05-30-2010, 09:31 PM
|
#1 |
   
تاريخ التسجيل: Apr 2010
المشاركات: 1,232
معدل تقييم المستوى: 195  |
محاوره بين العريس والعزوبي
--------------------------------------------------------------------------------
العزوبي قال العزوبي يوم شـاف المعاريـس *** الرابـح اللـي لاقعـد مايقـومـي أول سنـة كـلٍ يبـث الاحاسيـس *** وثاني سنة تجلب عليـك الهمومـي وثالث سنة حط الرمـل والمتاريـس *** لابد مـن حـربٍ تقـوم وتدومـي لامن دخلـت الـدار لاكنهـا بليـس *** متلفلـفٍ فـي غاليـات الهدومـي تأخذ من المخباة وتسحب من الكيس *** وتغيـر الموديـل شـيٍ لـزومـي وان قلت ما أملك يامره لوهو فليس *** قالـت تديّـن لا تكـثـر بلـومـي ولاجيت مرة نـاويٍ لـك ب....... *** قالت تصّبـر خـل قلبـك رحومـي ليتك تساعدنـي تصحـح كراريـس *** زادوا علينا أربع حصص في العلومي أزوارة في العصر والصبح تدريـس *** والليـل تصحيـحٍ وودي أنـومـي تبكي إذا جاها وجع لوهـو ضريـس *** وتقول أبي دكتـور ماهـو حكومـي يروح عمرك بين عرسٍ وتأسيـس *** واربـع سنيـن والبزاريـن كومـي وسط المطابخ بين قـز ومحاميـس *** هـذا صحـن رزٍ وهـذاك ثـومـي والا خلصـت إمنظـفٍ الملالـيـس *** جتك تقول انهـج نبـي زود لومـي ولا جبت قالت اكنس الحوش تكنيس *** خل البلاط يصيـر مثـل النجومـي ومكرسٍ جهدك من الخوف تكريـس *** وان نادتك بالصوت اقبلـت مومـي يجيك تـال الليـل دايـم كوابيـس *** ويشيبنـك مزعـجـات الحلـومـي هذي حياة اللي ركض باغـي...... *** ضيع حيـاة أول وصـار محرومـي تعيش يالمعـرس حيـاة المحابيـس *** وشف العزوبي بكل شارع يحومـي من مفرق جلاجل إلى جوي للحيـس *** وان حار حايرهم بوسطـه يعومـي يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي شف العزوبي مايعـرف الهواجيـس *** ولا يـودي حرمتـه كـل يـومـي يا عنك ماحاش الفخـر والنواميـس *** الا عزوبـيٍ يـعـرف السلـومـي اذا اعرس المعرس غدا عندنا هيس *** ونزيل اسمه مـن سجـل القرومـي والى بغيـت البهذلـة والدحاويـس *** فأعرس وخلك من عـداد الرخومـي وش صابكم من عرسكم يا المفاليس *** وش استفدتوا غيـر دق الخشومـي اللي تزوج أشهد انـه غـدا تعيـس *** والرابح اللـي ماخـذٍ لـه.......... ترى عناق العام نطت على التيـس *** والحرعقب العـرس يصيـر بومـي قال العريس قال العريس أنا الذي في سـعاده ××× ماني عــزوبــي ضايق الصدر مهموم مبسوط من مثلي قعـد عنــد غاده ××× مهوب مثـل اللي لحاله تقل بـــوم في كل لــيله حاضنٍ لـه وسـاده ××× وانا مـع المـزيون في غـرفة النوم أنا اشهد انه عايـشٍ في قــراده ××× يروح عــمــره مـا تهنى ولايوم الى دخــل للبيت يبلش بــزاده ××× يقعد يقــطّـع له طمــاطٍ معه ثوم ولا قضى عقب العصـر من عداده ××× والـحوض من كثر المواعين مزحوم والى غسلهن ثم فـك الســـداده ××× دلى يغســل له سـراويل وهــدوم وان ماطــبخ روّح لمطعـم حمـاده ××× والا قـعد في منزله واعـلن الصوم وان جاه ضيفٍ باغيٍ لـه رفـاده ××× يـروح يشــري رز وايـدام ولحوم ما يعرف الشمبو وراسـه عــراده ××× وشــمغه من الكواي ملـيانه رقوم ما يكنس الفرشــه ويلقط بــداده ××× اما بقـايا رز او خــبز معــروم عنده صراصيرٍ بحـاجه ابــاده ××× تسـرح وتمرح في الغرف دايم الدوم يجمع قروشه ويتســـلف زيـاده ××× حتى يسافر مصـر او ديرة الروم او راح يم التاي وتـــرك بـلاده ××× ناظر جـوازه ممـتلي كله ختوم دايم يسافر ما يعـرف العــباده ××× يسكر وينكر و........ بالكـوم وإلى رجع يـروح يـم العــياده ××× حيث ان فـيده مـن فعايله مزكوم وإلى قعد مارس مع .......عاده ××× حيثه مسيكينٍ مـن العرس محـروم له موتر خرده كثير فســـاده ××× في كل يـومٍ في الاشارات مصـدوم غمارته تقول ورشــة حـــداده ××× ومريقـده في شـنطته دوم محزوم دوم يتنقل تقــل كنه جــراده ××× في كـل يومٍ نازل له على قــــوم يسهر والى قام الظهر من رقـاده ××× روّح على شغله والى اليوم مخصـوم يذي بنات الناس يبغي مـراده ××× في كل يومٍ زاهمٍ له على ( هـــوم ) اراه مايعـرس ويقـدح زنـاده ××× يترك بـنات الناس ويصير معصوم يلقى هنوفٍ تخـدمه مثـل داده ××× ويصــير رجّالٍ ويسلم من اللوم يفرح الى من قرب وقت الولاده ××× ويصير معنى العرس بالحيل مفهوم يشوف أولاده ومعهم شهـــاده ××× قبل الـوفاة وقولة الناس مرحــوم
__________________
 ماهمني هرج الرخووم الحقودين=وآطى على وجه الردي لاتـردا
ارقى سنوود وهقوتي بالحشيمين=اللي لهم حشمة وقيمـة ومبـدا |
|
|
|
05-30-2010, 11:50 PM
|
#2 |
    
