أشرايك تكتب بيت شعر ايعبر عن حالتك النفسيه !!!!!!

لكْ فِي خفآ جويّ معَاني كثثثثثيره !

ماني على خبرك حبيبي تراني
حتى عن صغار الأماني تنازلت

تسافر بي الذكرى وأحسب إني وصلت آخــر وطن بالبال !!
واثرني ماوصلت إلا بدايـــة درب حرماني

طال السهر و الهجر بانت مواريه

من الصاحب اللي ما نويت الردا به

لو طالت الايام ماني بناسيه

و إن غاب جتني علة(ن) من غيابه

يا طول ما مديت حبل الرجا فيه

و هو معودني بلطف و حبابه

و اليوم ما جاني و انا صرت ما اجيه

وعقب الغلا يجيه مني مهابه

احب صدقانه و أعادي معاديه

و افرح بمرساله و فلة كتابه

القلب بانت يا ابو بندر خوافيه

و ما جابت الورقه من النوح جابه

يا قلب هون من همومك والأوجاع
ترى الزمن يا قلب ما هو بطايع
جار الزمن وأضحك ولو كنت ملتاع
سود الليالي ما تغير طبايع
أضحك وخلك بالأمل دوم طماع
لعلها خيرة ولو كنت ضايع ..

مشغول بالِي ولا أدري وش مضايقنِي ..
حزين .وَ الحزن مدري وش هي أسبابه ..
أحس كِن الدمُوع بَصمت تخنقنِي..
وأحس كِني صغير وَ ضاع في غابه ..

يمرّني كل عام يوم ميلادي=يوم أعرفه ويوم انسى مواعيده
يمرّني وانتبه للغايب البادي=واهوجس بحال غيري من مواليده
أرتاع وارتاح له .. يفرق وهو عادي=ينقص من العمر عام في ضحى عيده
أناغم الحرف ذا باكي وذا شادي=وارسل مع كل دمعه وجد تغريده
ياوابل الغيث كان الحظ به جاد=يزهر حياتي نداه وتزدهر بيده
ياركب الايام معك العمر ينقاد=كم ليلة(ن) وسّدتني فيك تنهيده
ويارحلة العمر في صحوات ورقاد=ويارعشة الجفن في غفوه وتسهيده
في لحظة العمر تسري فزّة فوادي=لحظه وفزّه وباقي العمر ترديده
الّلحظه الماضيه ما عاد تنعاد=والقادم من العمر باالغيب تفنيده
ثلاثة ايّام للرجّال يا هادي=يومين دنياه ويوم البعث تخليده

ليت عقل العود في سن الشباب=وحكمة الستين في عشرينها

كان ما جرَ القدم درب العذاب=وانتهزت ظروفها في حينها

وكان ما ضاعت دقايقها هباب=وكل لحظه أستغل سنينها

كم تركت من الفرص واقفلت باب=بعتها واهل الفرص شارينها

وان نصحني ناصح أحسب حساب=قلت يمدي .. توَنا بادينها

العمر باوَل زمامه لا تهاب=والَليلْ طوال يا سارينها

ما هقيت إن الزمن مثل السراب=والَليالي خيَبت راجينها

أثر ساعات العمر مثل السحاب=بالظلام تمر ما ندري بها

ويل من همَاته صعود الهضاب=ترجمه ريحانها بايدينها

وحظ من همَاته يحوش التراب=يبشر بكثر الذهب في طينها

وكل قصر له أساس وسقف وباب=يحكمون اركانها بانينها

والصيانة للقصر وإلا الخراب=أفطنوا للدار يا حامينها

نفسي عيوف يا اريش العين تجزع
=ما تقبل الحقران لو من عشيري
إلى متى في طلبتك باتخضع
=وأسأل متى يوم الوصل بي يصيري
لو كان قلبي في هواك يتقطع
=خلـه لعلـه بالقسى يستخيري
أنا جزمت أنساك يا زين وانزع
=اللي بقى من حبكم في ضميري
مثلي عزيز النفس عنك يترفع
=دور هبيل فواد مثلك غريرِ

وش بلاكِ ياالغزال العارضيه=عن مراتعكِ سليتي أو غديتي
اتردد بالمداهيل العاديّه=واتشوّف واتوحّى مابديتي
الهوى مشهات للقلب ونحيّه=وعساكِ عن هواكِ ماانتحيتي
ياعروس القلب من يومك صبيّه=كل عمري فدوة(ن) لك لو بغيتي
المحبه في عروق القلب حيّه=ياكثر مافز قلبي لاطريتي
واهني من نام وعيونه هنيّه=ماسهر ليله على ليتك وليتي
ياأحب الناس بالدنيا عليّه=أجمل اللي فيني بطوعي خذيتي
فيني من الحب مايكفي البريّه=لو خذوا نصفه حرام(ن) مادريتي