تحية.[/align]

رد: الغبي والببغاء

انا ودي أصيـــــــــــــــــــر غبي ولا أدخل اسهم.........


مــــــــاأقول الا عســــــــــى الله يرزقنا برزق ماحسبناااااا ........حسابه


الله يعطيكم العافيه على تجاوبكم ومشاركتـــــــــكم الجميله,,,,,,,,,,,,,