تاريخ التسجيل: Jul 2008
المشاركات: 7,960
معدل تقييم المستوى: 352 |
رد: محاوره بين العريس والعزوبي
محاوره رائع واكثر
سلمت اناملكـ على هذه القصيده الاكثر من رائع لا عدمنا طلتكـ الراقيه تقبلي مروري
__________________
 اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار •• اللهم انسه فى وحدته وانسه فى وحشته وانسه فى غربته • اللهم اجعل قبره روضة من رياض الجنه ولا تجعله حفره من حفر النار • اللهم اعذه من عذاب القبر وجاف الارض عن جنبيه |
|
|
|
|
06-01-2010, 08:28 PM
|
#3 |
 
تاريخ التسجيل: Apr 2010
المشاركات: 35
معدل تقييم المستوى: 0 |
رد: محاوره بين العريس والعزوبي
أختي شيهانه يعطيك العافيه وتسلم يمينك على النقل تقبلي مروري و*17و*17
__________________
لو بذكر افعال عنزه والهوايل
................روس الصغار تشيب والعاقلينا نهجم على وضح النقى بالقوايل .................عيب(ن) علينا نهجد الغافلينا حنا ليامن صار بالناس مايل ..................نعّدل سيوف الهند بالمايلينا افهم على عناز والعلم قايل .................. لامن نخانا الذيب حنا عوينا |
|
|
|
|
06-01-2010, 10:16 PM
|
#4 |
تاريخ التسجيل: May 2010
الدولة: آلــــريـــآض
العمر: 38
المشاركات: 130
معدل تقييم المستوى: 172 |
رد: محاوره بين العريس والعزوبي
أعلــن زواجي ياا شباب على فكرة الكل معزووم بس بنت الحلال لحد الان ما اخترتها بــس يمدحوون وحده هنا بالمنتدى هههههههههههههه تسلم يمينك يا شيهانه محاورة جدا جدا رائعه ولها اكثر من معنى بالفعل الله يعين العزوبيه ويهني المتزوجين تقبلي مروري
__________________
 |
|
|
|
|
06-02-2010, 06:17 PM
|
#5 |
|
تاريخ التسجيل: May 2010
المشاركات: 48
معدل تقييم المستوى: 0 |
رد: محاوره بين العريس والعزوبي
والله العزوبي رأيح في خبر كان الله يعين والله جت على الجرح و*16 يعطيك العافيه أختي شيهانه
|
|
|
|
|
06-25-2010, 04:27 PM
|
#6 |
|
تاريخ التسجيل: Apr 2010
المشاركات: 1,232
معدل تقييم المستوى: 195 |
رد: محاوره بين العريس والعزوبي
بنت وايل majid ولد ابوه يشرفنـــــــــــــــي مروركم
__________________
ماهمني هرج الرخووم الحقودين=وآطى على وجه الردي لاتـردا
ارقى سنوود وهقوتي بالحشيمين=اللي لهم حشمة وقيمـة ومبـدا |
|
|
|
|
06-25-2010, 07:38 PM
|
#7 |
 
تاريخ التسجيل: Apr 2007
الدولة: المغرب
العمر: 40
المشاركات: 6,256
معدل تقييم المستوى: 333 |
رد: محاوره بين العريس والعزوبي
شيهانة
سلمت اناملكـ على هذه القصيده الاكثر من رائع دمتي بهذا الابداع والنشاط
__________________
  |
|
|
|
|
06-25-2010, 07:42 PM
|
#8 |
|
تاريخ التسجيل: Apr 2010
المشاركات: 1,232
معدل تقييم المستوى: 195 |
رد: محاوره بين العريس والعزوبي
النـــــــــــــدى يسعدني مرورك أختي
__________________
ماهمني هرج الرخووم الحقودين=وآطى على وجه الردي لاتـردا
ارقى سنوود وهقوتي بالحشيمين=اللي لهم حشمة وقيمـة ومبـدا |
|
|
|
|
06-25-2010, 07:49 PM
|
#9 |
 
تاريخ التسجيل: Apr 2009
المشاركات: 5,065
معدل تقييم المستوى: 284 |
رد: محاوره بين العريس والعزوبي
شيهانه صح احساسك
مع ان القصيدة فيها نوع من الطرافه الا انها تحمل رسالة سامية من القلب شكرآ لك مودتي
__________________
محمد التويجري |
|
|
|
|
06-25-2010, 08:22 PM
|
#10 |
تاريخ التسجيل: Dec 2005
المشاركات: 4,036
معدل تقييم المستوى: 304 |
رد: محاوره بين العريس والعزوبي
صحيح صحيح صحيح
__________________
|
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 10:49 AM.